Kakanda Darwin Bahar di Depok. Tarimokasi ambo sampaikan karano Kakanda alah sato pulo sakaki mampalaweh jangkauan solilokuis Si GM.
Bagi ambo pribadi, sabagai junior (jauah 13 tahun 28 hari) di bawah baliau minum ASI di ateh dunia, tantu a nan ditulihnyi via Ca-Ping tiok Jumuaik sore di TEMPO, hanyolah sabagai pangulangan sejarah sajo. Sacaro pribadi ambo mahoromaiki GM, karano ranuangannyo sakali sapakan via majalah wanyo tu bisa untuak manyingguang sabagian hati nurani anak manusia dari sagalo macam golongan. Tapi….., sabagai umaik baugamo Islam sarupo nan tatulih di KTP kami masing-2, tampaknyo “pandangan hiduik” Si GM agak babedo jo Si m.m. Dan, sampai hari kiamaik soal nan paliang sakral ko indak ka bisa doh dipadebaikan apo lai dipatamukan. Latar belakang kami agak babeda. Baliau lahia di Batang, Pekalongan nan panuah jo kultur islam kejawen, sadangkan ambo sandiri dilahiakan & dididik (kutiko rinuak s/d remaja) dek islam surau, dan (kutiko remaja s/d dewasa) dididik dan digembeleng jo nuansa Muhammadiyah. Apo lai samanjak tahun-tahun tarakhia ko Si GM alah aktif pulo mambela HAM nan dipadewa-dewakan kaum Sepilis (sekular, pluralis & liberaralis) nan induak angkangnyo di nagari awak (tamasuak alam Minangkabau ka wae ajak sato sacaro sistemik) adolah JIL (bukan : Jaringan Iblis Laknatullah). Alun bisa rasonyo lupo dari memori kapalo ambo, kurenah Si GM ko (nan didukuang & diekspos dek korannyo nan banamo Koran Tempo) dek sari, baitu basitungkinnyo GM jo kawan-kawannyo untuak maansik pamarintah mambubarkan Front Pembela Islam malalui demontrasi (nan direkayasa sadamikian rupo…!!!!) nan dikarajoi dek Aliansi Kebangsaan untuk Kebebasan Beragama dan Berkeyakinan (AKKBB) . Tantu Kakanda masih alun lupo jo peristiwa “penggebugan” FPI bake urang-2 AKKBB di Lapangan Monas (1/6/2008) nan lalu, bukan? Cubo, kalau pamarintah SBY bisa dipadayoi dek JIL & AKKBB nan mangekspos foto dan video “kurenah” FPI di Lapangan Monas nantun, sahinggo mambubarkan FPI dari ateh bumi republik pancasilais? Ka jadi apo lai Ustdz-ustadzah “buiah di ateh lautan” ko dalam mahadoki sipaktarajang JIL nan diongkosi satiok tahun dek Asian Foundation sakitar Rp1,5 M? Hanyo jo caro (strategi) manyewo dan maatur sademikian rupo kaum gay, waria (Si Bujang-gadih) basarato gelandangan Monas untuak dibari baju muslim basarato jilbab, kamudian disuruah bademo di Monas untuak manyuarokan kebebasan mamiliah ugamo dan mamiliah jalan hiduik (mau homoseks kek, mau “baanak jawi” kek, mau lesbianis kek mau Ahmadiyah kek, koq loe ganggu gue?) lantas awak urang Islam nan awam ko baitu gampangnyo jatuah hati dan tapadayo bake kurenah kelompok Si Ulil JIL? Maaf Kanda, ambo bukan anggota FPI apo lai murik Si Habib Rizieq. Tapi, taruih tarang sajo nan dipabuek FPI salamo ko sabana paralu adonyo di nagari bumi pancasila. Kalau sajo sagalo produks UU nan balaku di ateh negara hamparan zamrud di khatulistiwa ko bajalan sasuiai jo nan tatulih di pasal-pasalnyo, mungkin indak paralu lai ado FPI. Tapi….., karano dalam era reformasi nan samakin rusak dan luluah lantak ko kepeang adolah di ateh sagalo-galonyo, mako jadilah kondisi nagari awak saroman hari ko. Astaghfirullah al azim. Allahu Akbar. Kanda, sakali lai ambu kana-an. Ambo dalam hiduik INDAH PANAH MAMBANCI URANG LAIN, nan ambo indak sanangi adolah kurenahnyo, atau dalam bahaso kampuang awak di Darek sinan, “nan ambo bangihan adolah sipak tarajang kaum JIL ko dalam mampadangka akidah umaik Islam di nagari awak (nan manjadi target dari ‘master plan’ Si Yahudi global)”. Jadi, kasimpulan kecek pagi ko, kalau buliah ambo mamintak bake Kakanda Darwin Bahar di Depok sinan, indak usahlah mampalewakan tulisan-2 monoton SI GM ko ka urang awak di ateh dunia. Kalau Dunsanak awak nantun mandapek lansuanga atau mancari sandiri di alam maya atau alam dunia, silakan. Nan pantiang, Kanda indak sato sakaki manjadi antek-antek kalompok nan kamairik anak kamunakan awak samakin jauah ka Al Qur’an dan samakin cinto ka Koran (dalam pangaratian luweh). Ambo masih ingek pasan Inyiak ambo (Abdul Latief Tuanku Nan Basa, murik dari Tuanku Nan Renceh) di Tilkam (tahun 60-an, kutiko ambo sabana rinuak bana), “urang nan masuak sufi (kaum solilokuis…=èmm) tu , baitu wanyo tajun mako ka sinan jadilah inyo urang pesong dalam mamahami Allah SWT ”. Maaf, sabaleh jo kapalo ambo mintak. Sakironyo ruok Si mm di pagi hari ko banyak batuanyo, itu adolah samato-mato dari Allah. Tapi jikok banyak rene jo terenyo, itu adolah barasa dari diri ambo pribadi sabagai makhluk nan indak panah lapeh dari kahilafan. Salam……………………………………, mm*** From: [email protected] [mailto:[email protected]] On Behalf Of Darwin Bahar Sent: Wednesday, August 29, 2012 3:45 AM To: Palanta Rantaunet; [email protected]; [email protected] Cc: 'andi ko' Subject: [R@ntau-Net] OOT - Caping GM:Agora Senin, 27 Agustus 2012 http://www.tempo.co/read/caping/2012/08/27/128543/Agora Di agora, kearifan dimulai dengan kegelisahan dan tak tahu. Ada satu kalimat yang konon dari Sokrates: "ia [Sokrates] tak tahu apa-apa, kecuali bahwa ia tahu ia tak tahu apa-apa." Itu sebabnya sebuah agora, yang dalam sejarah Yunani Kuno merupakan tempat berkumpul orang di pusat kota, dijadikan Sokrates sebagai arena bertanya-jawab. Sejarah mengisahkan ini bukan waktu senggang yang iseng dan tanpa konsekuensi. Dengan pertanyaan-pertanyaannya yang menggugat pikiran yang gampangan dan mandek, Sokrates mengibaratkan diri sebagai "lalat -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
