Uni Rina nan baik,
Salamo bulan November ko kondisi badan ambo memang agak kurang sihaik, dek
panyakik lamo nan ambo idap sajak SMP lalu bangkik baliak karano cuaca nan
memang indak bersahabat dek hujan indak putuih-putuihnyo mambasahi ranah bundo
kanduang. Alhamdulillah, alah 2 hari ko cuaca mulai agak tarang, mambuek badan
ambo lai basumangaik bangkik dari dipan untuak mambukak satu persatu kiriman
surel di palanta RN nan ko nan alah mananti untuak dibaco.
Iyo agak tapurangah ambo mambaco email uni Rina ko, sabab sajak satahun
terakhir - nan ambo tahu - uni adolah salah satu member palanta RN nan taruih
acok mengirimkan kisah-kisah PRRI. Baa kok uni Rina salamah itu bana mudah
kanai hasuang dek salah satu kurenah umum urang minang nan ko ? Kok didaulukan
inyo manyipak, dikudiankan inyo mananduak.
Ambo kiro, rancak taruihkan juolah niek baiak karajo elok mantun. Sabab untuak
mambuek suatu nan elok ko bukan pulo hal nan mudah, sabab indak samudah
mambalikan talapak tangan & indak pulo banyak urang nan kan maawainyo. Talapeh
dari baa pun hasilnyo, ambo kiro, pabilo buku ko alah salasai paliang indak
bisa mambuek urang nan mambaconyo bapikia untuak labiah memberikan perhatian
satantang apo nan disabuik PRRI nan tun.
Ambo kutip sangenek kato pengantar nan ditulih pak Azyumardi Azra dalam buku
karya pak Saaf nan bajudul Masih Ada Harapan.
****
Cerita selanjutnya, mungkin sudah banyak diketahui. Orang-orang Minang
seolah-olah malu dengan identitasnya ; maka para orangtua pun memberikan nama
yang aneh untuk putra putrinya, yang sering si pemberi nama sendiri tak tahu
apa arti nama itu. Maka ada orang Minang yang bernama "Kardinal", "Edward", dan
seterusnya. Nama-nama Islam, atau nama-nama antik Minang seperti "Lenggogeni",
"Andam Dewi" dan semacamnya semakin menghilang dari pasaran. Inilah gejala
psikologis "penyembunyian diri" (self-concealment), yang agaknya merupakan
semacam "escapism".
Inilah psychology of the losers, psikologi pecundang (orang-orang kalah) --
atau istilah dalam buku ini, "defeatism" dan bahkan "fatalis" --yang
kelihatannya terus menghinggapi orang-orang Minang, ya di ranahnya sendiri, ya
di rantau. Diranahnya sendiri, semakin kuat kecenderungan menerima sepenuhnya
apa yang datang dari pusat ; apalagi rezim Orde Baru dengan mesin politiknya
yang begitu perkasa sulit ditolak. Kritisisme orang minang yang konon terkenal
itu tidak muncul, karena dibayang-bayangi pengalaman traumatik di masa dan
pasca PRRI. Yang ada, hanyalah gerutuan, komplain di belakang dan bahkan
diikuti dengan semakin menguatnya gejala "kalau didahulukan manyipak,
dibalakangkan mananduak". Keadaan ini menjadikan semakin sulitnya memimpin
orang-orang Minang.
****
Uni Rina Permadi nan baik,
Pabilo dipulangkan ka diri ambo sendiri, kok hanyo surang urang awak pancimeeh
ingin manjatuahkan semangat ambo untuak bakarajo, ambo hanyo baleh jo galak
sengeang sajo. Sabab kok pancimeeh ko ado sagarubak tundo banyaknyo, ambo
masuakan sajo ratok hati ka dalam kambuik, lalu baok ka tapi batang aia Sinama
di Mudiak Pikumbuah ko, maknyo hanyuik ka lauik sati malalui muaro di Kuala
Tungkal.
wasalam
AZ/lk/34th/caniago
Kubang, sadang di kampuang
________________________________
Dari: Rina Permadi <[email protected]>
Kepada: [email protected]
Dikirim: Jumat, 30 November 2012 9:08
Judul: RE: Bls: [R@ntau-Net] Alihguna Re:Crowd funding? Re: Manulih Cerpen
Basamo? BR PRRI
Assalamu’alaikum Warahmatullah,
Ambo indak tau harus baa manjalehan sacaro pas untuak sadonyo
pihak
Cuman akan ambo cubo tarangan apo adonyo bia transparan
Ambo memang manarimo email tentang kaba baso ide badoncek utk
buku tu jadi bahan galak-galak.
Ambo baleh email tu sbb :
Berarti ado kemajuan dari
proyek ko
Minimal perhatian dari
kalangan mrk yg mancemeehan tu
Walaupun itu negative,
harusnyo jadi panguek di awak nan sato
Bukannyo tanaman nan susah
hiduiknyo susah pulo dicabuik dek akarnyo alah manjala-jala kama2 mancari
kesempatan untuak dapek makan.
Email ko ambo cc-kan ke bbrp orang nan ikuik donasi untuk buku
Ambo bapikiran positif pasti orang2 yang donasi akan ikut
prihatin mandanga kaba ko seperti halnyo ambo.
Sakali laih ambo minta maaf atas ketidak sangajoan ambo tu dan
ambo sangat berharap kalo mungkin iko indak jadi bahan perpecahan diantaro
warga RN nan terlibat.
Setelah samalam ko ambo bapikia-pikia ambo harus pacahkan
komitment ambo jo barek hati untuak sato, ambo manyatokan mundur dari
project ko, buliah indak ado nan tagisia dek ulah ambo laih.
Banyak maaf
Wassalam,
Rina, 35, Batam
--
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet
http://groups.google.com/group/RantauNet/~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://forum.rantaunet.org/showthread.php?tid=1
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
