Assallammualaikum wr wb
Angku, mamak, bundo sarato dunsanak sapalanta nan ambo hormati, Ambo jo babarapo kawan baru sajo pulang bakarajo dari lokasi kandang nan sadang kito persiapkan. Insya Allah dalam 10 hari ko alah rampung untuak dipakai dek jawi tahap I jo tahap II. Lokasinyo ado dari Sawah Tangah, Jorong Limo Koto, Kanagarian Kubang, Kec. Guguak, Kab. 50 Koto. Lokasi tanah untuak kandang ko adolah milik ambo sendiri, sabab ambo ragu kalau hal iko tajadi kendala nan sarupo dikamudian hari akan sabana mangurueh tanago jo pemikiran sahinggo kito harus mencari lokasi nan labiah tajamin labiah daulu sahinggo usaho penggemukan & indukan jawi simmental nan ko dari segi kandang tajamin untuak tahun-tahun nan akan datang. Untuak menjamin operasional pengurusan jawi ka muko, ambo sendiri nan akan maurusnyo lansuang, dek karano itu paliang capek salamo 6 bulan untuak samantaro ambo indak bisa manggarik kama-kama sabab harus stay di lokasi baiak maurus jawi, mananam rumpuik, mamandikan & manjago keamanan malam harinyo sarato seluruh hal nan berkaitan jo usaho penggemukan & indukan jawi simmental tahap I jo tahap II ko. Pabilo kondisi jawi tahap I alah baliak normal & jawi tahap II alah kito masuakan ka kandang, sacaro baransua ambo akan sortir ciek-ciek sia sajo masyarakat di 3 jorong (Limo Koto, Kapoan & Koto Baru) Kanagarian Kubang nan patuik untuak kito pasaduokan baliak jawi ko dengan sistem kelompok & usaho nan intensif sasuai rencana samulo. Untuak itu, ambo menarik diri dari kepemilikan salah satu jawi di tahap I, sabab dana nan ambo punyoi harus dipakai untuak menyiapkan kandang nan ado kini. Untuak itu ambo mintak agar pemilik jawi tahap I jo tahap II untuak saling komunikasi sahinggo bisa baiyo batido untuak itu & usaho ko menjadi usaho basamo nan hasilnyo dibagi sacaro basamo-samo pulo. Laporan nan kini bisa ambo sampaikan, ambo jo kawan-kawan alah 2 hari mangarajokan kandang di Sawah Tongah. Pabilo hal iko ingin dihentikan, akan labiah rancak kalau dalam 1-2 ko diputuihkan sahinggo indak batambah sio-sio karajo nan sadang kito kakok di siko. Untuak koordinasi ka Sumpur Kudus, ambo kiro sabana rancak kalau ado nan lain nan bisa sato pai mendampingi ambo, sahinggo hal iko indak berdasarkan curito dari ambo sajo. Taruih tarang sajo, ambo sabana ragu jo kondisi jawi tahap I nan ado kini, dek iko barang banyawo nan memiliki resiko pabilo tasio-siokan. **** Ado alternatif nan lain, yaitu jawi tahap I tatap dikandangkan di Kanagarian Sumpur Kudus & jawi tahap II segera kito kirim ka Sumpur Kudus. Hanyo sajo, ambo mohon bana diizinkan untuak mundur sebagai penanggungjawab program nan ko. Mungkin sanak Afrinaldi Kampai bisa manggantikan ambo untuak sataruihnyo. Sabab ambo kiro, hal iko tantu labiah rancak kalau ditaruihkan jo urang nan lai mengetahui seluk beluk Kanagarian Sumpur Kudus, sahinggo koordinasi nan ka datang tantu labiah samparono untuak malanjuikan usaho penggemukan & indukan sapi simmental tahap I jo tahap II nan ko. Mungkin itu sajo nan bisa ambo sampaikan, sabab manuruik ambo jawi tahap I harus segera dipindahkan & jawi tahap II indak bisa kito taruihkan pengirimannyo ka Sumpur Kudus. wasalam AZ/lk/34th/caniago Kubang, sadang di kampuang 081275441828 NB : Untuak seluruh kondisi laporan jawi tahap I, alah ambo sampaikan kapado ketua LPM Marapalam pak Afrijon Ponggok & pak Rahyussalim melalui ponsel, nan mano ambo kiro indak patuik dipapakan sacaro rinci pado milis nan ko. Kalaupun diminta, ambo hanyo namuah manjalehkannyo kapado pengurus LPM Marapalam, Inisiator LPM Marapalam & pemilik jawi tahap I & II. -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
