Pak MM bintang tigo, iyo nan bantuak itu nan rancak walau kito alah jauah dari kampuang, bakaokan juo baa caro mamajukan kampuang. Sabab indak mungkin & indak patuik ambo nan urang lua ka mambari advis baa nan rancak jo tapeknyo latak bungo di halaman rumah pak MM bintang tigo. Jadi,apo nan tajadi di kampuang hanyo urang kampuang pulo nan patuik tahu masalahnyo, sahinggo bisa dipaiyo patidokan basamo-samo.
Ambo sendiri lahia di Padang, lapeh manyusu jo urang gaek dibao atuak jo nenek sarato antan jo nenek baganti-ganti antaro Kubang jo Canduang salamo 1 tahun satangah. Mungkin dek karano ambo cucu laki-laki nan paliang gadang dari keluarga ibu, cucu nan gadang sakali di tampek bako ambo, sahinggo baru 2 pakan di Kubang, alah tibo pulo antan jo nenek dari Canduang manjampuik untuak jadi pamenan di rumah. Kudian sajak baumua 3 tahun ambo dibao urang gaek marantau ka Sumatera Utara jo Aceh, sajak sikolah habih maso di rantau ko, bapindah-pindah dek urang gaek bakarajo di perkebunan sawit jo karet milik PMA dari negara Belgia. Dek mada pulo mandanga karo rang gaek, satamat SMA indak pulo namuah kuliah, bacubo karajo di kapa tug boat perairan Sibolga salamo 2 tahun. Sahabih itu iyo takana juo ka malanjuikan pendidikan, ditarimo di Unri, Panam Pakanbaru. Kudian balanjuik pulo bamukim di Padang, dek manaruihkan sikolah ka Unand di Limau Manih tun, hinggo kini ka kian kamari masuak ka nagari-nagari di ranah minang mancubo mambantu sepanjang nan bisa dibantu manauikan organisasi perantau jo pemerintahan nagarinyo. Kok ditanyo kito urang minang ko, banyak nan pandai bapandapek dari pado babuek, nan takadang mambuek galang sengeng nan lai mancubo bakarajo mamajukan kampuang ko, dek takadang kito indak marasokan parasaian urang nan tajun lansuang ka lokasi. Memang alah manjadi hukum alam di kito pak MM bintang tigo, sabab tasabuik sajak daulu di rumah pinggan indak sadang, di sawah pangkua iyo balabiah. Dek karano itulah nagari kito banyak nan tatingga. Ambo pribadi baharok, pak MM taruih indak hanti-hantinyo mausahokan silaturahim urang nan sakampuang nan dirantau, sahinggo suatu maso bisa katagak baliak marwah nagari-nagari di ranah minang ko, khususnyo di Lubuakbasuang tun, sahinggo anak kamanakan nan demo sari kapatang mambuek Datuak Malako Nan Putiah tapaso diungsikan anak buahnyo indak tajadi lai dek tanah ulayat ka dianjak urang panggaleh, padohal masalah mantun alah balaruik-laruik sabalun baliau manjabaik nan marupokan polemik warisan dari bupati terdahulu. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam ________________________________ Dari: muchwardi.muchtar <muchwardi.much...@gmail.com> Kepada: rantaunet@googlegroups.com Dikirim: Kamis, 16 Agustus 2012 15:53 Judul: RE: [R@ntau-Net] Jumlah Penduduk Sumbar Hampir Lima Juta Jiwa Tarimo kasi banyak “carito tambahan” dari Dinda Armen Zulkarnain saputa Kanagarian Sumpur Kudus. Sanang hati ambo mambaco carito a nan masih balaku di kampuang “Buya” Ahmad Syafi'i Ma'arif nantun. Alhamdulillah stuktural dan kultural nan didukuang adiak istiadaik nan solid dari tigo tungku sajarangan (?) tanyato masih bisa mampaliekan bake awak (urang minang dan --kabanyo-- ba-ABS-SBK) bahaso Sumpur Kudus tahun 60-an masih samo jo Sumpur Kudus 2000-an. Alhamdulillah. Allahu Akbar. Tantang kota Lubuakbasuang (limo kanagarian : Garagahan, Lubuakbasuang, Manggopoh, Kampuangpinang, dan Kampuangtangah) nan manjadi ibukota Kabupaten Agam lai juo ambo liek dari jauah. Meski induak dan Iyak (grand mother) ambo asli Lubuakbasuang, namun Si m.m sendiri nan babako ka Tilkam indak panah tingga di Lubuakbasuang dan basikola di sinan. Ambo lahie di RS Ateh Ngarai Bukiktinggi. SR/SD di Pariaman. SLTP di STN di Lambau Bukiktinggi, SLTA sakarek di STMN-I Padanggamuak Bukiktinggi dan sakarek di STMN-I Jakarta. Kuliah, kuliah, bakarajo dan barumah tanggo sapanuahnyo ambo lakukan & padapek di bumi parantauan (tmt 28-10-1970). Jadi, kalau Armen manyuruah supayo ambo basitungkin mauruih Lubauakbasuang, lai juo ambo lakukan. Tapi memang dari jauah sajo. Labiah banyak pakai link nan memang sangajo ambo jalin taruih jo urang-urang nan (mungkin) paduli tahadaok pembangunan kampuang halamannyo . Karano parak dan dapua ambo salamo 42 tahun marantau di Jakarta (kini tinggadi Bekasi), tantu untuak basitungkin mamasokan “ganduah” ambo ka Lubuakbasuang nan manjadi ibukota Agam tu, indaklah. Nan jaleh, kutiko tokoh & sepuh Lubuakbasuang di parantauan “malamar” dan mamintak ambo mauruih ormas Rukun Keluarga Kecamatan Lubuakbasuang (RKKL) Jakarta, lai ambo paturuikan. Salamo duo priode (1998-2001 & 2001-2004) ambo duduak sabagai Sekjen RKKL nantun. Kamudian, kutiko karajo di kantua samakin “menyeso” ambo, dan anak-anak kami alah mulai remaja, saluruah jabatan di ormas nan mambutuahkan keterlibatan panuah, ambo latakkan. Sungguah pun baitu, kutiko manjadi “motor” RKKL anam tahun nantun lai sempat kami urang rantau Lubas di Jabodetabek maadokan partamuan rutin (mamintak Pak Bupati nan kabatulan batugeh ka Jakarta) untuak babagai (sharing) saputa SWOT yang dialami Lubas. Jo Bupati Agam Izmu Nazif (alm), Aristo Munandar Alhamdulillah kami lai acok saliang badiskusi saputa pembangunan Lubas. Cuma jo Bupati nan kini (Indra Datuak) ---nan saangkatan jo kamunakan kanduang ambo di SMAN-I Bkt—ambo memang indak baitu dakek bana lai. Nan, jaleh kutiko baliau diangkek atau aktif di milis r@ntau –net ko, ambo lai babarapo kali “badialog” jo baliau. Jadi, kasimpulan dari “babaleh pantun” nan sapanjang tali baruak nangko, ambo sacaro sukma lai tataok mamantau kanagarian Lubuakbasuang malalui jaringan ambo di bumi parantauan ko. Bak istilah Dinda Armen, jo sumangaik nan tabudua (dalam menyikapi apo pun soal akidah urang awak. Jadi bukan urang Lubas sajo..!!!) ambo lai taruih mamantau a nan tajadi di Lubas. Kalau ado apo-aponyo, ambo jo link lua lainnyo (nan ambo jalin taruih) tantu indak ka tingga diam saandainyo nagari awak dicirikan urang kapia. Hanyo itu sajo balasan dari Si m.m. Sarupo nan panah ambo tulih ka Dinda Armen babarapo ukatu lalu, ambo sabana sanang hati mancaliak sipak sintuang Armen Zulkarnain dalam “mamajuan” nagari-nagari di Minangkabau dalam soal informasi tekbologi (multi media), meski babarapo Dunsanak lain (nan panah mambari masuakan ---mangadu ?--- bake ambo kutiko kami sharing di TMII tempohari) mangomentari kurenah Armen Zulkarnain sabalun-sabalun ko mambuek ambo agak tasintak. Namonyo urang lain manciguak awak tu dari visinyo masiang-masiang (nan pasti litertur pun babedo), tantu a kato adiak-adiak ambo nantun indak paralu bana dipataruikan. “Urang tu baru maangguak, atau manapuak bahu awak atau mamburansang adolah kutiko karajo awak alah nampak nan bonehnyo. Kalau karajo sadang taraf manaruko atau mayiangi samak-samak tantu sagalo komentar urang bake awak sipaiknyo premature”. Salamaik bakarajo jo sumangaik tinggi buek Dinda Armen. “Badoruglyitisourhometoo”. Salam…………………………………….., mm*** -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
