| Assalamualaikum w.w. Mak Sati jo Angku Azmi Datuk Bagindo, Izinkan ambo manyalo saketek. Kabatulan sawakatu ambo aktif di Komnas HAM, ambo sato manangani thema hak masyarakat hukum adat ko sajak tahun 2004. Dalam kapasitas itulah ambo maadokan macam-macam kagiatan, dan sato mandorong tabiknyo macam-macam buku, nan paliang akhir buku 'Membangun Masa` Depan Minangkabau dari Perspektif Hak Asasi Manusia' nan disabuik dek Angku Azmi Datuk Bagindo tu. Tulisan Angku Bachtiar Abna SH MH Dt Rajo Suleman nan di-posting Angku Azmi Dt Bagindo tu adolah salah satu makalah dalam Semiloka tanggal 19-21 Juni 2007 nan diprakarsai jajaran Komnas HAM, Mahkamah Konstitusi, dan Universitas Andalas. Tantu masih banyak lai makalah lain. Buku Mahkamah Konstitusi tu alah dibagikan kapado saluruah hadirin dan hadirat nan hadir dalam diskusi panel di Jakarta tanggal 10 Desember 2007. Rancaknyo makalah tasabuik dibaco sakaligus jo Kesimpulan supayo kito dapek gambaran nan langkok. Dapek ambo sampaikan bahaso Angku Bachtiar Abna SH MH Dt Rajo Suleman juo sato sabagai pemakalah dalam Diskusi Panel Perang Paderi di Arsip Nasional tanggal 22 Januari nan lalu. Izinkan ambo juo manyampaikan bahaso memang agak gadang beda wacana kalau kito mambahas hukum adat tabateh dan khusus dalam lingkungan sejarah Minangkabau sajo -- nampak dari agak ruwetnyo masalah ABS SBK tantang hukum kekerabatan dan hukum waris, nan kini sadang kito cubo manyalasaikan basamo-samo -- dan kalau hukum adat tu kito kaikkan jo masalah hak asasi manusia sacaro manyaluruah, nan antaro lain manyangkuik upayo malindungi dan mamanuahi hak asasi anak, hak asasi perempuan, hak asasi urang gaek [!]. Wahana hak asasi manusia mamusekkan paratian kapado hak ateh pendidikan, hak ateh kesehatan, dan salapan macam hak lain-lainnyo nan ado dalam Undang-undang Nomor 39 Tahun 1999 sarato undang-undang lainnyo. [ Sekedar catatan, kondisi pendidikan dan kesehatan dari warga masyarakat nagari di Sumatera Barat sabana manyadiahkan, saparati tabukti dari data statistik nan disampaikan dek Wahyu Handoyo dalam Semiloka di Unand tu]. Untuak maso datang, ado baiaknyo kalau salain mamparatikan soal sako dan pusako -- nan memang penting dalam adat Minangkabau -- kito urang Minangkabau, tantu tamasuak dan tautamo para penghulu, mulai mamparatikan sacaro sungguah-sungguah hak asasi anak kamanakan sabagai bagian dari hak asasi manusia sacaro manyaluruah, khususnyo mambahas baa caro pelaksanaannyo dalam kenyataan riil. Dalam hubungan ko, sapanjang nan dapek dek ambo, ambo salalu bausaho maajak tokoh-tokoh masyarakat adat Minangkabau dalam wacana hak asasi manusia ko, baik nan bagarak di lua maupun di dalam kampus, saparati Bp Drs. Amir M.S Dt Manggung nan Sati, Angku Azmi Dt Bagindo, Farhan Dt Bagindo, Asral Dt Putih SH, Bachtiar Abna SH MH Dt Rajo Penghulu, atau Ilhamdi Taufik SH,M.H. Sacaro khusus ambo juo maajak Bp Drs Hasan Basri Durin Dt Rangkayo Mulia Nan Kuniang, mantan Gubernur Sumatera Barat, mantan Ketua LKAAM dan mantan Menteri Agraria/Ketua Badan Pertanahan Nasional, untuak duduak sebagai anggota Dewan Penasehat Sekretariat Nasional Masyarakat Hukum Adat (Seknas MHA) nan lah dilantik di Jakarta tanggal 10 Desember 2007 nan lalu. Kalau para sanak baminat mangikuti pakambangan hak masyarakat hukum adat sacaro nasional, silakan mambuka websitenyo: www.seknasmha.or.id. Ringkasnyo, karano sifatnyo nan khas, iyo agak banyak nan paralu kito karajokan basamo tantang adat dan masyarakat adat Minangkabau, supayo nan elok-elok dari warisan budaya kito ko salain dapek kito paliharo juo bisa kito kambangkan sasuai jo perkembangan wawasan seluruh masyarakat adat se dunia [Tanggal 13 September 2007 nan lalu alah ado Deklarasi PBB Tentang Hak Masyarakat Hukum Adat, talampir dalam buku Mahkamah Konstitusi tu]. Sampai di siko dulu, sakadar tukuak tambah. Talabiah takurang ambo minta maaf. Wassalam, Saafroedin Bahar --- On Sun, 2/10/08, Sjamsir Alam <[EMAIL PROTECTED]> wrote: From: Sjamsir Alam <[EMAIL PROTECTED]> |
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca dan dipahami! Lihat di http://groups.google.com/group/RantauNet/web/peraturan-rantaunet.
- Tuliskan Nama, Umur dan Lokasi anda pada setiap posting.
- Hapus footer dan bagian yang tidak perlu, jika melakukan reply.
- Email attachment, DILARANG!!! Tawarkan kepada yang berminat dan kirim melalui jalur pribadi.
- Anggota yg posting email besar dari >200KB akan dibanned, sampai yg bersangkutan minta maaf & menyampaikan komitmen akan mengikuti peratiran yang berlaku.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahul
-~----------~----~----~----~------~----~------~--~---
