Baitul Mal Wa Tamwil ko sacaro teknis akan bajalan pabilo ado koordinasi antaro pemerintahan nagari & organisasi perantaunyo. Pemda Kabupaten samaso pak Aristo Munandar alah pernah mancubo manaruko hal iko di 82 nagari di Kabupaten Agam dengan mengucurkan masing-masing sekitar Rp. 300.000.000 di satiok nagari nan dipakai sabagai modal awal BMT.
Dana mantun indak labiah gadang daripado dana awal LKMA, KMN ataupun SPP nan katigonyo juo adolah lembaga keuangan nan ado di nagari-nagari di ranah minang. Nan paralu dilanjuikan adolah perhatian organisasi perantaunyo untuak meningkatkan SDM aparatur pengelola keuangan di nagari ko, baiak BMT, LKMA, KMN ataupun SPP. Pelatihan-pelatihan alah juo dilakukan oleh pemda setempat nan biasonyo lokasi pelatihan dilakukan di hotel-hotel nan mamakai biaya nan indak saketek pulo. Babaliak ka pangka kaji, dimano kendala mendasar dari seluruh program ko adolah manajemen & pendampingan, nan hal iko alah menjadi salah satu panyakik kronis aparatur negara kito (bukan hanyo di Sumbar), dimano masing-masing kantua dinas, baiak kabupaten ataupun provinsi masih juo bajalan surang-surang, terlibat konflik kepentingan & miss komunikasi untuak mampasamokan mambangun nagari-nagari. Disikolah latak pentingnyo suatu organisasi perantau di ranah minang. Sabab IK - IK nan tasebar di berbagai penjuru nusantara bahkan ka mancanegara nan ko lah nan bisa masuak tanpa bateh hinggo ka biliak paliang ketek nan ado di nagari. Walaupun perantau-perantau minang nan tagabuang dalam IK - IK nan ko indak bakatepe, indak lahia jo tingga di kampuang, namun indak bisa dilengahkan baitu sajo oleh pemerintahan nagari & seluruh kelembagaan di nagari tamasuak Karapatan Adat Nagari (KAN) sendiri. Baa kok bitu? Sabab ado hal nan labiah daripado itu nan labiah mambuek ikatan lahia jo bathin antaro IK jo pemerintahan nagari indak bisa saliang mahinda, yaitu ikatan babulek baurek tunggang, tampek asa sako jo pusako nan indak bisa dicari ditampek lain, sahinggo biliak nan paliang ketek pun bisa dilakukan suatu musyawarah & mufakat antaro perantau & pemerintahan nagari. Hanyo dengan caro ikolah kito bisa mambuek pemerintahan nagari menjadi pemerintahan nan barasiah, transparan & betul-betul memajukan masyarakat nagari, sebab ujuang tombaknyo memang disiko tanpa interfensi kepentingan kelompok, politik ataupun nan lain. Oleh sebab itu pulo, website nagari dirancang untuak mampasingkek jalur komunikasi antaro perantau jo nagari, mampamudahkan menyebarkanluaskan publikasi kegiatan nan ado di nagari-nagari, sahinggo ado nan bisa taruih disamparonokan sacaro babiliak-biliak, tenggang manenggang raso jo pareso. Ambo kiro, baa kondisi nagari kito masiang-masiang & tingkat komunikasi antaro perantau jo nagarinyo bisa kito tanyokan sendiri pado diri kito sendiri, sabab sampai kini ambo alun pernah basobok jo urang minang nan lai santiang mangicuah dirinyo surang. Paralu bana komunikasi ko dipapadek, mulai kito data potensi nagari jo perantau kito sabab alah bapuluah tahun bangkalai ko kito pabiakan sajo, bahkan masih juo baharok pemda sarato pemprov nan akan manyalasaikannyo. Untuak diketahui, bulan Mei nan lalu di hotel Rocky Padang, pemprov Sumbar mengundang sekitar 100 wali nagari, lurah jo desa untuak mulai melakukan pendataan perantau asa nagari masing-masing. Apokah mungkin ambo nan akan maatur-atur dimano latak pot bungo nan rancak di rumah angku, mamak, bundo sarato dunsanak sapalanta? Sabab itulah kito urang minang ko mamakai caro babiliak-biliak. wasalam AZ/lk/34th/caniago Sumpur Kudus, Sijunjuang asa nagari Kubang, 50 Koto babako ka Canduang Koto Laweh, Agam Sudahkah kita perkuat komunikasi di IK jo pemerintahan nagari kito? Hinggo ka suku? Hinggo ka kaum? Hinggo ka Paruik? Konsepnyo sabana sederhana sajo, namun ko ego tatap bapakai nan sederhana ko akan manjadi rumik. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
