Nan talupo malewakan link fotonyo di FB, silahkan dicaliak pado link dibawah nan ko:
https://www.facebook.com/media/set/?set=a.454606721228953.99192.176861319003496&type=1 wasalam AZ/lk/34th/caniago Kubang, sadang di kampuang babako ka Canduang Koto Laweh, Agam ________________________________ Dari: Armen Zulkarnain <emeneschoo...@yahoo.co.id> Kepada: "rantaunet@googlegroups.com" <rantaunet@googlegroups.com> Dikirim: Rabu, 5 September 2012 0:39 Judul: [R@ntau-Net] LPM Marapalam : Update Kegiatan, September 2012 Assallammualaikum wr wb Angku, mamak, bundo sarato adi dunsanak sapalanta RN dimano sajo barado, pengurus & inisiator LPM Marapalam, pemilik jawi (bontiang dek kami di Pikumbuah) usaho penggemukan/indukan jawi simmental tahap paratamo nan ambo hormati. Jadwal pengiriman jawi ka Sumpur Kudus adolah Jum'at pagi 7 September 2012. Sasuai hasil pertemuan antaro LPM Marapalam nan diwakili ketua pak Afrijon Ponggok sarato ambo dengan ketua KAN Sumpur Kudus Dt Bandaro Hitam, kaduo wali nagari Sumpur Kudus jo Sumpur Kudus Selatan, niniak mamak pemangku ulayat Malin Bagindo Malano, perangkat nagari, petani nan akan manggilai jawi simmental & masyarakat Calau di kantua pemerintahan nagari Sumpur Kudus Selatan hari Sabtu, 1 September 2012 nan lalu, alah disepakati sacaro basamo MOU usaho penggemukan/indukan sapi simmental nan dibagi 50 % - 50 % antaro pemilik & petani nan maurus jawi setelah dikaluakan biaya modal & share untuak pemerintahan nagari, KAN Sumpur Kudus & niniak mamak pemangku ulayat sebesar Rp. 300.000 untuak masiang-masiang jawi simmental nan ado Alhamdulillah, siang tadi seluruh jawi alah kito foto ciek-ciek. Ado nan malu-malu, sahinggo ambo harus baputa-puta kian kamari dek banyaknyo bontiang nan mailak ka difoto. Dek indak sadonyo pemilik jawi mampunyoi akun FB & kalau ambo upload di milis nan ko, alamaik ka kanai berang jo rang dapua sabab alah malabihi kuota nan ditantukan yaitu maksimal 200 KB. Bagi angku, mamak, bundo sarato dunsanak nan memiliki akun FB silahkan dicaliak pado link dibawah nan ko, http://photobucket.com/simmental_tahap_satu Sabonanyo lai ado dokumentasi videonyo, namun akses internet rumah di kampuang alun pakai speddy lai, sobab rumah ko labiah kodok kosong daripado bahuni. Akses internet nan ambo pakai hanyo jo modem GSM nan sinyalnyo hanyo GPRS sajo, alun tasadio nan HDSPA kini di Mudiak Pikumbuah. Jadi untuak samantaro dok. foto sajo nan bisa dilewakan. Itu sajo nan bisa ambo sampaikan, rincian keuangannyo insya Allah hari Kamih nan akan datang, sabab masih ado barang-barang nan alun dibali, sahinggo indak salah tulih pulo beko sasuai jo harago barang & jawi masiang-masiang. wasalam AZ/lk/34th/caniago Kubang, sadang di kampuang babako ka Caduang Koto Laweh, Agam Daftar pemilik jawi : 1. M Dafiq Saib St Lembang Alam (Alang Bangkeh - jantan 8 bulan) 2. Junaidi Malin Basa (Maju Jaya - jantan 6 bulan) 3. Hilman Mahyuddin (Rara - batino 3 tahun labiah & Sampan - jantan 6 bulan) 4. Saafroedin Bahar St Madjolelo (Caltex - jantan 6 bulan) 5. Dutamardin Umar (Virginia - batino 3 tahun labiah) 6. Inyiak Sunguik (Pantang Disua - jantan 5 bulan) 7. Afrijon Ponggok (Binuang Sati - batino 3 tahun labiah) 8. Armen Zulkarnain (Kurapai - batino 4 tahun labiah) ket : seluruh foto alah dibari namo sasuai jo pemilik jawi masiang-masiang -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
