Alaikum salam warahmatullahi wabarakatuhu, Maa Angku Armen Zulkarnain, Sarato Rang Lapau nan Basamo
Tabayang di ambo kabarasiahan udaro Lereng Utara Gunuang Sago tampek Angku mengetik komputer manulih klarifikasi ko. Dari Padang Manggateh Sungai Kamuyang, tampak tabantang Ranah Limopuluah. Dindiang-dindiang terjal Lambah Harau jaleh tacelak dari kejauhan. Batang Sinama nan maula-ilia ka Lakuak Goduk Pakan Robaa jo Ampalu Halaban nan manyuruak dari mudiak sakitar Gunuang Bongsu nan megah di tangah, lapeh jauah ka Pek Mudiak ka Suliki ka Baruah Gunuang. Di sabalah kida di kejauhan jaleh tabayang Nagari Kubang -- tampek Angku Armen bapucuak bulek baurek tunggang -- dengan Limbanang, Mudiak Liki, Pauah Sangik dan Taratak Kubang malereng bukik Suayan. Sadonyo jaleh tabayang di mato dan angan MakNgah dari kejauhan di Tapi Riak nan Badabua di Rantau Jauah. Lingkungan alam tampek angku manulih klarifikasi ko jaleh manolong manjaniahkan masalah sajaniah aia Batang Tabik -- tampek baranang kasanangan MakNgah -- di bawah Sungai Kamuyang. Mudah-mudahan stereotip Minangkabau apokoh individualistis atau komunal dapek manjadi dasar dan bahan pemikiran untuak introspeksi dan retrospeksi bagi angkatan penerus di maso datang. Di siko tampak jaleh variasi beda pandangan antaro arm-chair social scientists dengan field worker nan aktif di lapangan. Kalau kaduo metode tu dikombinasikan akan dapek kito caliak di hari nanti ado solusi dari pandangan stereotip trhadap Urang Minangkabau. Mudah-mudhan iko dapek kito anggap sabagai satu langkah permulaan. Salam, -- MakNgah Sjamsir Sjarif Di Tapi Riak nan Badabua Parak Siang Di Rantau Jauah Senin pk 2 paraksiang 30 Juli 2012 --- In [email protected], Armen Zulkarnain <emeneschoobie@...> wrote: > > > > Assallammualaikum wr wb > > Angku, mamak, bundo sarato dunsanak sapalanta RN dimano sajo nan ambo hormati, > > Postingan nan ambo kirimkan mantun, batujuan protes ambo sacaro pribadi > satantang apo nan disampaikan ajo Suryadi bahasonyo urang minang ko adolah > seorang individualis, kadang2 seorang super individualis nan sampai > manyabuikan dalam hal kriminalitas baitu juo dengan mancaliak ka referensi > dari H.H.B. Saanin Dt. Tan Pariaman, "Kepribadian orang Minangkabau dan > psikopatologinya." > > Baitu juo nan alah disampaikan oleh pak Saaf jo ajo Syaf AL bahasonyo urang > minang ko suko batikai, juluak manjuluak, indak bisa bakarajosamo walaupun > indak mancantumkan referensi dari sumber manopun nan labiah kapado pengalaman > baliau-baliau salamo bagaua diberbagai bidang. > > Baa kok kito suko bana mampaburuak identitas minangkabau jo apo nan ado > tampak dimato kito sadangkan kearifan lokal minangkabau mantun jaleh-jaleh > manyuruah untuak saiyo sakato? Ambo kiro, dek kurenah kito juo mangko > persatuan mantun jauah panggang dari pado api pado apo nan tajadi ataupun apo > nan tanampak dek ajo Suryadi, pak Saaf ataupun ajo Syaf AL. > > Apo nan ambo sampaikan mantun iyo indak manggunokan referensi nan dibisa > ditinjau sebagai referensi aktual dalam keilmuan nan bisa > dipertanggungjawaban sacaro akademis maupun hukum positif nan balaku di > negara nan ko. Satali tigo uang, saroman apo nan disampaikan pak Saaf & ajo > Syaf AL nan balain jo apo nan disampaikan ajo Suryadi nan memakai literatur > sasuai nan alah basampaikan. > > Apo iyo baitu? Apo iyo urang minang ko individualis bahkan super > individualis? Mangko dek itu ambo cubo manyampaikan dalam hal kriminalitas > apo nan ajo Suryadi sampaikan bahasonyo ado juo nan urang minang ko bisa > bakarajo basamo-samo indak sekedar samo-samo bakarajo. Hal iko sampai ambo > barikan contoh nan ado takambang di alam nan ko walaupun sacaro akademisi > maupun sacaro hukum indak bisa ambo pertanggungjawakan sendiri sabab basumber > dari nan hal nan indak akademis maupun sasuai jo hukum positif dinegara nan > ko, samo seperti apo nan pak Saaf & ajo Syaf AL sampaikan pulo. Selain itu, > kegiatan ambo sehari-hari memang banyak ado di nagari-nagari, mulai dari > kantua pemerintahan nagari, surau jo masajik, pertemuan jo niniak mamak, di > sawah, tabek, ladang maupun kandang taranak, hinggo ka palanta-palanta nan > isinyo urang nan memiliki latar belakang & pengalaman marantau nan > babeda-beda pulo. > > Bedanyo, apo nan ambo sampaikan mantun, bisa mambuek tabik suga urang sa > Piaman Laweh dengan mamposting : > > " Dek ajo lai urang Piaman, bilo-bilo main juolah ka Blok M. Nan manggaleh > ameh disinan umumnyo urang IV Koto Aua Malintang, Suinggiang jo Sungai > Limau. Di muko kadai-kadai ameh mantun ado pareman nan tagak hilia mudiak. > Pabilo ado nan mambao ameh indak basurek, urang toko indak namuah > manarimonyo. Pareman nan disabuik "tukang catuih" nan ko nan kudian akan > menadah ameh maliang nan ko. Sia na mamodali tukang catuih mantun? Ado > organisasi terselubungnyo. Induak angkangnyo lai urang Piaman, dari mulai > Mendagri, Wagub Sumbar & Bupati sarato Wabup Padang Pariaman jaleh sia > urangnyo dan indak etis ambo sabuiknyo di milis nan ko". > > Hal itu ambo sampaikan dengan tujuan bahasonyo ajo Suryadi nan lai urang > akademisi indak bisa hanyo mancaliak pado sumber nan sifatnyo ilmiah sajo > sabab banyak nan tajadi di Indonesia ko nan indak ilmiah pulo namun hal itu > tajadi. Apokah sumber nan ambo sabuikan mantun bisa dicaliak pado sisi > ilmiah? Hal iko bapulang kapado praktisi nan namuah meneliti hal mantun > sahinggo menjadi sumber nan ilmiah. Apokah hal iko sasuai jo hukum positif? > Hal itu bapulang pulo kapado penegak hukum untuak membuktikannyo sacaro hukum > pulo apokah kriminalitas mantun memang tajadi & dilakukan oleh urang minang > pulo. > > Tipak di diri ambo, kok iyo indak kalau postingan mantun melanggar hukum > saroman nan pak ketua Muharmein sampaikan, tantu ambo iyo patuik dihukum > untuak itu & hal itu tantu harus ambo hadok-i sebagai balasan urang nan > melakukan pelanggaran hukum sasuai hukum positif nan berlaku di negara nan > ko. Insya Allah ambo indak akan lari dari apo nan harus > dipatangguangjawabkan. Walau ka disigi alamat rumah nan bisa dicaliak pado > media IT nan ko, dek karano kegiatan ambo banyak barado di nagari-nagari, nan > kini sadang mempelajari jaringan usaho taranak jawi di sekitar Pikumbah, > pabilo diimbau oleh nan berwajib ambo akan datang mampatangguangjawabpi nyo. > > Hanyo ciek nan bisa ambo sampaikan, ijan sakali-sakali juo kito urang minang > ko manyabuik sajo urang awak ko indak bisa basatu, bakarajo samo, saliang > garajai manggarajai, indak bisa bamufakat dan nan sajinihnyo. Sabab pabilo > tampak hal nan saroman mantun, alah sapatuiknyo kito mampaelok apo nan indak > elok, mampasatukan apo nan indak basatu, mampasamokan apo nan indak namuah > basamo, mampaiyokan apo nan indak namuah baiyo, bukan hanyo sekedar tagak > diateh bukik sajo sambia mambari komentar bahkan mampasorakan supayo nan > lain-lain tahu pulo. Hal itu hanyo manunjuakan diri kito sendiri sabana lamah > mentalnyo mahadoki kurenah urang awak nan tajadi & indak mampunyoi niek elok > baa mangko nan indak elok, bisa manjadi elok handaknyo. > > Sabab diwarihkan sajak niniak moyang dari daulu, tibo diparuik indak > dikampihkan, tibo di dado indak dibusuangkan, tibo dimato indak dipiciangkan. > > Di nagari-nagari, walaupun banyak nagari dimano limbago adatnyo mati suri, > namun masih ado nan lai bafungsi & bajalan maatur tatanan masyarakat adat nan > sasuai jo ABS SBK. Di nagari-nagari pulo, paminat baburu babi/kandiak bisa > baiyo batido & bakarajosamo untuak kegiatan mantun, mulai dari jadwal & > lokasi baburu nan alah disusun jauah-jauah hari sampai kapado mengatur > strategi jo posisi masiang-masiang paburu sasuai jo kontur medan paburuan. Di > level provinsi, urang minang ko bisa pulo bakarajosamo maagiah gala sasako > adat kapado banyak pejabat sampai kapado kapalo negara sakalipun, dimano alek > mantun malibatkan organisasi nan maatehnamokan adat minangkabau di Sumbar, > keluarga Pagaruyuang & pemerintah daerah nan dibiayai oleh APBD pulo nan > nyato-nyato adolah pitih rakyat. > > Diperantauan, urang minang ko bisa pulo bakarajosamo dalam organisasi rantau, > baiak nan levelnyo nagari maupun kabupaten. Bisa kito caliak contoh nan alah > sudah pado banyak organisasi perantau nan indak mungkin ambo sabuik satu > persatu, walaupun ado juo kegiatan organisasi perantau hanyo tingga uok sajo. > Nan terakhir, urang minang baiak nan dirantau maupun nan di Sumbar bisa pulo > bakarajosamo, baiyo-iyo batido-tido, pado contoh nan aktual, terakhir di > bulan Maret 2012 dalam kegiatan Musyawarah Adat nan diselenggarakan jo > pendanaan dari donatur urang minang dari berbagai nagari, sponsor dari > perusahaan maupun manggunokan APBD pulo. Nan talibat dalam acaro ko barasa > dari berbagai latar belakang, berbagai nagari maupun kabupaten, baiak nan > swasta maupun nan bakarajo di pemerintahan. > > Apo iyo urang minang mantun indak bisa bakarajosamo? Mulai dari level nagari, > antar nagari, antar organisasi, antar institusi nan babeda latar belakang > ekonomi maupun pendidikan? Ijan sakali-sakali juo, apo nan pernah kito alami > dek mungkin karano kito indak bisa bakarajosamo, indak bisa baiyo batido, > manggeneralisir mamandang & manyatokan urang minang nan ko indak bisa > bakarajosamo, baiyo batido, individualis bahkan super individualis saroman > nan alah basampaikan. Sabab efek dari nan apo nan kito sampaikan akan manjadi > stigma bagi nan mudo-mudo, nan masih baraja bahkan indak tahu samo sakali > tentang esensi kearifan lokan minangkabau mantun. Hal iko akan memberikan > efek nan negatif pado maso mendatang, dimano generasi mudo mantun nan akan > menggantikan nan tuo-tuo untuak bakarajosamo, baiyo batido dalam musyawarah > mufakat. > > Sakali lai tipak di ambo, kok salah ambo bakato, mohon dimaafkan. Kok sasek > di adat salingka palanta silahkan dikaluakan. Kok salah dimato hukum positif > nan manyabuikan mengenai kriminal catuih nan dilakukan urang Piaman & > organisasi bajing loncat sarato organisasi copet nan dilakukan urang minang, > silahkan dikadukan kapado lembaga hukum sahinggo bisa pulo ambo bayia utang > di kandang situmbin mantun. > > wasalam > > AZ/lk/34th/caniago > Padang Mangateh, Sungai Kamuyang > di pinggang gunuang Sago. > > asa nagari Kubang, 50 Koto > babako ka Canduang Koto Laweh, Agamo > > Pak Zul Tan, bagi ambo indak masalah lalok agak bara bulan ataupun agak > batahun di kandang situmbin doh, dari pado tiok sabanta mancaliak urang > minang nan suko mampaolok-olok taruih apo nan alah dibantangkan sapanjang > adat di minangkabau bahasonyo urang minang indak bisa basatu, baiyo, batido. > Ambo pun bukan tipe urang minang nan mandanga badia malatuih lansuang mandok > ka bulakang. > > Khusus untuak ajo Suryadi, dek karano "malu nan indak bisa dibagi" mantun, > usahlah mambuek posting nan barek sabalah manyabuikan urang minang nan ko > individualis bahkan super individualis nan indak bisa basamo, baiyo batido. > Kan tasabuik di palanta-palanta pado jadi bakeh alim ulamo, rancak jadi bakeh > urang maliang atau bagak baladiang. Urang minang ko kurenahnyo samo jo suku > nan lain nan ado di Indonesia, bedanyo mungkin labiah punyo paretongan > dibandiang jo suku nan lain & punyo warisan kearifan lokal untuak maatur > tatanan masyarakatnyo sacaro musyawarah & mufakat sarato basandi kapado > syarak & Kitabullah. > > > ________________________________ > Dari: Lies Suryadi <niadilova@...> > Kepada: "[email protected]" <[email protected]> > Cc: MuharmeinChaniago <muharmein@...>; Armen Zulkarnain <emeneschoobie@...> > Dikirim: Senin, 30 Juli 2012 12:23 > Judul: Bls: [R@ntau-Net] Re: Permintaan klarifikasi Kriminalitas Ughang > Piaman ---- sebuah visi tentang bung Ahok: orang Minang (super)individualis > > > Mamak2, Kakak2 sarato dunsanak di palanta, khususnyo ka Sanak Armen, > > Soal kepriabdian urang Minang, nan manyabuik2 soal pencopet, ambo kutip dari > makalah Prof. HHB Saanin Dt Tan Pariaman (1980). Cubo diliek baliak: jaleh > apo nan ambo tulih dilatak dalam tando kutip. Jadi, itu bukan pandapek ambo. > Saanin ko salah sorang urang awak ahli psikologi angkatan pertama Republik. > Mungkin pandapeknyo indak lompong sagu sajo doh. Keceknyo apo nan nyo > kemukakan dalam makalah tu ditulih sasudah labiah 10 tahun mengamati banyak > pasien sakik jiwa urang awak, baiak di rantau maupun di kampuang. Memang ndak > cukuik aneh bahaso di kampuang awak banyak basobok urang gilo (malah di abaik > 21 ko masih ado nan bapasuang). Di zaman kolonial antropolog ragawi Dr. de > Zwaan lah tertarik meneliti banyak urang gilo di Minangkabau (liek: > > Rupo e artikel lengkap Pak Saanin tu ado di buku ko: > > Pariaman, H.H.B. Saanin Dt. Tan. 1980. "Kepribadian orang Minangkabau." In: > M.A.W. Brouwer et al. (eds.),Kepribadian dan perubahannya, pp. 139-164. > Jakarta: Pt. Gramedia. > > Pak Saanin ko (nan namo e diabadikan kini untuak namo rumah sakik Gaduik) > aslinyo urang Pasisia, tapi mungkin niniak muyang e ughang Piaman, sabab di > balakang namo e ado gala 'Dt. Tan Pariaman'. > > Soal maasah kapiamanan (atau kaminangkabauan sacaro umum), ambo maambiak > jalur budaya: mancubo mamahami bahaso sastra indang, baikayaik, sarafal anam, > simarantang, rabab Pariaman, pantun, dan genre2 sastra Minang lainnyo nan ado > di luhak dan rantau nan lain. Memang itu bidang nan ambo sukoi sajak dulu > sampai kini. > > Kalau soal 'ughang2 gadang' baameh babungkah di Pasa Tanah Abang, Blok M, > dll., sasuai ambo jo kecek Sanak Aulia di bawah, itu tantu lah lain pulo > onggok e tu. Kawan2 nan jadi tukang ameh di parantauan lai acok juo bakontak. > Satiok ambo pulang ka Jakarta, salalu ambo mampir manjanguak sorang famili > nan manggaleh ameh di Pasa Ikan, Jakarta. Di sinan ambo tagak agak sajam duo > jam maota2, maliek2 aktifitas urang bajua bali. Tapi indak atensi ambo untuak > tau labiah jauah soal saluak-baluak dunia padagang ameh ko. Indak pulo atensi > ambo untuak mamakai cincin ameh gadang baukie bakarawang mamakai parmato buah > dalimo, walau acok ditawarkan dek adiak ambo ko. > > Di Jakarta ko ka mungkin sajo tu nyo ado pareman ughang Piaman atau dari > luhak nan tigo dan rantau nan lain. Alun takilek tantu alah takalam kito > tantang itu. Tahun 1860-an sajo Muhammad Saleh Dt Rangkayo Basa (Meik Saleh), > pedagang Piaman nan terkenal di abad ke-19, dalam auotbiografinyo: 'Wiwajat > hidoep dan perasaian saja', manulih bahaso di Susoh jo Tarumun (Aceh Barat) > lah ado pareman urang awak (Minang mukasuiknyo) nan jadi 'rajo' di palabuhan, > nan sation kolek barang masuak dari ma sajo, paralu manyetor gak ciek atau > satangah karuang gambia atau bareh ka inyo. Menarik (dan sasuai jo kecek > Sanak Armen) kutiko kolek Meik Saleh masuak dari Piaman, pareman urang awak > ko pun mamintak bareh sakaruang dari Meik Saleh. Tapi sasudah maota2 dalam > bahaso Piaman, akhirnyo perei sajo lai, ndak kanai 'pajak' doh kolek Meik > Saleh. SABAB SASUDAH MAOTA2 JO MEIK SALEH TANBUKAK RASIO: RUPO E PAREMAN KO > MANDEH E URANG KURAITAJI, HE HE.UNTUK KONTEKS INDONESIA, > KESETIAKAWANAN ETNISITAS ITU MASIH TAMPAK, WALAU WUJUDNYA MUNGKIN BERBEDA2 > ANTARA SATU ETNIS DAN ETNIS LAIN. > > Soal urang Minang jadi pareman (itu saabih2 akan), ambo kiro indak baitu > kaget bana awak. Bukankah dalam kaba Cindua Mato sajo lah disabuik'an namo > 'pareman-pareman rang awak' nan manguasoi Bukik Tambun Tulang? Sia nan > malinteh di sinan harus rela malapeh barang di badan, kalau indak ingin jadi > maik. > > Nan jaleh, kalau ado nan sikolah antropologi, rancak juo mah manaliti dunia > pareman urang awak ko, indak sajo di Jakarta, tapi di Medan, Palembang dll. > (Salah satu narasumber e bisa dimintak Sanak Armen Zulkarnain mah: misalnyo > soal latar belakang sosialnyo, soal merepresentasikan identitas > keetnisannyo, dan siklus hidupnyo. > > Nan menarik, banyak mantan pareman ko nan lah 'patah kuku' di di rantau > akhianyo pulang ka kampuang. Ado nan sadar jadi rang surau, ado pulo nan > kulikaiknyo co biaso, tapi tantu indak co di rantau lai. Di kampuang ambo, > Sunua, ado 3 urang kini tu: sorang mantan 'urang gadang' di terminal bis > Rawamangun (kebetulan badan e iyo gadang lo). Sajak ANS jo NPM lah sandek > dikupak dek seo kapatabang nan murah, kini lah baliak wee ka kampuang, jadi > tukang uni los lambuang dari balai ka balai, mintak kopi perei dari kawan ka > kawan; sorang lai mantan pareman di Palembang: kawan ko putuih kaki e ciek > hinggo paho karano kanai tuja dek pisau urang Komering baracun ipuah. Tapaso > bapontong... kini banamo si 'J.....pontong' di kampuang. Bajalan jo tukek > kini di kampuang. Gaya e tatap pareman, maota di lapau manggadang taruih, > bantuak ka dibali e seluruh isi cubahak di lapau, tapi sia urang kampuang nan > ka namuah kanai otanyo? Di balakangnyo urang mancibia; sorang lai > mantan pareman gadang lo di Palembang (dulu sangkek kuaik di Palembang, > amaknyo pakai galang jo lontin ameh bauntai co toko ameh bajalan di 27 Ilir > indak sia juo nan talok manjambret doh, dek anaknyo kapalo pareman di sinan). > Pernah wakatu pulang kampuang sangkek masih jadi pareman di Palembang, inyo > bunuah sorang urang agak mereng utak di kampuang: nyo banaman paja mereng > utak ko ka dalam tabek. akhianyo maningga. Masuaklah pareman ko masuak > pinjaro di Karan Aua. Sabulan dalam pinjaro inyo ilang. Polisi buluih > luambek. Sasudah tu tadanga inyo lah tibo di Palembang liak. Kini mantan > pareman gadang Palembang ko lah mauni kampuang, manjadi panitia > pambangunan surau. > > Dunia rang Minang di rantau ko barono2 bantuak ula tampuang ari. Nan coga > tabarumbuang tampak jauah, nan lain masih banyak nan takalimbun. Nan jaleh, > sasuai jo kecek Pak Saanin tadi: mungkin ado nan harus dipaliek'an ka rang > banyak, tapi ado pulo nan paralu (atau tapaso) disuruak'an, walaupun nan > disuruak'an tu tagolong carito sukses juo (tamsuak jadi pareman gadang baanak > buah banyak di rantau urang). Sabab dek tadi tu: 'malu nan indak dapek > dibagi'. > > Wassalam, > Suryadi > > > ________________________________ > Dari: ZulTan <zul_tan@...> > Kepada: "[email protected]" <[email protected]> > Dikirim: Senin, 30 Juli 2012 11:29 > Judul: Re: [R@ntau-Net] Re: Permintaan klarifikasi Kriminalitas Ughang Piaman > ---- sebuah visi tentang bung Ahok: orang Minang (super)individualis > > > > Dek pernayataan AZ disampaikan secara terbuka tantu ndak tapek klarifikasi > dilakukan melalui japri. > Kalau iko nan dilakukan, tantu nan dak dapek, menganggap "iyo coitu mah! Aa > juo lai." > > Salam, > ZulTan, L, Bogor > > Sent from my iPad 2 > > ________________________________ > Dari: Ali Unan <unan1980@...> > Kepada: [email protected] > Dikirim: Senin, 30 Juli 2012 10:05 > Judul: Re: [R@ntau-Net] Permintaan klarifikasi Kriminalitas Ughang Piaman > ---- sebuah visi tentang bung Ahok: orang Minang (super)individualis > > > sabana takajuik ambo jo tulisan sanak ko > ambo sabananyo sangat simpatik dengan karya liau koo di blog nyo > 'AMBO KURANG TAHU FAKTA IKO BENAR ATAU TIDAK' > tapi sabagai rakyaik badarai piaman laweh, pendapat ambo, ndak pantas tulisan > koo sampai muncul dimilis ko > > ambo minta sacapek nyo klarifikasi iko, kalau iyo, sabuikkan detailnyo, kalau > indak capek klarifikasi. > bisa sajo di bahas sacaro japri. > > > > ________________________________ > Dari: AnwarDjambak <alhaqirwalfaqir@...> > Kepada: "[email protected]" <[email protected]> > Dikirim: Senin, 30 Juli 2012 10:47 > Judul: Re: [R@ntau-Net] Re: Permintaan klarifikasi Kriminalitas Ughang Piaman > ---- sebuah visi tentang bung Ahok: orang Minang (super)individualis > > Dunsanak Sapalanta... > Khususnyo Kanda Adjoe Surya.. > > Dengan batubi-tubinyo respon sanak awak nan dari Piaman, kan iyo terbukti > analisa Ajoe Suryadi indak batua....hehehehehehe > > Nampaknyo sanak kito AZ cubo praktek langsuang walau panuah resiko. > > Marilah kito saliang mamaafkan di bulan panuah keampunan iko, kan awakko > badunsanak kasadoannyo, anggaplah iko sakadar ingek maingekkan antaro kito, > nan samemangnyo masih ado 'oknum' diantaro kito dan bukan hanyo urg Piaman > sajo, tapi urg Minangkabau sacaro kasaluruahannyo... > > Wassalam, > > Alhaqirwalfaqir-AnwarDjambak44-, kamanakan Dt. Rajo Malano (Maulana) > Pyk-Mudiak,,KL, > "Maminteh Sabalun Hanyuik!" > Sent from BlackBerry® smartphone powered by U Mobile > > > ________________________________ > Dari: Aulia R. Putera <auliaputera@...> > Kepada: "[email protected]" <[email protected]> > Cc: MuharmeinChaniago <muharmein@...>; Armen Zulkarnain <emeneschoobie@...> > Dikirim: Senin, 30 Juli 2012 10:25 > Judul: [R@ntau-Net] Re: Permintaan klarifikasi Kriminalitas Ughang Piaman > ---- sebuah visi tentang bung Ahok: orang Minang (super)individualis > > > Mak Anwar Djambak nan ambo hormati dan sanak palanta Rantau. Net. > > Permintaan klarifikasi ko bukan dari ambo pribadi tapi saroman nan ambo kutip > datang dari panguruih organisasi syah babadan hukum nan mahimpun ughang > Piaman di parantauan. Dek karano "sinyalemen" tantang ko dimuek sacaro > terbuka di palanta, makonyo selain alah dimintakan klarifikasi langsuang > kapado add Armen melalui jalur prinadi, dianggap paralu pulo dek panguruih > dimukasuik untuk malewakannyo di palanta. > > Ciek lai, mungkin dek ambo ughang Piaman gadang dirantau walaupun sakali > sakali lai maota ota juo jo ughang ughang gadang nan disabuik sabuik dalam > email add Armen, tapi kok yo jo "rahasia umum" nan ciek ko yo ndak tabukak > rahasionyo ka ambo do lai. Mungkin mantun pulo jo ajo Suryadi, singgo takah > tulih Armen paralu pulo mah "maasah kapiamanan ajo satantang hal mantun, > sabab ambo nan urang mudiak Pikumbuah sajo lai tau, baa ko urang Sunua indak > joleh?" > > Salanjuiknyo ambo pulangkan ka sidang Palanta nan berhormat. > > > > Aulia/Lk/46 th/Sicincin kini sadang marantau di Jakarta > > > Sent from my iPad > > > ________________________________ > Dari: Muharmein <muharmein@...> > Kepada: Armen Zulkarnain <emeneschoobie@...> > Cc: Aulia Putera <auliaputera@...>; Stn Nursal <nursallaw@...>; > "john-azis@..." <john-azis@...> > Dikirim: Senin, 30 Juli 2012 7:46 > Judul: Perlu klarifikasi > > > Assalamualaikum Wr Wb, > > Dinda Armen Zulkarnain, selamat menunaikan ibadah Ramadhan, semoga kita > dijauhkan dari ghibah dan perbuatan dosa. > > Ambo copas tulisan dinda di rantau.net: > > Paralu ambo koreksi apo nan ajo Suryadi sampaikan mantun. > >> > >> > >>Pencopet di Jakarta banyak urang awak, nan memakai modus sacaro komplotan. > >>Kok ado urang awak nan kanai copet, bisa malapor pado ketuanyo dalam wakatu > >>kurang dari sapakan. Nan isi dompet barupo surek-surek akan dipulangan > >>baliak, nan pitih iyo rilakan sajo. Ambo kiro ajo paralu sakali-sakali > >>bakumpua-kumpua di pasa-pasa Jakarta mantun sambia bagurau jo dialek Piaman > >>Laweh tu. Kok ka ajo sigi, beko akan iyo tujuakan ka pareman-pareman nan > >>lai urang awak juo. > >> > >> > >>Baitu juo jaringan bajing loncat di lintas tengah Sumatera, mulai dari > >>Lahat hinggo ka Tebingtinggi. Supir-supir colt diesel & fuso dari Sumbar > >>ado semacam kode nan bapakai pabilo malintasi wilayah nan ko, sahinggo > >>indak kanai gaduah dek kawanan maliang spesialis oto truck nan ko. > >> > >> > >>Dek ajo lai urang Piaman, bilo-bilo main juolah ka Blok M. Nan manggaleh > >>ameh disinan umumnyo urang IV Koto Aua Malintang, Suinggiang jo Sungai > >>Limau. Di muko kadai-kadai ameh mantun ado pareman nan tagak hilia mudiak. > >>Pabilo ado nan mambao ameh indak basurek, urang toko indak namuah > >>manarimonyo. Pareman nan disabuik "tukang catuih" nan ko nan kudian akan > >>menadah ameh maliang nan ko. Sia na mamodali tukang catuih mantun? Ado > >>organisasi terselubungnyo. Induak angkangnyo lai urang Piaman, dari mulai > >>Mendagri, Wagub Sumbar & Bupati sarato Wabup Padang Pariaman jaleh sia > >>urangnyo dan indak etis ambo sabuiknyo di milis nan ko. > Agak takajuik sarato gundah, kami urang Piaman mambaconyo. Alangkah arifnyo > bila dinda mempublish dengan jelas dan jujur (kewajiban, apolagi dibulan suci > ko) utk menyebutkan siapo namo, tokoh, induak angkang nan manjadi ketua > pelaku kriminal di Jakarta jo di Sumsel (bajing luncat) itu. Siapo sumber > berita dinda yg mangatoan di blok M dll, banyak catuik urang Piaman yg > dimodali oleh toke Piaman utk berbuat kriminal / menadah barang curian. > Sungguh statemen dinda iko, sangat luas dan mengerikan implikasinyo, terutama > bagi masyarakat Piaman rantau. Bilamana tidak dapat dibuktikan kebenaran > curito tsb, bahkan cenderung hanya sekedar menebar fitnah, tantu perbuatan > dinda ko dapek dikategorikan perbuatan melawan hukum. > > Tolong dinda sekali lagi mampajaleh maksud publikasi di media Rantau.net tsb, > sekaligus menyebutkan sumber2 dan bahan acuan ilmiah yg mendukung tuduhan > dinda tersebut. > > Wassalamualaikum Wr Wb. > > Muharmein Zein Chaniago > > > > ________________________________ > Dari: Armen Zulkarnain <emeneschoobie@...> > Kepada: "[email protected]" <[email protected]> > Dikirim: Senin, 30 Juli 2012 4:04 > Judul: Bls: Re: [R@ntau-Net] OOT, sebuah visi tentang bung Ahok: orang Minang > (super)individualis > > > > > Paralu ambo koreksi apo nan ajo Suryadi sampaikan mantun. > > Pencopet di Jakarta banyak urang awak, nan memakai modus sacaro komplotan. > Kok ado urang awak nan kanai copet, bisa malapor pado ketuanyo dalam wakatu > kurang dari sapakan. Nan isi dompet barupo surek-surek akan dipulangan > baliak, nan pitih iyo rilakan sajo. Ambo kiro ajo paralu sakali-sakali > bakumpua-kumpua di pasa-pasa Jakarta mantun sambia bagurau jo dialek Piaman > Laweh tu. Kok ka ajo sigi, beko akan iyo tujuakan ka pareman-pareman nan lai > urang awak juo. > > Baitu juo jaringan bajing loncat di lintas tengah Sumatera, mulai dari Lahat > hinggo ka Tebingtinggi. Supir-supir colt diesel & fuso dari Sumbar ado > semacam kode nan bapakai pabilo malintasi wilayah nan ko, sahinggo indak > kanai gaduah dek kawanan maliang spesialis oto truck nan ko. > > Dek ajo lai urang Piaman, bilo-bilo main juolah ka Blok M. Nan manggaleh ameh > disinan umumnyo urang IV Koto Aua Malintang, Suinggiang jo Sungai Limau. Di > muko kadai-kadai ameh mantun ado pareman nan tagak hilia mudiak. Pabilo ado > nan mambao ameh indak basurek, urang toko indak namuah manarimonyo. Pareman > nan disabuik "tukang catuih" nan ko nan kudian akan menadah ameh maliang nan > ko. Sia na mamodali tukang catuih mantun? Ado organisasi terselubungnyo. > Induak angkangnyo lai urang Piaman, dari mulai Mendagri, Wagub Sumbar & > Bupati sarato Wabup Padang Pariaman jaleh sia urangnyo dan indak etis ambo > sabuiknyo di milis nan ko. > > Hehehe... paralu juo ajo Suryadi maasah kapiamanan ajo satantang hal mantun, > sabab ambo nan urang mudiak Pikumbuah sajo lai tau, baa ko urang Sunua indak > joleh? > > wasalam > > AZ/lk/34th/caniago > Padang Mangateh, Sungai Kamuyang > di pingggang gunuang Sago > > asa nagari Kubang, 50 Koto > babako ka Canduang Koto Laweh, Agam > > > > ________________________________ > Dari: Lies Suryadi <niadilova@...> > Kepada: "[email protected]" <[email protected]> > Dikirim: Minggu, 29 Juli 2012 14:43 > Judul: Bls: Re: [R@ntau-Net] OOT, sebuah visi tentang bung Ahok: orang Minang > (super)individualis > > > Dinda Syaf, > > Kecek psikiater kondang kenamaan urang awak asal Pasisia, Prof. HHB Saanin > Dt. Tan Pariaman (namo e diabadikan jadi namo rumah sakik Gaduik), disampiang > menderia panyakik psikologis "Padangitis", urang awak ko: > > "Seorang Minangkabau adalah seorang individualis, kadang2 seorang super > individualis. [...] Juga dalam kejahatan seorang Minangkabau adalah > individualistis. Tidak pernah terdengar orang Minangkabau merampok atau > menjambret secara berkelompok. Keahliannya adalah mencopet. Mencopet > menghendaki kemahiran dan adalah seni dan harus dilakukan dengan penuh gaya > [...]" > > (Dikutip dari: H.H.B. Saanin Dt. Tan Pariaman, "Kepribadian orang Minangkabau > dan psikopatologinya." Paper delivered at International Seminar on > Minangkabau Literature, Society, and Culture (Bukittinggi, 4-6 September > 1980, hlm. 26-27). Makalah ko lah tabik dalam: M.A.W. Brouwer dkk. (eds.). > Kepribadian dan perubahannya, hlm. 139-164. Jakarta: PT. Gramedia, 1979. > > * Dalam politik mungkin juo (super)individualis co itu ndak, Sanak Syaf? > (Suryadi). Kalau lah baolah lahia dari paruik etnisitas, tantu susah juo tu > maubah e. Maminjam istilah Pak Saafroedin Bahar: rang Minang bisa sama2 > bekerja tapi susah bekerjasama. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
