Ondeehh Tuan Yanto Majo Basa Di inok di ranuangkan gurindam tuan di bawah... Iyo tapacak paluah di kaniang. walau dak tapek bana, tapi kanai sipi juo ambo, tapi untuang lai indak tapek bana
Tarimokasih tuan... Banyak palajaran di dalam gurindam tuan nantun.. Wassalam Arief Rangkayo Mulia Pada 6 November 2012 12:50, yanto jambak <yantojam...@gmail.com> menulis: > Dunsanak sa Palanta Yth > Assalamualaikum Wr Br.. > > Tanyo talabieh gurindam kalua > Nyampang di uruik dari asa > Ibarat mangaji surek ama > Katiko dulu kito baraja > > Kamuko darah bakaja > Di kaniang paluah manjala > Tagak sagalo bulu roma > Indak tantu ka di kaca > > Buah tutua kok di danga > Dipandang titiek dicaliak koma > Antah upek antah ko sasa > Bantuak urang sadang tasama > > Ka palanta rundiang ta hanta > Panuah arati sarek jo makna > Di lahienyo dunsanak nan ba kaja > Batinnyo madok kama kama > > Bak manembak jo badia lansa > Sakali latuih sakali gaga > Baratuih piluru kalua > Sulik sakali nak mahinda > > Kanai sasaran suok jo kida > Kok indak katapek bana > Kanai sipi kanai siba > Paliang indak kanai empa > > Kini di ulang-ulang bak mamompa > Di bulak balaiak bak mambaka > Di tampuah tampuah jalan nak pasa > Di ijo-ijo bak ma- apa > > Dek dunsanak cubolah danga > Carilah tenggang jo kalaka > Baa sakik naknyo tawa > Nak tahinda dari bala > > TANYO BARAPAK > Dunsanak Palanta Urang Awak > Nan samandeh malain mamak > Nan sa ayah balain bapak > Dima sajo kini manyimak > > Nyampang dipikia di agak agak > Samo di sigo jo di kuak > Lah nyato jaleh tacelak > Dek kito lah samo tampak > > Di akui ataupun indak > Mancaliak awan ba rarak > Lah nyato hitam bak gagak > Ndak mungkin lai kito ma ilak > > Kalau lah awan manyimpan gabak > Bara bana angin manulak > Nan hujan pasti taserak > Lah nyato kito ka biyak biyak > > Kini tingga di awak > Buliah di jawek buliah indak > Nan paralu kito agak > Nyampang lai kito manyimak > > Antah dek gampo talampau hoyak > Antah lah sudah garik jo garak > Minangkabau lah luluah lantak > Baguncanag adat jo sara’ > > Rumah gadang lah condoang tagak > Surau ndak lai ba urang siak > Balairuang ndak lai tampek barapak > Tapian indak lai sumarak > > Atok tirih lantai lah kupak > Janjang rabah dindiang lah rarak > Lah condoang sadonyo tunggak > Sandi tu bana nan lah barasak > > Tamporo runtuah paga lah rampak > Jalan rimbo labuah basamak > Lah leso ladang jo parak > Lah tandeh “bungo” ta injak injak > > Lah abih tanaman urang anjak > Sawah pusako lah urang bajak > Rimbo lah tandeh urang balak > Sawit pangganti parak cubadak > > Nyampang di tanyo ka niniak mamak > Banyak nan ba si engak > Lah bak cando urang pakak > Antah dek ulah uang piak > > Lah bak cando jaman bagolak > Antaro awak samo awak > Lah samo-samo manaruah syak > Hati di dalam samo badatak > > Ba tuka gantang jo cupak > Dek pandai urang basorak > Indak lai tau galeh lah usak > Dek lah hilang patuik jo agak > > Tadayo ulah dek lagak > Dek asik gilo bajoak > Galombang basangko riak > Lah hilang di lamun ombak > > Abih budi lah rusak akhlak > Ndak ado lai tutua nan bijak > Nan ado silang jo si arak > Baradu santiang baradu bagak > > La heboh ayah jo anak > Laki jo bini lah basisalak > Kamanakan batangka jo mamak > Jo tetangga lah ba siarak > > Dek ulah tanah satumpak > Antaro bateh jo jarak > Panguasa salah mamihak > Akhianyo bacakak banyak > > Lah nyato ladang ba mintalak > Batu supadan nan urang asak > Niniak mamak bapangku tagak > Nadak ado garik jo garak > > Lah salah kito mamiliah lupak > Gadang ogo gadang garegak > Bakaja maleh kareh salak > Ka bangkai capek bakaja anggak > > Lah lia nan dulu jinak > Lah kareh nan dulu lunak > Nan ado gaya jo lagak > Dima kito indak ka libak > > Mamak lah mabuak malagak > Anak baserak serak > Kamanakan lah kanai sipak > Lah heboh jo dunsanak > > Kok dapek pinto jo pintak > Bia satitiek tapi biyak > Pado saboto ruok malimbak > Toloang lah baa jo agak agak. > > Hujan taduah awan takuak > Ombak rado angin basibak > Disinan baru kito tasintak > Tajago sadang lalok lamak > > Di kaniang paluah tapacak > Takana silek sasudah cakak > Lah dakek mangko ka jarak > Lah jauah mangko ka tampak. > > 06112012.Y.Jambak > Mc Adat/MM & Penyiar Radio Pusako Minang Am 972 tgr. > > > > > > > > > > > > > > > > > > > > > > > > > > > > > > > > > > > -- > -- > . > * Posting yg berasal dari Palanta RantauNet, dipublikasikan di tempat lain > wajib mencantumkan sumber: ~dari Palanta R@ntauNet > http://groups.google.com/group/RantauNet/~ > * Isi email, menjadi tanggung jawab pengirim email. > =========================================================== > UNTUK DIPERHATIKAN, melanggar akan dimoderasi: > - DILARANG: > 1. E-mail besar dari 200KB; > 2. E-mail attachment, tawarkan di sini & kirim melalui jalur pribadi; > 3. One Liner. > - Anggota WAJIB mematuhi peraturan serta mengirim biodata! Lihat di: > http://forum.rantaunet.org/showthread.php?tid=1 > - Tulis Nama, Umur & Lokasi disetiap posting > - Hapus footer & seluruh bagian tdk perlu dlm melakukan reply > - Untuk topik/subjek baru buat email baru, tdk mereply email lama & > mengganti subjeknya. > =========================================================== > Berhenti, bergabung kembali, mengubah konfigurasi/setting keanggotaan di: > http://groups.google.com/group/RantauNet/ > > > > -- *Arief Rangkayo Mulia HP : 0813 1600 7756 **Melangkah bersama.... untuk berbagi bersama...* -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
