Rancak postingan Sanak Sutan Pamenan ko mah. Memang co itu gejala nan sadang tajadi tampaknyo, baiak di kalangan urang awak di kampuang maupun di rantau. Kecek sorang peneliti di Padang, tingkat katirihan bahaso Minang di kampuang juo makin tinggi. Namun samantang pun baitu, dalam soal manulih dalam bahaso Minang memang kadang-kadang panek awak mambaco. Masalahnyo dek alun ado sistem ortografi (ejaan) nan baku dalam manulihan bahaso Minang ko; ka ditulih IAIA PACAH, AIE PACAH, AIR PECAH atau IKUA KOTO, IKUE KOTO, IKUR KOTO, EKOR KOTA, EKOR KOTO, IKUA KOTOR. Dalam pengamatan ambo, ado salah sorang anggota lapau awak ko nan kalau manulih dalam bahaso Minang iyo paniang lelek ambo mambaconyo, sabab kodifikasi DIFTONG dalam bahaso Minang nyo tulih tabaliak2. Tapi kalau dalam bahaso lisan, indak jadi masalah. Pakai dialek apo pun pasti bisa 'nyambung'. Dek sabab tu, rancak juo kito babahaso Minang kalau basobok di ateh tanah (kopi darat). Kalau soal tulisan dalam bahaso Minang, walau alun ado sistem ejaan nan baku, asa awak konsisten, ambo raso indak masalah doh. Misalnyo nan ma nan barasa dari Piaman, paliek'an sajo dialek A tu (kundua, layua, sayua, simbubua, tasimbua, tasumbua, talulua, tamusahua, dsb.), walaupun sabananyo bukan sado e urang Piaman pulo nan mamakai dialek A tu. Kalau dunsanak dari darek nan cenderung mamakai dialek E (walaupun indak sadonyo lo nan mamakai dialek tu), tulihlah dalam dialek E (kundue, layue, sayue, simbubue, tasimbue, tasumbue, talulue, ayia liyue, dll). Nan agak bervariasi pulo yaitu sistem panulisan GLOTTAL STOP. Kito kumbali sajo dengan konsistensi masiang-masiang: ka manulih MAINGEK'AN, MAINGEK-AN, MAINGEK AN atau MAINGEK_AN, tasarah. Kalau konsisten co itu, bahaso Minang tulih awak rancak rupo e, dan lamak pulo dibaco. Wassalam, Suryadi
Dari: Z Chaniago <[email protected]> Kepada: [email protected] Dikirim: Jumat, 5 Oktober 2012 4:01 Judul: Re: [R@ntau-Net] Keluh Kesah Seorang Teman Assalamu'alaikum Ww Kalau di rumah ambo...., ado 4 urang dewasa memakai bahaso awak, 2 urang dewasa pakai bahaso sunda, lingua franca pakai bahaso Indonesia Raya... nan si uda dan si uni bisa caro awak sacaro pasif..., dan kalau basuo jo percakapan nan pakai bahaso awak nan sulik..., si Uda dan si Uni sacaro spontan akan mengupat " m*ny$t".. :-) Namun sabananyo ambo liek saminggu sajo si Uda dan si Uni main jo dunsanak sa anduang-nyo di kampuang bahaso awaknyo lai lakek .. Wassalam Z Chaniago - Palai Rinuak Pada 5 Oktober 2012 08:49, ASLIM NURHASAN <[email protected]> menulis: >Tks banyak info nan sangaik bagunoko, Jang; > >Sanak saPalanta nan dimuliakan ALLAH SWT; > >Cubo qto raso2i, inok2i, kana2 ka badan diri, apo qto sarupo nan dicaritoan tu >...!? >..... kutiko di rumah tampek domisili, basuo jo Urang Minangkabau, rapek jo >Komunitas Minangkabau, Pulang Kampuang atau dalam kesempatan apo sajo nan >bahubuangan jo Minangkabau ....? > >Sajak 2007, ambo acok na bagaua jo Mahasiswa di Kota Padang >.....patamo basuo, 300 Mahasiswa, iyo tangangak awak dibueknyo, bahaso mereka >lah indak jaleh jantan-batinonyo; antah indonesia, betawi, cino, inggirih, >melayu dan nan pasti BUKAN Minangkabau; dek tagalenjek bantuak tu, langsuang >Ambo minta mereka imbau Ambo, Inyiak; >.... ampia 100% mereka tangangak lo, saliang batanyo .... dan bajalehan ! >..... sampai kini, mereka maimbau Ambo jo panggilan Inyiak > >InsyaALLAH, Bahaso Minangkabau indak ka punah ! > > >Salam Ta'zim; >Aslim Nurhasan ST SATI | [email protected] >22BC124D | +62811918886 | http://www.haragreen.co.id/ > > > > -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
