KAYO BALIMPAH Banyak nan kayo balimpah Tiok suduik punyo rumah Tiok kampuang punyo tanah Tiok umpuak punyo sawah
Sedan bakilek oto mewah Manggaleh batoko ateh bawah Tiok datiak pitih batambah Manjua maha mambali murah Tapi hiduiknyo gelisah Siang paniang malam gundah Di kasua lalok bagatah Bakaruah lalok di tanah Bak cando baluik masuak lukah Maju antah kalua susah Lah jadi serba salah Bantuak paruik kanai mag Dapek pulo bini ndak sa ulah Kecek somboang ma ota pongah Urang nyo anggap sampalah Laki lah jadi sapi parah Anak banyak ndak sumanggah Nan gadang ragu nan ketek antah Akhlak bejat iman nyo guyah Ndak surang juo nan tau jo Allah Ajaran agamo nyo bao lengah Tiok di aja ba silengah Tiok disuruah tiok manyanggah Di suruah ka ateh nyo ka bawah Dicaliak pulo urang subalah Hiduik paik serba susah Ka ateh tangguang ka bawah tasimbah Kurang tanago kurang darah Tapi dapek bini nan solehah Elok laku ndak banyak tingkah Mangecek sopan batutua ramah Bakato salalu di bawah bawah Di rumah panuah galak jo garah Hiduik rukun dalam rumah Tawaqal ikhlas dan pasrah Batua-batua Sakinah mawaddah warrahmah Tiok tahun anak batambah Makan jo samba lado kuah Bacampua jo uwok kacambah Tapi tatap hiduik sumringah Ndak surang juo nan pambantah Tekun baraja rajin sikolah Kasadonyo tamat juo tarbiyah Tau agamo rajin ibadah Santano kito ambiak hikmah Ka jadi contoh ganti pituah Diskolah lataknyo Rahmah Dalam ajaran Rasulullah Harato balimpah ruah Kadang lah jadi salah kaprah Kalau di dapek jo caro ndak sah Tabalanjokan di jalan nan salah Walau makan jo siso rimah Kadang jo ayie mato bakuah Karajo mangakeh limbah Tapi karano ridho Allah Mako hasilnyo insyaAllah Nan di dapek manjadi berkah Nan tamakan majadi darah Taraso hiduik tu cerah Bukan pidato bukan caramah Bukan pulo ba pasambah Tapi …mambaco kurang jo tambah Mambaco laku jo kurenah 17122012…Y. Jambak -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
