Katu ketek-ketek tu preman-pareman ko indak pareman lapau doh. Barang cilokan tu indak dibawo ka lapau doh, tapi ... ka surau...
Kok ado urang maantakan "antaran" (makanan sajian spesial lamak-lamak tamasuak rokok untuak urang gaib di bawah kayu di tampek sati untuak maubek urang sakik), pareman-pareman ko lah siap maintai dari baliak-baliak samak. Sudah urang maantakan antaran tu pulang, pareman-pareman ko lah tibo maangkek antaran tu; dibawo ka surau di lahap basamo-samo. Sambia maisok rokok baganti-ganti, galak-galak pulo mareka purak-purak jadi setanmakan antaran tu ... Salain mancilok tu, karajo pareman ko ado lo nan ukan-ukan; mahoyak-hoyak manggoyo-goyo rumah urang nan baru kawin ... :) Lah agak gadang stek pareman-pareman ko jadi pareman rundo; barang cilokan ko di pasamoan di pondok rundo ... Di Bukittinggi 1961 sassuah bagolak, awak sato lo rundo wajib (paksaan) jo anak-anak mudo dakek Musajik di Tangah Sawah. Mareka galak-galak sanang di pondok rundo. Diiriangan pajalanan rundo mareka kama painyo. Kigho-e ... baulang-ulang manyibuakkan ana-anak gadih rancak SMA, dari lubang dindiang, kawan-kawan mareka sandiri nan sadang lalok ... Ghupo-e gadih-gadih ko tahu lo ado pareman rundo di lua; mareka maiyoan pulo bisiak-bisiak pareman dari baliak dindiang tu, manyingkok-an slimuik-e saketek supayo tasaghendeng pawonyo ...:) -- Nyit Sungut --- In [email protected], Lies Suryadi <niadilova@...> wrote: > > Mamak Duta, Pak Saaf, > > Syekh Muhammad Djamil Djambek jadi pareman dulu baru sasudah ru jadi ulama > gadang (liek: http://niadilova.blogdetik.com/index.php/archives/900). > > Baitu juo urang kampuang Mamak Duta, Buya Oedin (kawan Sukarno): pareman juo > wakatu mudo, tapi sudah tu jadi 'urang' (liek: > http://niadilova.blogdetik.com/index.php/archives/773). > > Kito ko laki2 Minang pado umumnyo 'pareman' (ado ciek-duo nan indak), > satidaknyo 'pareman' mancilok jambu, kapunduang, jo ambacang tetangga atau > maliang ayam basamo untuak bagadang di malam minggu katiko masih mudo2 di > kampuang, sabalun berstatus jadi 'perantau'. Wakatu ambo di kampuang, > mancilok ayam malam ko basamo2 kawan samo gadang managia bana. Sakali sorang > kawan capuak capak makan gulai ayam bacilok tu, paginyo amaknyo berang2 di > rumah: "Tadi malam ayam gadih ang nan sadang batalua tu lah dimaliang urang > lo", kecek amaknyo. Pareso ka pareso ruponyo ayam tu dimaliang dek kawan dan > si buyuang lah sato lo mamakan e di lapau tadi malam. Beranglah2 kawan ko ka > kawan2 e tu. "Kurang aja waang, ang cilok ayam di rumah mandeh deh!". Nan > jawek kami basamo: 'Kan waang sato lo mah mamakan e.Malah waang nan paliang > lapuak lapak tampak dek kami maman e. Siuik-siuik'i lidah waang dek manahan > padeh'. Mandapek jawek co itu, tapaso galak kencong je kawan ko. > > Wassalam, > Suryadi > > Wassalam, > Suryadi > > Dari: ajo duta <ajoduta@...> > Kepada: [email protected] > Dikirim: Selasa, 31 Juli 2012 12:13 > Judul: Re: [R@ntau-Net] Re: Permintaan klarifikasi Kriminalitas Ughang Piaman > ---- sebuah visi tentang bung Ahok: orang Minang (super)individualis > > > Sanak sapalanta, > > Ambo kenal bana nakan Armen. Mungkin dek lahia dan gadang di Medan, > bukan kulik tampak isi, menjadi kebiasaanyo. Di Medan nan memang di > "kuasai" dek Ajo-ajo Piaman, tantu nakan Armen tau bana kekuatan > urang Piaman. Kemudian Armen kluiah di Pakan Baru, sebagai anak > gaul, tantu tau pulo inyo sia nan menguasai Pakan Baru tu, dari ateh > sampai kabawah. Jadi apo nan dikatokan nakan Armen tu tantu berdasarkan > pengalamannyo. Sebagai ughang Piaman tasingguangkah awak dengan > apo nan diungkapkannyo. Kalau ambo indak tasingguang. Malah ado raso > kebanggaan sebagai wee. Baa coitu? Bagi ambo jadi pareman adalah > langkah antara untuk menjadi lebih baik kemudian. Atau bisa juo menjadikan > nilai tawar untuk mendapatkan status lebih baik kemudian. > > Para pemilik toko-toko di berbagai pasar di Jakarta, pada dasarnya bermula > dari > PKL dan pareman. PKL nan banyak wee juo saliang bermutual simbiosis dgn > pareman dan banyak wee pulo. Banyak dengan keperemanan itu akhirnya > membawo inyo bisa memiliki jatah toko waktu peremajaan pasar. > > Kalau ado nan tasingguang jo tulisan nakan Armen, indak baa Armen minta > maaf sajo. Ambo yakin Armen indak bamukasuik manyingguang. Mungkin > inyo manyabuikkan itu dek inyo alah maraso Piaman pulo dari pengalaman > hiduiknyo di Medan dan Pakan. Dek itu pulo inyo maraso at-home selama > berbulan tingga di Piaman Laweh melakukan pendampingan website nagari. > > > saafroedin.bahar@...> -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
