Assalaamu'alaikum. w.w. Dunsanak kasadonyo nan Insya Allah dimuliakan Allah swt. Mari kito sambuang baliak kaji kito. Kapatang sampai di siko, Nan kaduo, ndak mengakui atau ragu-tagu bahaso Nabi Muhammad saw itu adolah utusan Allah…. Aaa itu inyo…Golongan ingkar sunnah … Kito taruihkan jo Bismillaahir rahmaanir rahiiim. Alah diputuskan bahaso golongan ingkar sunnah ko sesat dan menyesatkan tetapi malangnyo, indak ado tindakan taradok mereka. Ambo pernah mandanga dalam ucapan syahadat mereka indak ado “wa-asyhadu anna Muhammadar rasulullaaH” do. Asy-Hadu alla ilaaHa ilallaaH sajo, indak ado nan lain. … iko kelompok mereka… Mereka bakato ayat 128 129 suratut taubah “laqad jaa akum rasulum min anfusikum ….” tu sapatuiknyo indak ado dalam al-Qur-an. sapatuiknyo dikaluakan karano ayat memuji manusia indak buliah. Itu keceknyo dunsanak…. ayat ko memuji Nabi saw. … merekaa anti bana. Mereka menghina Nabi, sebab itu ambo katokan mereka kapia. Nabi ko utusan Allah. Lihat surek al-a’raf surat ka 7 ayat 158, “Qul yaa ayuhan naas, inni rasulullahi ilaikum jami’a”… iko pernyataan Allah, Katakan wahai manusia, aku utusan Allah untuak kamu semua. itu sebabnyo kito katokan mereka ko murtad. Mereka ndak manarimo mereka ndak yakin Muhammad saw. adolah utusan Allah. Di ayat lain suratul anbiya surah ke 21 ayat 107. “wamaa arsalnaaka illa rahmatal lil ‘aalamiin” , Dan tidaklah Kami utus engkau wahai Muhammad melainkan membawa rahmat ka seluruh ‘alam. Liek pulo suratul ahzaab, surat ke 33 ayat ke 40. Nabi Muhammad ko adolah “wakhaataman nabiyyiiin”, penyudah, atau panutuik ka sado nabi. Kalau ko indak di-imani… kapia dunsanak… murtad tu… itu sababnyo kito katokan Ahmadiyah itu murtad… Barang siapa yang tidak meyakini Muhammad saw. sebagai utusan Allah…. Murtad… batal dua kalimah syahadat. Dalil Al-qur-an jaleh, bahaso Muhammad saw memang utusan Allah swt. Nan katigo… danga elok-elok iko nan banyak dunsanak, yaitu indak mampicayoi dan ragu taradok hukum-hukum Allah nan disabuikkan di dalam Al-Qur-an dan as sunnah. Itu nyo… Dunsanak, apo sifat-sifat urang beriman ?. diantara ayat nan dapat dikemukankan iyolah ayat surek ka 49 ayat 15, al hujurat. “innamal mu’-minuunal ladziiina amanu billah wa rasuliHi, tsuma lam yarkabu” itu jawabannyo dunsanak, iko sifat urang beriman. Nan sadang awak caritokan sifat murtad, inyo ragu inyo ndak picayo inyo ndak yakin, hukum-hukum Tuhanpun inyo ndak yakin. Akan tetapi urang beriman, sesungguhnyo orang-orang yang beriman itu, ialah orang-orang yang beriman kepada Allah dan rasul-Nya, kemudian mereka tidak ragu. Mereka yakin, baa pulo ka ragu ? Al-Qur-an bukan ciptaan manusia, Al-Qur-an ciptaan Allah. Diantaronyo Allah menegaskan dalam suuratul baqarah 147. “al-haqu mir rabbika fala takunanna minal mumtariin”. Kebenaran itu datang dari Tuhanmu, maka janganlah kamu termasuk, tergolong dalam golongan orang-orang yang ragu. Sia nan ragu dunsanak binasa di akhirat. Sia nan ragu jo al-Qur-an, kalau ndak binasa di dunia pasti binasa di akhirat. Ambo ado jawaban surat ke 44 ayat 50 Ad-dukhan. iko balasan ka urang nan ragu. “innaHadzaa makuntum biHi tamtaruun”, inilah adzab yang dulunya kamu ragu. Kamu tidak percaya ?….aaa… jaan ndak picayo, jaan ndak yakin jo al-Qur-an jaan ndak yakin jo undang-undang Allah peraturan-peraturan Allah, karano undang-undang Allah peraturan-peraturan Allah lah nan paling rancak. Sia nan nan mangecek ?, Al-Qur-an nan mangecek, diantaronyo suratud Dukhaan ayat 4, "fiHaa yukhraku kullun bi amrin hakim", Di malam lailatul qadar Kami turunkan Al-Qur-an, segala urusan-urusan yang Kami turunkan urusan yang Maha bijaksana. Tahu ndak Maha bijaksana ?. yang terbaik, Allah memang bijaksana. Qur-an ko datang dari pencipta nan Maha Bijaksana. “wainnaka lak lakul Qur-an mil ladun hakimin ‘alim. Surat 27 ayat 6, suratun Namlu, Dan sesungguhnya Muhammad telah Kami berikan Al-Qur-an. Bukan ciptaan Muhammad Al-Qur-an ko. Itu sabab nyo hukum-hukum undang-undang nan ado dalam Islam wajib awak patuhi wajib awak yakini karano Allah manyatokan, “mil ladun hakiimin ‘alim”, Qur-an ini datang dari Tuhanmu yang Maha bijaksana lagi Maha mengetahui. Pemimpin-pemimpin negara awak maa bijak…, kalau bijak jadikanlah Indonesia negara nan makmur. Naikkan baliak nilai mata uang,…. ndak bijak,… inyo ndak tahu sagalo-galonyo… inyopun ndak tahu bilo inyo ka mati … Tapi Allah Alah tahu kapan… dan dimana… Allah bijak, Allah tahu…. awak harus sadar dunsanak iko pakaro ‘aqidah, … ndak yakin jo undang-undang peraturan Islam… murtad.
Urang beriman,… tsuma lam yarkaabu… mereka ndak ragu. Itu diantara contoh-contoh. Sudah tu…iko perkara ‘aqidah perkara i’tiqad perkara keyakinan. ragu-ragu jo qiamat, ragu-ragu jo sarugo narako…. tu nyo… awak dapek mambaca dalil Qur-an suratul baqarah 281, “wattaqu yauman turja’uuna fiHi ilallaaH, tsuma tuwaffa kulli nafsin maa kasabat laHum laayuzhlamuun” itu dalil Qur-an dunsanak. Akan terjadi qiamat dan awak akan dibaleh sasuai jo amalan nan awak lakukan. Itu carito qiamat…. banyaklah ayat-ayat. Carito sarugo narako, ado saurang gaek pikun dunsanak, inyo mangecekkan “maa ado urang pai ka sarugo, sudah tu ma-agiah tahu ado sarugo ado narako". Inyo ragu jo sarugo narako… bisa menjadi murtad dunsanak. Dalil Qur-an tantang sarugo narako ko ado, karano Allah berfirman dalam Qur-an. kini awak nan ado ko apakah sadonyo penduduk sarugo ?, awakpun ndak tahu,… awak hanyo bisa manyabuik Insyaa Allah sajo. Tapi ndak sado manusia nan Allah cipta masuk sarugo doh. Surah 42 ayat 7 as-Syura. Di penghujung ayat 7, iko dalil ado sarugo narako. Ragu terhadop sarugo narako …murtad. Kapia dunsanak. “fariiqun fil jannah wa fariiqun fis sa’iir”. Sebagian manusia akan dimasuakkan ka dalam sarugo, sebagiannyo lai akan dihumban ka dalam narako. Itu pernyataan Allah. Allah sabuik dalam Al-Qur-an kalian ndak picayo, mengaku beriman jo Al-Qur-an. Sebab itu Allah bafirman, Allah tahu manusia iko memang zhalim dunsanak. “fabiayi habibin ba’dahu yu’-minun, surat 37 ayat 50 al mursalat. Kamu hendak berita bagaimana lagi baru kamu hendak beriman ?. Mukasuiknyo apakah awak nio Tuhan mambao ka awak mampaliekkan iko sarugo iko narako baru ka beriman ?. Allah ndak paralu iman awak, Allah lah bafirman dalam Al-Qur-an, berimanlah… Sia-sia nan ragu jo sarugo narako… "maa ado urang nan pai ka sarugo narako dan baliak ma-agiah tahu ado sarugo narako…" oopss abis iman dunsanak… hancur ‘aqidah. Iko pakaro keyakinan, keyakinan salah satunya pakaro nan dapek menyebabkan sasaurang tu murtad. Aaa..tapi dek lah panjang pulo dunsanak, barisuak kito sambuang dunsanak.. Kito tulih baliak. (Bersambung) Billahil hidayah watr taufiq Wassalam St. Sinaro -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
