Tantu sajo AA Navis ndak saroman jo Snouck doh, walau kepeang ongkoih ka Makah nan dipakai masiang2 mungkin bisa dianalogikan: Snouck dapek kepeang ka Makah dg biaya Pemerintah Kolonial/Univ Leiden; Navis pai ka Makah jo ongkoih dari 'saku' Suharto (Orba). Tapi motivasi Orba untuak mangamakahkan urang2 sarupo Navis ko tantu dalam rangka untuak malunak'an hatinyo jo muluiknyo supayo jan kareh2 bana mangaritik Orde Baru. Lah samo kito katahui bahaso salah satu nan sangaik ditakuti dek Rezim Orba adolah para pengarang kritis saroman Rendra, Pramoedya, dan Navis. Jadi, iko kepeng pujuak mah dek Orde Baru. Tapi labiah daripado itu, Navis ko memang urang nan kritis, tamasuak dalam soal caro baagamo dalam masyarakat awak. Tumah lah tampak sajak awal dalam cerpennyo 'Robohnya Surau Kami" nan sempat mahebohkan tu. Lah jaleh sajo tunyo dalam laporannyo ka Makah tu ado hal2 nan nyo kritik mengenai karajo jo kulikaik haji awak di situ. Wacana kritis tentang haji ko lah dimulai jauah sabalun zaman Navis mah -- sajak zaman Syekh Dauik Sunur, sajak zaman Dja Endar Moeda lai. Sakadar contoh, Bupati Banduang R.A.A. Wiranatakoesoema (baliau ko urang sumando Kiktinggi mah: suami Sjarifah Nawawi tapi akhirnyo carai sasudah baranak 3 karano Sjarifah nan barasa dari Minangkabau nan egaliter stress iduik dalam keluarga menak Sunda nan feodal tu, nan kalau bajalan di muko raden harus maungkuak2 basiensuik, sia lo urang Minang nan ka tahan co itu) nan pai ka Makah di awal abaik 20. Wiranatsakoesoema manulih: Tabiat kelobaan manusia itu tentu di mana-mana akan ada, [...] dan demikian pula bahwa di antara mereka yang berjalan mengelilingi Ka'bah itu ada juga manusia yang bertabiat kelobaan itu. [...] Maka ada saya bertemu beberapa kali [...] dengan tabiat kelobaan manusia itu. Saya ada melihat tani Sunda membawa bibit dan padi...[,] dibawanya barang-barang itu keliling Ka'bah. Bibit padi itu dibawanya kembali ke tanah Sunda akan ditanamnya di sana. Dalam persangkaannya bibit yang telah dibawa mengelilingi Ka'bah itu akan lebih banyak hasilnya. Ada pula seorang "lintah darat" yang menggeser[kan] beberapa buah mata uang kepada Ka'bah, dengan maksud, supaya "bunga" uang itu akan makin tinggi dan makin tinggi dan makin bertambah tinggi jua, dan supaya mata uang itu akan berlipat-lipat ganda juga banyaknya.[1]
________________________________ [1][Koesoema] (1927:67-8), ejaan disesuaikan. Rujukan: Wiranatakoesoema, R.A.A. 1925. Mijn Reis naar Mekka. Bandoeng: N.V. Mij. Vorkink. buku ko terjemahkan ka dalam bhs Melayu sbb: [Koesoema, R.A.A. Wiranata]. 1927. Perdjalanan saja ke Mekah, disalin dari kitab jang dikarang oleh G.A. van Bovene menoroet tjatatan R.A.A. Wiranata Koesoema, Regen Bandung, dihiasi dengan 42 gambar. Weltevreden: Balai Poestaka (Tjetakan Kedoea). ---- AA Navis lah jaleh basikap kritis co itu pulo dalam maliek ibadah haji. Walau inyo dibiayai dek Orde Baru pai naiak haji tapi manuruik ambo bukan berarti inyo memata2 jamaah haji awak. Nan inyo lakukan melalui karya2nyo adolah mambari kesadaran ka masyarakat awak soal baagamo: bahaso kalau urang cadiak baagamo, kualitas agamonyo mungkin labiah elok daripado urang nan indak sikola, nan acok jatuah ka taklid, sarupo petani Sunda nan mambao bijo padi atau lintah darat nan malapia2kannyo ka dindiang Kabah, bantuak nan dicatat dek Wiranatakoesoema di ateh. Wassalam, Suryadi Dari: sjamsir_sjarif <[email protected]> Kepada: [email protected] Dikirim: Rabu, 29 Agustus 2012 10:47 Judul: [R@ntau-Net] Navis saroman Hurgronje? ... Re: Bls: Le Grand Voyage... Bukan autobiografi AA Navis suntingan Abrar Ysra; buku nan ambo mukasuik tu khusus mengenai laporan perjalanan AA Navis ka Makah naiak Haji. Lupo ambo titel persis langkoknyo. Buku tu diagiah ka ambo pribadi dari tangan baliau 2002/2003. Salam, -- MakNgah Sjamsir Sjarif Di Rantau Jauah Wed Aug 29, 2012 1:47AM PST --- In [email protected], "akmal n. basral" <anb99@...> wrote: > > Tarimo kasih ateh balasan nan capek, Mak Ngah. > Apakah buku nan AA Navis "manulihnyo sandiri" itu nan Mak Ngah mukasuid > bajudua Otobiografi AA Navis: Satiris dan Suara Kritis dari Daerah (1994) nan > disunting Abrar Yusra? > > Kalau iyo, apokah ado kalimat nan manyatokan dek karano inyo dapek ongkos > perai naiak haji, makonyo inyo saroman Snouck Hurgronje nan perai naiak haji > dan ditugaskan Bulando untuk mamato-matoi jamaah haji di Makkah seperti nan > Mak Ngah sampaikan di posting awal? Mungkin iyo talangkau ambo mambaconyo > kalau damikian. Beko ambo cubo cek ulang. > > Ataukah kesimpulan "saroman Snouck Hurgronje" itu kesimpulan Mak Ngah sajo? > > Salam, > > Akmal Nasery Basral > Cibubur -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
