Assalaamu'alaikum. w.w. Dunsanak kasadonyo nan Insya Allah dimuliakan Allah swt. Mari kito sambuang baliak kaji kito. Kapatang sampai di siko, Artinyo suatu hari tajadi gampo di Madinah,… ‘Umar tapuak bumi. Umar managakkan keadilan,.. baranti gampo tu. Di awak baa ?... bisa agak-agak ?. Ditapuak bumi… Si Fulan dalam keadilan, diam hai bumi… diam bumi tu. Kalau gampo baliak di Padang, Gubernur bisa buek takah itu ?... he he … bisa kalau ‘adil.. ndak bagarah tu do dunsanak, nan jano duah. Kito taruihkan **”Dan terjadi pada suatu masa, mengutus ia akan seorang sahabat rasulullah memimpin tentara pergi perang ke negeri Syam, maka sudahlah mereka itu naik ke atas gunung, dan seteru sudah datang beberapa banyak melawannya, maka saidina ‘Umar dapat tahu akan tentara itu dengan pengetahuannya sebagai wali, padahal ia dalam negeri Madinah, maka katanya “yaa saariah”, padahal saariah tadi di atas gunung berpuluh-puluh hari perjalanan jauh dari Madinah, sudahlah di dengarnya seruan saidina ‘Umar, “jangan turun, jangan engkau turun dari gunung”. Maka menghantam mereka akan seterunya dari atas gunung hingga menang mereka pada peperangan dan kalah segala kafir. Demikianlah imam yang ‘adil itu dapat menghukum tanah, air api dan angin. Dan imam yang tidak ‘adil itu, tiadalah kelazatannya, melainkan sebentar di dunia dan berapa lama dapat azab akhirat dan berkawan ia dengan syaithan”** Dalam kisah ko saidina ‘Umar manyuruah tentara pai baparang. Ado duo namo untuak tentara ko. Nan partamo disabuik “ghazwah”, nan kaduo “saariah”. Ghazwah ko peperangan nan Nabi saw, ado basamo mereka. Saariah adolah peperangan nan Nabi saw. ndak ado lai, .. lah wafat. Zaman ‘Umar disebut saariah, peperangan nan indak diiringi rasulullah saw. Katiko tu tentara Islam lah pai ka Syam. ‘Umar bakato “jangan turun”. Urang mandanga apo nan dikecekkan saidina ‘Umar, “jangan turun”, …. Manang mereka. Zaman itu ‘Umar alun disabuik sebagai wali, karano wali kemudian. Umar disabuik sebagai khalifah sajo, labiah tinggi daripado wali. Begitu kehebatan ‘Umar, dapek mangirim suaro dari jauah. Aratinyo dikecekkan bahaso begitulah hebatnyo imam nan ‘adil tu, api mandanga, aia mandanga, angin mandanga, tanah mandanga apo perintahnyo. Sebab dalam hadits qudsi Allah swt. berfirman “Wahai bumi, berkhadamlah kepada orang yang berkhidmat karena Aku”.
Aratinyo kalau awak bakarajo karano Allah swt., bumi akan berkhidmat ka awak. Kalau awak bakarajo karano bumi,… bumi ndak peduli jo awak do…. Baitu. Dalam komentarnyo buku ko dikecekkan bahaso urang-urang nan ‘adil tu akan marasokan kenikmatan kepemimpinannyo dan urang nan zhalim tu akan maraso nikmat sabanta di dunia ko sajo dan di hari akhirat nantik akan disiksa dek Allah swt. **”Dan orang yang zhalim itu berkawan dengan syaithan, sebagaimana sabda Nabi saw. “Maka apabila zhalim imam dan qadhi itu, lepas ia dari pertolongan Allah dan pemerliharaan-Nya dan tiada renggang ia dengan syaithan”** Aratinyo urang nan zhalim tu nantik taruih manaruih bersahabat, bakawan jo syaithan. Itulah dunsanak, keterangan mengenai imam atau pemerintah nan ‘adil. Baa agak-agak ?. ndak ingin awak punyo pemerintah nan ‘adil model ko. Kalau tibo di diri surang, indak kah ingin awak manjadi pemimpin nan ‘adil, mulai dari tingkat paliang rendah, sebagai ketua RT, RK, RW, wali jorong, lurah, kepala desa, camat, bupati, gubernur, menteri dan sebagainyo sampai kapado Kepala Negara ?. Jaan awak pikiakan hanyo kesenangan di dunia ko sajo, karano iduik di dunia ko sabanta bana. Manuruik hadits, ummat Nabi saw. rato-rato berumur “baina sittiin wa sab’iiin, antara 60 dan 70 tahun. Memang ado juga nan sampai 130 tahun, tapi lah tua renta. Latakkanlah sampai 200 tahun, tapi iduik di akhirat nantik bajuta-juta tahun. Maa nan awak piliah ?, sanang hidup sabanta di dunia ko atau sanang salamanyo di akhirat nantik ?. Satu hari di akhirat adolah 1000 tahun di dunia (Liek surek as sajdah …Al fasanatim mimma ta’udduun, seribu tahun dari tahun-tahun yang kamu hitung). Di siko makonyo awak wajib mamiliah, mendukung, bahkan manjadi pemimpin nan ‘adil nan manuruik keterangan di ateh tadi ya’ni nan menjalankan perintah sesuai jo hukum Allah dan rasul-Nyo. Tantu sajo indak ado nan lain nan akan awak tagakkan kecuali hukum Allah dan rasul-Nyo di nagari tacinto ko. Cieklai nan indak kalah pentingnyo, sia sajo nan ma-adokan latihan kepemimpinan, apakah latihan kepemimpinan pemuda Minang takah di Banduang dulu, atau apo sajo lah namonyo, butir-butir kepemimpinan Islam takah iko nan paralu diagiah tahu, dicerahkan dan dipresentatsikan. Bukan nan lain-lain jo segala embel-embel kemoderenannyo tapi indak dapek mencapai sasaran menciptakan pemimpin yang adil di nagari ko. .... Sutan tibo di Minangkabau baa pulo managakkan pemimpin yang adil ko Sutan... Hmm... maleba kaji awak, tibo di ABS SBK nyo tu. Tapi iko memang paralu, dek karano Adaik basandi Sarak, Sarak Bsandi kitabullah, aratinyo apo nan kito bicarakan tantang pemimpin babarapo malam ko adolah adaik nan sabana adaik sabananyo. ... ... Baa dek bitu Sutan... Dek karano Adaik sabana adaik adolah sarak nan babuhua mati, kalau indak, indak adaik basandi sarak namonyo tu doh. .... Kurang mangarati kami tu Sutan ... Memang ndak mudah do dunsanak, ciek lai kok kito bahas iko dalam kito mangaji ko, maleba kama-kama sadonyo. Ambo agiah bayangan sajo lah agak saketek, sudah tu di judul nan lain kito bahas bana elok-elok, kito bukak sado buku tambo mulai dari M. Rasyid Manggis dt. Radjo Pangoeloe sampai ka Prof. M Nasroen taruih ka buku nan alah dibuek pak Saaf tantang pedoman ABS SBK, bilo paralu sampai ka Plakat Panjang. Nan kini ko bayangannyo takah iko se dulu, nak kaji ko jan bahunjun baragang ndak manantu. Dalam Islam ado khilafat, di Minangkabau ado pangulu. Duo hal ko akan batarak tacin saling bakuhantam kalau indak dicari dima tajalinnyo. Dek karano Pangulu dalam sejarah Dt. Perpatiah jo Dt. Katumanggungan tamasuak rajo Adytiawarman adolah pemimpin nan indak diangkek jo musyrawarah dan mufakat. Tantu sajo iko bakuhantam jo Sarak. Nak tajalin kaduonyo ko, kito ambiak pangulu manjadi punco, sudah tu jo musyawarah mufakat kito tuju khilafat nan dimukasuik dek Sarak. Baa caronyo, ... takah iko.... Tapi... dunsanak, baru ka dimulai, lah panjang pulo, barisuak kito paiyokan agak sangenek. Kito tulih baliak. (Bersambung) Billahil hidayah watr taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/