Mak Sutan Bandaro Kayo sarato Inyiak Sunguikdi tapi ombak nan badabua,
Iyo agak taibo ati mancaliak kulikiak nan labiah tuo-tuo dibandiang ambo satantang stereotip urang minang ko, nan acok dijadikan sinjato pamungkas kok lah duduak basamo dilapiak nan sahalai alah mulai tagarajai. Kok hanyo bagarah-garah sajo dalam palanta tantu hanyo sabateh gurau palamak curito sajo. Namun apo ado usaho sarato pemikiran untuak membenahi masalah mantun daripado baulang-ulang kali mampaolok-olokan hal nan saharusnyo manjadi "malu nan sabana malu" bagi kito urang minang. Dalam bakomunikasi baiak dimano sajo kato maaf taruih basampaikan sanantiaso diberbagai kesempatan bagi kito urang minang. Klarifikasi dari ajo Suryadi alah tampak dari akhir postingan baliau satantang hal sifek individu nan ko. Apokah dari pak Saaf sarato ajo Syaf AL bisa mangamukokan untuak indak baulang baliak manyatokan hal "urang minang ko indak bisa baiyo batido" ataupun "bakarajosamo". Tipak di ambo, kok urang lain nan bukan minang mampaolok-olokan hal mantun indak manjadi masalah bana, namun sabana tabedo kalau nan manyampaikan adolah urang awak & jauah labiah tuo sarato labiah punyo wawasan dibandiang diri surang. Samantaro ambo harus mohon diri daulu, dek ado kakok nan harus disugirokan, karano indak lamo lai urang rantau kan tibo dirumah nan insya Allah tahun kini kami pulang basamo di Kanagarian Kubang. Beko malam lapeh tarawiah ka online baliak. wasalam AZ/lk/34th/caniago Koto Baru Simalonggang Mudiak Pikumbuah asa nagari Kubang, 50 Koto babako ka Canduang Koto Laweh, Agam ________________________________ Dari: sjamsir_sjarif <[email protected]> Kepada: [email protected] Dikirim: Senin, 30 Juli 2012 16:14 Judul: Re: [R@ntau-Net] Permintaan klarifikasi Kriminalitas Ughang Piaman Alaikum salam warahmatullahi wabarakatuhu, Maa Angku Armen Zulkarnain, Sarato Rang Lapau nan Basamo Tabayang di ambo kabarasiahan udaro Lereng Utara Gunuang Sago tampek Angku mengetik komputer manulih klarifikasi ko. Dari Padang Manggateh Sungai Kamuyang, tampak tabantang Ranah Limopuluah. Dindiang-dindiang terjal Lambah Harau jaleh tacelak dari kejauhan. Batang Sinama nan maula-ilia ka Lakuak Goduk Pakan Robaa jo Ampalu Halaban nan manyuruak dari mudiak sakitar Gunuang Bongsu nan megah di tangah, lapeh jauah ka Pek Mudiak ka Suliki ka Baruah Gunuang. Di sabalah kida di kejauhan jaleh tabayang Nagari Kubang -- tampek Angku Armen bapucuak bulek baurek tunggang -- dengan Limbanang, Mudiak Liki, Pauah Sangik dan Taratak Kubang malereng bukik Suayan. Sadonyo jaleh tabayang di mato dan angan MakNgah dari kejauhan di Tapi Riak nan Badabua di Rantau Jauah. Lingkungan alam tampek angku manulih klarifikasi ko jaleh manolong manjaniahkan masalah sajaniah aia Batang Tabik -- tampek baranang kasanangan MakNgah -- di bawah Sungai Kamuyang. Mudah-mudahan stereotip Minangkabau apokoh individualistis atau komunal dapek manjadi dasar dan bahan pemikiran untuak introspeksi dan retrospeksi bagi angkatan penerus di maso datang. Di siko tampak jaleh variasi beda pandangan antaro arm-chair social scientists dengan field worker nan aktif di lapangan. Kalau kaduo metode tu dikombinasikan akan dapek kito caliak di hari nanti ado solusi dari pandangan stereotip trhadap Urang Minangkabau. Mudah-mudhan iko dapek kito anggap sabagai satu langkah permulaan. Salam, -- MakNgah Sjamsir Sjarif Di Tapi Riak nan Badabua Parak Siang Di Rantau Jauah Senin pk 2 paraksiang 30 Juli 2012 ________________________________ Dari: Darwin Bahar <[email protected]> Kepada: Palanta Rantaunet <[email protected]> Dikirim: Senin, 30 Juli 2012 15:46 Judul: Re: [R@ntau-Net] Permintaan klarifikasi Kriminalitas Ughang Piaman Men, indak ado manusia sempurna dan misi utama Palanta ko adolah silaturakhmi. Jadi kalau ada telonsong kata yang menyebabkan timbul rasa tidak nyaman bagi pihak lain, kita balikkan ke misi utama tu. Jadi saya rasa tidak perlu sejauh tu bana, minta maaf dan rasa penyesalan saja sudah cukup. Saya percaya pihak yang tersinggung juga akan memahami dan memaafkan, karena yakin kita semua muslim. Apalagi ini dalam bulan Ramadan, dan mengeratkan silaturakhmi itu perintah agama. Kita orang Minang ini banyak kurenah, susah diatur (malah menurut saya kalau mudah diatur bukan orang Minang). Namun nilai-nilai luhur Islam mestinya dapat menyatukan kita dalam melakukan hal-hal yang bermanfaat bagi sesama umumnya, membangun nagari khususnya melalui LPM Marapalam. Bukankah esensi ABS-SBK cando itu? Sangenek :) Mamak, Sutan Bandaro Kayo -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
