Nakan Armen Bukan main pengalaman dan pemahaman Armen tentang masyarakat dan budaya Minang. Kalah mamaknya ini :)
Satantang LPM Marapalam, bagaimanapun juga, walaupun dengan berbagai pertimbangan memutuskan berada di luar, saya sangat menghargai kegiatan ini dan masih mempunyai keinginan untuk menyumbang sesuatu yang lebih dari sekadar saran, Insya Allah Mamak, St Bandaro Kayo == Bls: [R@ntau-Net] Berhaji Dengan Bertanam Jagung Thu Aug 16, 2012 5:29 am (PDT) . Posted by: "Armen Zulkarnain" Mak Darwin Bahar, Manuruik ambo usahlah baharok sisiak ka limbek, baa kok bitu? Kabatulan pak etek ambo pernah 2 tahun manjabat kapolsek Matua di Ambun Pagi, dimano wilayah hukumnyo tamasuak hotel Nuansa Maninjau nan dibangun di salah satu sisi caldera Maninjau ko. Kutiko ambo caliak, satiok minggu banyak bana pijabaik nan pai balibur ka hotel mantun, alah indak mambayia, banyak pulo kandaknyo mintak bacarian labu Matua sarato kacang goreang nan mintak diperaikan pulo. Pinyakik kronis aparatur kito ko adolah suko perai sambia mampanggakkan jabatannyo. Selain itu, inyo cubo pulo batanamkan anak kamanakan nan ka bakarajo di instansi melalui caro nepotisme tu. Baa lah kiro-kiro kinerja urang nan masuak karajo jo caro iko? Apo ka salasai nagari ko dek mentalitas urang nan bantuak itu? Ambo sendiri dibayia bana untuak bakarajo di instansi pemerintah ko iyo sabana anggan, dek labiah gadang mudharatnyo daripado kebaikannyo bagabuang jo korop nan mentalitas karajonyo sabana payah. Bagi ambo pribadi, urang minang ko indak bisa diceramahi dengan nan baiak pabilo indak dibuek contohnyo. Dalam usaho penggemukan/indukan jawi simmental ko, target salanjuiknyo adolah bakeh tangan dinas peternakan kab. Sijunjuang jo dinas pemprov Sumbar. Sabab pabilo samakin banyak perantau nan mampasaduokan jawinyo ka Sumpur Kudus hal iko akan samakin mambuek malu urang-urang nan bakarajo di dinas ko, baiak nan di kabupaten maupun di propinsi. Baa kok bitu? Urang rantau nan indak barasa dari Sumpur Kudus nan palosok itu sajo lai namuah mananamkan pitihnyo ka nagari, tantu nan alah bawenang & digaji pulo jo pitih rakyaik harus jalan pulo kincia-kincianyo untuak manunjuakan kinerjanyo jo kapasitas nan saharusnyo dimiliki oleh seorang aparatur pemerintah nan memang bakarajo mancari jalan untuak pembangunan usaho taranak sacaro laweh. Baitu juo jo pariwisata, salaruik salamo nan ko pabilo sadang bakarajo manjadi pemandu wisata, ambo labiah suko mambao turis lua ka kampuang-kampuang, sakurang-kurangnyo inyo balanjo makan disinan, nan dapek pitih urang kampuang juo. Baitu juo jo penginapan, daripado dibao ka hotel nan punyo jaringan kapitalis bantuak Novotel jo Rocky mantun, rancak dibao ka hotel nan manenggang bantua Rumah Puisi Taufiq Ismail atau ka Lawang Park Honestay milik pak Zuhrizul. Kok dapek dibao juo ka rumah masyarakat di nagari-nagari sahinggo nan dapek pitih urang awak juo, mulai dari tampek lalok hinggo ka sarapan pagi. Sayangnyo, banyak nan dari urang awak kutiko dibao kasiko pandainyo hanyo mancacek sajo, nan labiah mandewa-dewakan rancaknyo pelayanan hotel babintang sarato mewahnyo fasilitas nan ado, mangko dek itu ambo iyo agak anggan mambao urang awak nan nyianyia diateh oto, bisa-bisa balantak pulo oto nan dibao ko atau sakurang-kurangnyo masuak ka banda atau mahantam tabiang. Nan tabedo, alah nyinyia sampilik pulo nan kadang iyo sabana tega manyabuikan awak lalok di oto sajo (ambo indak lo cingkariak doh). Takana juo wakatu ambo bao bundo Nuraini jo uni Reny mancaliak saribu rumah gadang di Koto Baru, Muaro Labuah. Sampai disinan basuo jo uda Nofrin Napilus nan manyarankan lalok di hotel satampek. Kutiko ditanyo bundo Nuraini apokah ambo tahu hotel mantun, ambo jawek sajo indak tantu. Padohal alah 6 rombongan turis lua ambo bao kasinan. Takok dihati mungkin hotel nan ko akan jadi bahan kritik jo bundo Nuraini & uni Reny. Iyo takok-takok ko manjadi nyato kutiko uni Reny mananyokan caro mancabuik anak kunci kamar nan agak balain jo kunci biaso nan dicabuik dalam posisi vertikal kironyo harus dicabuik dalam posisi horizontal. Kudian tatingga pulo mantel bundo Nuraini nan hinggo kini indak jaleh pangkanyo dima rimbonyo mantel nan tatingga mantun. Mudah-mudahan lai takana juo bundo Nuraini jo uni Reny kisah labiah satahun nan lalu nan alhamdulillah indak ado complain jo pihak hotel mantun. Mak Sutan Bandaro Kayo, takana ambo jo kato alm. Gus Dur, pabilo kito susun hasil seminar di Indonesia ko ciek-ciek, mungkin alah sampai ka bulan. Padahal nan sato dalm seminar ko iyo indak tangguang-tangguang boneh akademisi nan sato. Sayangnyo kito urang Indonesia ko sampai kini indak juo jaleh baa bantuak bulan ko, maetong hari bulan sajo masih alun juo salasai lai sampai balain hari puaso bagai. Kok pasan guru ambo saisuak, ijan tinggi bana kaji dari ilmu nak, sabab nan disabuik ilmu ko adolah apo nan bisa kito karajokan, kok hanyo sekedar tahu itu namonyo pengetahuan, mangko dek itu disabuik ilmu pengetahuan. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam ________________________________ Dari: Darwin Bahar <[email protected]> -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
