Uwan Akmal jo Pak Darwin, Tarimo kasih ateh postingan dan pencerahannyo. Ambo cubo cari film tu, Wan. Semoga sobok. Ado anekdot kini nan tadanga dek ambo: banyak artis dan selebritis Indonesia pai umroh atau naiak haji ka Makah, tapi pulang dari makah banyak nan bacarai. Apolah do'a nan nyo mintak ka Allah SWT di Makah kolah? Suko atau tidak suko, kalau awak liek fenomena kini, naiak haji ko iyo lah mandakek2 ka pelesiran tampak e, kadang2 lah kamuflase bagai. Kok ado politikus nan sadang tasorot2 dek mato publik jo kamera wartawan, aha...nyo pai ka umroh dulu ka Makah. Acok barito e dibaco di koran, diliek di tivi: "Bapak anu belum bisa dikonfirmasi soal tuduhan itu karena beliau sedang menunaikan ibadah umroh ke Mekah". Aha...antah iko konkurensi atau kebetulan atau memang karano nak mainda dari tanyo baririk 'kuli tinta' ko si apak tadi sangajo pai ka Makah. Antahlah... Eh...ambo caliak di media ado pulo pernyataan baru ulama awak, iko nyo: Wawancara Ali Mustafa Y. (2) Baa pulo ko carito e? Mungkin ado Adidunasanak di lapau nan tau. Mohon pencerahan dari ahlinyo. Kok dipikia2, dek banyak sudaro2 awak di nagari ko nan masih indak bakacukuik'an, rancak pitih untuak naiak haji atau umroh nan kasakian kali tu kito salurkan untuak mereka (dalam babagai bantuak). Sia tahu Allah SWT maagiah pahalo nan labiah lai daripado pahalo pai umroh ka Makah nan ka-sambilan kali atau ka sakian kalinyo. http://www.merdeka.com/khas/berhaji-dan-berumrah-berulang-kali-pengabdi-setan-wawancara-ali-mustafa-y-2.html * Catatan: Judul berita di ateh jadi itam dan gadang dek karano langsuang ambo copy-pasyte dari websitenyo, ndak tahu baa caro mampangenek. Wassalam, Suryadi
Dari: Akmal N. Basral <[email protected]> Kepada: "[email protected]" <[email protected]> Dikirim: Minggu, 26 Agustus 2012 1:04 Judul: Le Grand Voyage... Re: Bls: Bls: [R@ntau-Net] Tawaf dengan Kendaraan Listrik Ajo Sur nan tajam pangamatan, ado satu film tentang perjalanan haji nan lua biaso rancak, judua no LE GRAND VOYAGE (2004) karya sutradara Prancis/Maroko Ismaël Ferroukhi, tantang perjalanan apak-anak naiak haji dari Provence (Prancis Selatan) naiak oto. "Manga indak jo kapa tabang?" tanyo si anak heran dan sabananyo maleh kalau harus mangamudi oto sajauah tu. "Kalau jalan kaki ka Makkah dari Paris ambo ndak kuek, tapi kalau naiak oto masih mandakeki saroman naiak unta di jaman Rasul," kiro-kiro jawaban si apak dalam spirit indak amuah "technologizing of religion" maminjam istilah Ajo Sur. Ide dan eksekusi film Ferroukhi ko fenomenal dek karano LGV menjadi road movie nan indah baitu oto maninggakan Prancis, masuak Itali, Slovenia, Kroasia, Serbia, Bulgaria, Turki, Suriah, Yordania, sabalun masuak Saudi. Sapanjang perjalanan dengan perubahan landscape tiok nagari, kadang-kadang sangaik ekstrem, apak-anak ko taruih "bacakak". Si Apak nan alah fokus baibadah, jo si anak nan masih taruih SMS-an jo pacarnyo nan gadis Perancis, dll. Ado sajo nan dikarajoan si anak nan sabananyo maleh (alun siap) atinyo untuak pai ka Tanah Suci. Salam, Akmal Nasery Basral Cibubur Berhaji dan berumrah berulang kali pengabdi setan -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
