Assalamu'alaikum wa rahmatullahi aw barakatuhu Aa iyo mantun nyiak. Sabana badaso partamuan ambo jo dunsanak Armen nantun. Sakalitu baru basuo dan sakali tu lo baru ambo manjajak nagari Sumpukudus. Sanang bana awak mancaliak pamandangan alam nan hijau dilingkungi bukik di sapanjang jalan nan baliku-liku. Baitupun ambo sabana impressed jo kasungguahan hati sanak Armen ko. Panjang ota kami di sapanjang jalan. Pakaro taranak nan ambo caliak lai pulo tampak sehat. Insya Allah dapek pulo dipraktekan di sakola Ahmad Khatib di Koto Tuo suatu maso nantik.
Wassalammu'alaikum Lembang Alam di Kiktenggi... Sent from my iPad On 25 Sep 24 Heisei, at 05:44, Hambo Ciek <[email protected]> wrote: > Alaikum salam warahmatullahi wabarakatuhu, > > Aaa lah basuo duo urang nantun nan saketek babeda tantang pamakaian dialek > kato "nantun" jo "mantun". Di Angku Lembang Alam (Kototuo, Baligurah, IV > Angkek) istilah "mantun" jo "nantun" tu duo kato nan babeda arati. Dia Angku > Armen (Kubang, Pek Mudiak) cuma mamakai atau mengenal satu kato "mantun" nan > punyo duo arati saroman "mantun" jo "nantun" di angku Lembang Alam. Kini lah > basobok kalorok di Sitangkai nantun; kan iyo mantun du Angku Lembang? [Ambo > sadialek pakek jo angku Lembang Alam], > > Sanang lo awak mancaliak gambar kiriman dari pajalanan ka Sumpu. Tampaknyo > oto umum dari Pek Mudiak - Pikumbuah - Balai Tangah Lintau - Sitangkai lai > agak lasuah mah. Baa dari Sitangkai atau Kumanih ka Sumpu; lai lasuah lo oto > umum? > > Sakitu lah dulu salam dari jauah. > > -- Inyiak Sunguik > Sjamsir Sjarif > > > > --- On Mon, 9/24/12, Armen Zulkarnain <[email protected]> wrote: > > From: Armen Zulkarnain <[email protected]> > Subject: Mak Dafiq Sutan Lembang Alam jo Keluarga ka Sumpur Kudus > To: "[email protected]" <[email protected]> > Cc: "Afrijon Ponggok" <[email protected]>, "[email protected]" > <[email protected]>, "Aslim Nurhasan Sutan Satie Parambahan" > <[email protected]>, "Reni Sisri Yanti Gurun Sungai Tarab" > <[email protected]>, "Dutamardin Umar" <[email protected]>, "ajo duta" > <[email protected]>, "jun aidi" <[email protected]>, "Muhammad Dafiq > Saib Koto Tuo" <[email protected]>, "Hilman Mahyuddin" > <[email protected]>, "Saafroedin Bahar Kampuang Dalam" > <[email protected]>, "Inyiak Sunguik" <[email protected]> > Date: Monday, September 24, 2012, 8:31 PM > > > Assalammualaikum wr wb > > Angku, mamak, bundo sarato dunsanak sapalanta RN nan ambo muliakan, > > Malam tadi wakatu sadang di kampuang ambo mandapek telpon dari mak Sutan > Lembang Alam nan baru sajo sampai di Sawahlunto. Ado keinginan baliau untuak > singgah di Sumpur Kudus sabalun manuju Bukiktenggi sambia mancaliak kondisi > jawi simmental nan dipaduokan jo masyarakat di Jorong Calau nagari Sumpur > Kudus Selatan, Sijunjuang. > > Kabatulan rencananyo hari sinayan ko ambo memang ka babaliak manuju Sumpu > Kudus, hanyo nan jadwal samulo agak sore sabab oto tambang dari Padang manuju > Sumpur Kudus baru sampai di Kumanih sekitar jam 15.00 wib. Dek karano mak > Sutan Lembang ingin pulo ka Sumpur Kudus, iyo bamajukan pulo jadwal, > barangkek sajak pagi hari di Mudiak Pikumbuah sahinggo bisa batamu di > Sitangkai kiro-kiro jam 12.30 wib. > > Dek karano jalur Pikumbuah - Lintau - Muaro Sijunjuang memang sarana > transportasinyo jauah labiah langang dibandiang jalur Pikumbuah - Bukiktenggi > - Padang, iyo harus 3 kali sambuang kendaraan nan ambo cubo. Mulai dari oto > tambang Mudiak ka Pikumbuah, lalu jo oto tambang Pikumbuah ka Lintau, di > akhiri jo ojek dari Balai Tongah, Lintau ka Sitangkai. > > Kironyo mak Sutan Lembang Alam labiah daulu sampai di Sitangkai kiro-kiro 15 > minik dari ambo. Iko pertemuan paratamo kami di darek setelah sekitar 3 tahun > bakomunikasi di milis RN ko. Alhamdulillah bisa pulo basilaturahim jo mintuo > sarato anak laki-laki mak Sutan Lembang nan kini sadang kuliah di Padang. > > Kutiko sampai di Lontiak sempat pulo baranti agak sabanta mancaliak panorama > bukik saribu (bukik Sangkak Ayam - istilah rang Lintau), kudian perjalanan > kami taruihkan manuju masajik Rajo Ibadat di Koto, Sumpur Kudus. Mak Sutan > Lembang Alam jo keluarga shalat Zhuhur talabiah dahulu, sadangkan ambo alah > daulu dek wakatu Zhuhur memang alah tibo kutiko sampai di Balai Tongah, > Lintau. > > Kudian kami manuju kantua pemerintahan nagari Sumpur Kudus Selatan di Calau. > Wali nagari memang sadang di Muaro Sijunjuang hinggo hari Salasa, sahinggo > hanyo pak Sekretaris Nagari Yulharis Nibon jo PPL sarato mantari taranak nan > menyambut kedatangan mak Sutan Lembang Alam jo keluarga. Kudian kami > lanjuikan ka lokasi kandang basamo nan jaraknyo sekitar 400 meter dari katua > pemerintahan nagari. Indak lupo ambo kunjungi sabanta peternak nan manggilai > jawi Alang Bangkeh, namun mak Tani jo urang rumahnyo sadang barado di sawah > dek kini sadang musim batanam di Kanagarian Sumpur Kudus. > > Setelah mancaliak kondisi jawi di kandang basamo, sambia babincang-bincang > saketek banyaknyo, indak lupo baambiak kodak agak sakali duo sebagai > kenang-kenangan. Setelah salasai, pak Seknag nan mangawani ka kandang pun > permisi sabab masajik di Calau sadang ikuik lomba masajik tingkat kabupaten > nan memang sadang dikunjungi pulo oleh tim penilai. > > Mak Sutan Lembang Alam jo keluarga babaliak ka Bukiktenggi via Lintau - Pato > - Sangka - Sungai Tarab - Baso, sadangkan ambo sendiri akan tatap di Sumpur > Kudus hinggo tanggal 6 atau 12 Oktober nan akan datang manyalasaikan maso > pendampingan untuak peternak di kandang basamo jo pendampingan website nagari > Sumpur Kudus. > > Itu sajo nan bisa ambo sampaikan, mohon rila jo maaf pabilo ado kato nan > indak pado tampeknyo > > wasalam > > AZ/lk/34th/caniago > Sumpur Kudus, Sijunjuang > asa nagari Kubang, 50 Koto > babako ka Canduang Koto Laweh, Agam > > -- > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta R@ntauNet > http://groups.google.com/group/RantauNet/~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, melanggar akan dimoderasi: > - DILARANG: > 1. E-mail besar dari 200KB; > 2. E-mail attachment, tawarkan di sini & kirim melalui jalur pribadi; > 3. One Liner. > - Anggota WAJIB mematuhi peraturan serta mengirim biodata! Lihat di: > http://forum.rantaunet.org/showthread.php?tid=1 > - Tulis Nama, Umur & Lokasi disetiap posting > - Hapus footer & seluruh bagian tdk perlu dlm melakukan reply > - Untuk topik/subjek baru buat email baru, tdk mereply email lama & mengganti > subjeknya. > =========================================================== > Berhenti, bergabung kembali, mengubah konfigurasi/setting keanggotaan di: > http://groups.google.com/group/RantauNet/ > > > -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
