Panukuak curito satantang olang-olang nan ko,
Kutiko bulan puaso nan lalu ambo sempat maambiak kodak anak-anak sadang bamain olang-olang di bukik Soge sambia mananti wakatu babuko. Dari curito alm. antan ambo di nagari Canduang, maso saisuak dek banang iyo indak tabali, dipakai banang pisang nan sambuang manyambuang pangganti banang. Kok pak tuo ambo di Kubang manyabuikan sajak ketek memang banang nan dipakai untuak bamain olang-olang nan ko. Mungkin dek sabab sajak maso balando daulu usaho songkek memang alah banyak diusahokan di nagari Kubang. Salain olang-olang ko, di Pikumbuah ado juo permainan nan ditabangkan pulo namun indak mamakai tali jo karateh. Nan ditabangkan ko taranak nan ado di kampuang-kampuang, yaitu pacu itiak. http://armenzulkarnain.wordpress.com/galery-photo/50-koto/olang-olang-soge/ wasalam AZ/lk/34th/caniago Kubang, sadang di kampuang ________________________________ Dari: Ramadhanil pitopang <[email protected]> Kepada: [email protected] Dikirim: Kamis, 25 Oktober 2012 17:07 Judul: Bls: Bls: [R@ntau-Net] Tandiang ALANG2 Sanak Suriadi nan budiman, kalau kami di darek nan manjadi alang-alang anak laki-laki iyo alang-alang nan baikua iko...Biasonyo ikuanyo ado nan di "papek" samo rato..ado pulo nan duo ditangah dipanjangkan supayo rancak lenggoknyo untuak ka pamenan. Untuak alang-alang nan ditandiangkan biasonyo nan baikua iko pulo di luhak 50 Kota. Di Luhak 50 ado 3 jenis alang-alang nan ambo tahu : 1. nan partamo bantuaknyo terdiri dari bagian ateh tdr 2 bingkai samo panjang dan dikabek kaduo ujuangnyo, dibuek lungkangnyo, bantuanyo sarupo jo bulat elip panjang.,nan bagian bawah pakai tandan, bantuak sagi tigo..Biasonyo dek kami jarak nan lungkang diateh samo panjang jaraknyo jo pinggang ka bawah (tandan)..di bawah tandannyo dipasang ikua sabanyak 6 barih. Biasonyo kapalo layang-layangko diagiah pulo "BACADUAK" , nan tabuek dari rotan haluih, malangkuang... dililiti jo karateh warna-warni ..manih ruponyo. Kalau dianikan rancak lenggoknyo apolai kalau angin darek nan tanang indak kancang angin limbubu sarupo di daerah pasisia doh, dek dakek lauik. 2. Alang-alang danguang-danguang , nan banyak diaminkan dek urang gaek-gaek dek karano punyo keahlian khusus untuak manaikkannyo, ukurannyo agak gadang, banagnyopun ukuran gadang pulo..dinaikan sambia babunyi mandanguang-danguang... Manuruik pandapek ambo mungkin "LAMBANG MALAYSIA AIRLINES" itu maniru layang danguang-danguang awak...sarupo bana bantuaknyo. 3. Alang-alang maco..iko biasonyo dimainkan dek anak-anak, tamasuak juo anak padusi..Tapi kalau dikota-kota gadang sarupo di Padang atau Jakarta,alang-alang sarupo dijadikan aduan...pakai banang kaco (benang gelas). Wassalam, Ramadhanil Laki-laki- 48 tahun Palu Sulawesi Tengah -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
