Assallammualaikum wr wb
Angku, mamak, bundo sarato dunsanak sapalanta RN nan ambo muliakan dimano sajo barado, Pagi tadi mak Dutamardin mambari kaba kapado ambo bahasonyo Minang USA manitipkan pitih pambalian baju seragam sikolah nan akan disumbangkan ka nagari nan ado di ranah minang. Takana dek ambo pado tahun nan lalu sekitar bulan Juni 2011 YPRN mambuek mukasuik baiak ko nan alah mangumpuakan seragam sikolah sabanyak 575 halai nan maso itu pimpronyo adolah bundo Isna Huriati. Bantuan seragam sikolah ko kito taruihkan ka nagari Mandiangin Katiagan di kab. Pasaman Barat pado 4 SD nan ado di 2 Jorong, yaitu Jorong Mandiangin jo Jorong Katiagan. Setelah ambo inok manuangkan, baa kalau untuak tahun kini adolah giliran Kab. Solok, dimano pado 14 kecamatan nan ado, tasabuik ciek kecamatan yaitu Kec. Tigo Lurah nan sabana taisolir daerahnyo, yaitu nagari Garabak Data, Simanau jo batu Bajanjang Pado bulan Maret 2011 nan lalu sekilas info tantang nagari ko alah pernah ambo lewakan di palanta nan ko, dapek dicaliak baliak pado link di bawah nan ko. https://groups.google.com/group/rantaunet/browse_thread/thread/92b3453f9fa18027 Adolah kewajiban kito basamo sebagai urang minang dimano sajo barado untuak membantu pemerintahan daerah, baiak Pemkab ataupun Pemprov dalam membangun nagari ko sadapek mungkin nan bisa kito usahokan. Kalau ambo indak salah, pado hari Akad 14 Oktober 2012 nan akan datang, urang-urang tuo nan marupokan tampek batanyo jo tampek babarito di palanta nan ko akan bakumpua di rumah Bundo Nismah Rumzy. Alangkah rancaknyo kalau hal iko bisa ditukuak sarato dibilai labiah lanjuik sahinggo semakin padek sarato samparono niek elok perantau minang nan bamukim di USA nan ko. Tadi siang sambia babalanjo bahan peralatan untuak kandang basamo sempat pulo ambo tanyokan harago keperluan seragam sikolah ka grosir di Pasaraya Padang sebagai berikut : 1. Seragam sikolah SD (laki-laki jo padusi ) Rp. 65.000 (termasuk topi jo dasi 2. Sepatu sikolah Rp. 60.000 3. Tas sikolah Rp. 25.000 Ado rancaknyo disigi pulo ka Tanah Abang, sabab ambo kiro haragonyo mungkin labiah murah disinan. Pado tahun lalu kutiko ambo jo pak Darul Makmur melakukan survey ka Mandiangin Katiagan, Pasaman Barat, ado permintaan dari 4 kapalo sikolah SD nan ado disinan, baa kalau sipatu jo tas diganti jo seragam sikolah sajo, sahinggo siswa nan akan mandapek bantuan bisa labiah marato mandapekannyo. Alhamdulillah dari rencana 250 paket langkok seragam + sipatu + tas + alat tulis bisa kito sumbangkan 575 seragam sikolah ditambah alat tulih nan dikirim pak Zet Caniago. Untuak nagari-nagari di Kec. Tigo Lurah ko, kondisinyo jauah labiah menggenaskan dibandiangkan nagari Mandiangin Katiagan nan kito bantu tahun kapatang. Sebagai contoh, untuak ka Garabak Data, diparalukan wakatu paliang indak 6 jam bajalan kaki dimano seluruh pengangkutan barang-barang ka nagari ko manggunokan kudo baban. Insya Allah, beko pagi ambo alah tibo di Sumpur Kudus, pabilo sasuai jo rencana, siangnyo ambo alah baliak kalua setelah manyerahkan bahan peralatan pembangunan kandang basamo tahap II ka anak kamanakan sarato rang sumando angku Jumaas Dt Rajo Gagah. Rencana salanjuiknyo ambo akan ka Padangpanjang mancaliak anak-anak agak samalam. Kok kondisi lai maizinkan, paling indak hari Sinayan, 15 Oktober 2012 akan ambo cubo baulang baliak ka Garabak Data ko untuak manamui wali nagari sarato kapalo sikolah disinan sambia mendata siswa SD nan ado. Insya Allah dokumentasi foto jo videonyo akan ambo lewakan nantinyo. Pabilo masih ado wakatu akan bacubo pulo masuak ka Simanau jo Batu Bajanjang melalui Sirukam. Mudah-mudah angku, mamak, bundo sarato dunsanak sapalanta dimano sajo barado lai mandoakan langkah ambo untuak niek elok ko. Dek bulan Maret 2012 nan lalu kito juo terlibat dalam kepanitian S3 basamo-samo 3 Pemda (Kota Solok, Kab. Solok & Kab Solok Selatan) dalam event Musyawarah Adat, ambo mancaliak koordinasi nan elok antaro aparatur pemdanyo, insya Allah akan kito koordinasikan pulo niek elok ko ka Dinas Pendidikan sarato Dinas Sosial Kab. Solok. Mungkin itu sajo nan bisa ambo sampaikan sambia barandam-randam di aia angek bukik Kili Kanagarian Koto Baru, Kab. Solok sambia mananti wakatu shubuah dalam perjalanan manuju Sumpur Kudus, Sijunjuang. Pabilo ado kato nan ganjia sarato indak pado tampeknyo, kapado angku, mamak, bundo sarato dunsanak sapalanta ambo mohon rila jo maaf. wasalam AZ/lk/34th/caniago Koto Baru, Solok -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
