Tarimo kasi banyak "carito tambahan" dari Dinda Armen Zulkarnain saputa Kanagarian Sumpur Kudus.
Sanang hati ambo mambaco carito a nan masih balaku di kampuang "Buya" Ahmad Syafi'i Ma'arif nantun. Alhamdulillah stuktural dan kultural nan didukuang adiak istiadaik nan solid dari tigo tungku sajarangan (?) tanyato masih bisa mampaliekan bake awak (urang minang dan --kabanyo-- ba-ABS-SBK) bahaso Sumpur Kudus tahun 60-an masih samo jo Sumpur Kudus 2000-an. Alhamdulillah. Allahu Akbar. Tantang kota Lubuakbasuang (limo kanagarian : Garagahan, Lubuakbasuang, Manggopoh, Kampuangpinang, dan Kampuangtangah) nan manjadi ibukota Kabupaten Agam lai juo ambo liek dari jauah. Meski induak dan Iyak (grand mother) ambo asli Lubuakbasuang, namun Si m.m sendiri nan babako ka Tilkam indak panah tingga di Lubuakbasuang dan basikola di sinan. Ambo lahie di RS Ateh Ngarai Bukiktinggi. SR/SD di Pariaman. SLTP di STN di Lambau Bukiktinggi, SLTA sakarek di STMN-I Padanggamuak Bukiktinggi dan sakarek di STMN-I Jakarta. Kuliah, kuliah, bakarajo dan barumah tanggo sapanuahnyo ambo lakukan & padapek di bumi parantauan (tmt 28-10-1970). Jadi, kalau Armen manyuruah supayo ambo basitungkin mauruih Lubauakbasuang, lai juo ambo lakukan. Tapi memang dari jauah sajo. Labiah banyak pakai link nan memang sangajo ambo jalin taruih jo urang-urang nan (mungkin) paduli tahadaok pembangunan kampuang halamannyo . Karano parak dan dapua ambo salamo 42 tahun marantau di Jakarta (kini tinggadi Bekasi), tantu untuak basitungkin mamasokan "ganduah" ambo ka Lubuakbasuang nan manjadi ibukota Agam tu, indaklah. Nan jaleh, kutiko tokoh & sepuh Lubuakbasuang di parantauan "malamar" dan mamintak ambo mauruih ormas Rukun Keluarga Kecamatan Lubuakbasuang (RKKL) Jakarta, lai ambo paturuikan. Salamo duo priode (1998-2001 & 2001-2004) ambo duduak sabagai Sekjen RKKL nantun. Kamudian, kutiko karajo di kantua samakin "menyeso" ambo, dan anak-anak kami alah mulai remaja, saluruah jabatan di ormas nan mambutuahkan keterlibatan panuah, ambo latakkan. Sungguah pun baitu, kutiko manjadi "motor" RKKL anam tahun nantun lai sempat kami urang rantau Lubas di Jabodetabek maadokan partamuan rutin (mamintak Pak Bupati nan kabatulan batugeh ka Jakarta) untuak babagai (sharing) saputa SWOT yang dialami Lubas. Jo Bupati Agam Izmu Nazif (alm), Aristo Munandar Alhamdulillah kami lai acok saliang badiskusi saputa pembangunan Lubas. Cuma jo Bupati nan kini (Indra Datuak) ---nan saangkatan jo kamunakan kanduang ambo di SMAN-I Bkt-ambo memang indak baitu dakek bana lai. Nan, jaleh kutiko baliau diangkek atau aktif di milis r@ntau -net ko, ambo lai babarapo kali "badialog" jo baliau. Jadi, kasimpulan dari "babaleh pantun" nan sapanjang tali baruak nangko, ambo sacaro sukma lai tataok mamantau kanagarian Lubuakbasuang malalui jaringan ambo di bumi parantauan ko. Bak istilah Dinda Armen, jo sumangaik nan tabudua (dalam menyikapi apo pun soal akidah urang awak. Jadi bukan urang Lubas sajo..!!!) ambo lai taruih mamantau a nan tajadi di Lubas. Kalau ado apo-aponyo, ambo jo link lua lainnyo (nan ambo jalin taruih) tantu indak ka tingga diam saandainyo nagari awak dicirikan urang kapia. Hanyo itu sajo balasan dari Si m.m. Sarupo nan panah ambo tulih ka Dinda Armen babarapo ukatu lalu, ambo sabana sanang hati mancaliak sipak sintuang Armen Zulkarnain dalam "mamajuan" nagari-nagari di Minangkabau dalam soal informasi tekbologi (multi media), meski babarapo Dunsanak lain (nan panah mambari masuakan ---mangadu ?--- bake ambo kutiko kami sharing di TMII tempohari) mangomentari kurenah Armen Zulkarnain sabalun-sabalun ko mambuek ambo agak tasintak. Namonyo urang lain manciguak awak tu dari visinyo masiang-masiang (nan pasti litertur pun babedo), tantu a kato adiak-adiak ambo nantun indak paralu bana dipataruikan. "Urang tu baru maangguak, atau manapuak bahu awak atau mamburansang adolah kutiko karajo awak alah nampak nan bonehnyo. Kalau karajo sadang taraf manaruko atau mayiangi samak-samak tantu sagalo komentar urang bake awak sipaiknyo premature". Salamaik bakarajo jo sumangaik tinggi buek Dinda Armen. "Bad or ugly it is our home too". Salam................, mm*** From: [email protected] [mailto:[email protected]] On Behalf Of Armen Zulkarnain Sent: Wednesday, August 15, 2012 7:15 PM To: [email protected] Subject: Bls: [R@ntau-Net] Jumlah Penduduk Sumbar Hampir Lima Juta Jiwa Pak MM bintang tigo nan ambo hormati, Di Kanagarian Sumpur Kudus satiok padusi nan ingin menikah harus malapor ka niniak mamaknyo, nan kudian niniak mamaknyo kolah nan akan maurus seluruh surek-surek nan diparalukan. Salain itu, nan padusi diharuskan oleh pemerintahan nagari & KAN untuak datang ka Puskemas mamarisokan dirinyo, untuak tes urine apokah dirinyo lai sihaik-sihak sajo sarato indak dalam keadaan babadan duo. Wali nagari Sumpur Kudus ko bacarito ka ambo, babarapo wakatu nan lalu datanglah salah seorang niniak mamak dari niniak nan 34 nan mamangku adat di Kanagarian Sumpur Kudus. Baliau datang ka kantua wali sambia mambao sapucuak surek dari Puskesmas di Tanah Bato. Apo sabuiknyo paratamo kali ka wali nagari sasudah maucapkan salam, " Iyo lah malang diri denai ko pak wali". Kironyo kamanakan nan akan manikah ko divonis oleh pegawai Puskesmas alah dalam keadaan babadan duo. Status si kamanakan sabalunnyo adolah jando indak baranak dek bacarai dari lakinyo nan paratamo indak mamiliki katurunan setelah labiah 2 tahun barumahtanggo. Setelah indak balaki lai si kamanakan ko maambiak kuliah di Muaro Sijunjuang melalui Universitas Terbuka (UT) nan baulang baliak sapakan sakali ka Muaro. Kironyo kanai hati jo urang sakampuang nan mano laki-laki ko statusnyo adolah mahasiswa disalah satu perguruan tinggi di kota Padang. Dek alah bakawan-kawan tabuek pulo karajo nan indak buliah mantun sahinggo tajadilah hal nan indak sumbang lai malainkan nan salah dalam adat jo agamo kito. Dek alah liwaik bulan, mamintak kawinlah si padusi ko ka kawan laki-lakinyo, Nan diiyokan sakali oleh si laki-laki. Kudian alur curito babaliak ka awal tulisan ambo ko, dimano niniak mamak nan padusi datang ka kantua pemerintahan nagari dengan mambao surek dari Puskemas. Sasuai jo kesepakatan antaro pemerintahan nagari & KAN Sumpur Kudus, padusi ko indak dibuliahkan manikah jo laki-laki mantun. Harus ditunggu labiah dahulu malahiakan baru dipabuliahkan manikah. Nan manikah pun indak dipabuliahkan balarek caro awak nan urang minang, hanyo ijab kabul manuruik agamo sajo, itu pun hanyo dilakukan di kantua KUA di Kumanih nan jaraknyo 37 km dari Sumpur Kudus. Alah tabayang di pak MM bintang tigo kok kamanakan apak salamo 7 bulan hilia mudiak di kampuang jo badannyo nan bantuak garundang dipabisiakan urang sakampuang ? Alun lo lai baa sabana malunyo urang sakaum dunsanak padusi ko dek parangai anak, kamanakan, adiak, kakak, eteknyo nan mambuek cemo di kampuang? Ambo pikia apo nan tajadi di nagari-nagari minang ko pabilo ado nan rancak paralu dilewakan ka media IT, sahinggo bisa dibaco oleh urang minang disabalik bumi ko, sahinggo ado lo pangananyo untuak mancaliak baa kondisi nagari asanyo, kok kurang elok iyo dipaeloki malah, kok kurang samparono iyo dibao barundiang. Ambo lai tau saketek baa kondisi nagari-nagari di Lubuak Basuang dek acok lalu lalang hinggo ka palosoknyo saroman Sitanang, Batu Kambiang sampai ka Palambayan. Ado rancaknyo, energi pak MM bintang tigo nan mambudua tu disalurkan ka nagari apak, sabab banyak nan harus dipasamokan baliak nan tacaliak di ambo salaruik salamo nan ko, banyak maaf. wasalam AZ/lk/34/th/caniago Kubang, sadang di kampuang babako ka Canduang Koto Laweh, Agam -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
