Manuruik babarapo urang kawan Ambo nan sukses bergerak di bidang bisnis atau galeh-manggaleh, kalau maambiak pekerja/karyawan urang awak, labiah elok pakai sistem BAGI HASIL (Kalau ndak salah Pak Mochtar Naim pernah mengkaji fenomena ko dalam konteks babarapo rumah makan Padang di rantau). Umpamonyo mambukak kadai di Tanah Abang atau Pasa Mambo. Sabalun usaho dimulai, banakan sajo ka karyawan2 kito nan sasamo urang awak tu: 'Iko kadai sakian seonyo sataun, pokok kadai sakian, listrik dll sakian. Kelolalah dek ang/kau, tiok taun kaluakan biaya2 nan disabuik tadi. Ujuangnyo (sisonyo) kito BAGI DUO (samo rato). Kok balabo 50, 25 untuak ang (nan bajariah), 25 untuak den (nan punyo modal). Kok tatangguak di udang, kito samo bagadang; kok tatangguak di ransang, kito samo tauncang (baco: kok balabo kito samo dapek, kok rugi kito sambo buluih). Biaso e jo caro co iko si karyawan2 tun kuaik karajo, tekun, basungguah2. Tabayang dek e, kalau banyak ujuang e tiok tahun, ka banyak pulo masuak kepeng ka dalam saku e. Babarapo kawan ambo bakambang usaho e dek mamakai metode co iko. Si karyawan pueh, si bos pueh pulo. Sabaliaknyo, kalau sistem upah atau gaji per hari/per minggu/per bulan nan dipakai, acok usaho ko gagal. Urang awak ko cadiak (kadang cadiak buruak). Urang awak ko ingin capek berhasil, indak sasaba urang Jawa, misalnyo. Kalau si bos mamakaikan sistem upah, inyo cenderung indak basungguah2 karajo doh. "Manga den basungguah2 bana karajo? Gaji ka sakian juo nyeh nan ka ditarimo tiok hari/minggu/bulan". Acok tajadi: si anak buah mailang sasudah bakarajo babarapo bulan. Kadang2 nyo bao bagai kepeng dalam laci. Tapi kalau urang Jawa atau urang Sunda nan diambiak jadi karyawan, ndak baa doh pakai sistem gaji per hari/minggu/bulan. Kalau urang awak, jan lai. Gadang kamungkinan gagal usaho tu. Takaik jo macetnyo program jawi simmental di Sumpur Kudus, sistem apo kolah nan dibaokan sajak samulo? Ambo indak maikuik'i bana perkembangannyo, sakadar maliek2 dari suduik palanta sajo. Wassalam, Suryadi
-- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
