Assalaamu'alaikum wa rahmatullaahi wa barakaatuhu Maagiah namo jalan jo namo urang-urang gadang dari Indonesia, sacaro kasaluruhan alah tapakok sajo sajak sasudah tahun 1967, katiko Soeharto maagiah namo-namo jalan jo pahlawan revolusi (sado korban G30S mandapek jatah, indak musti jenderal pun, sarupo P. Tendean (mantan ajudan Jenderal Nasution, K.S Tubun, namo surang polisi nan korban G30S juo). Nan bukan korban G30S, kabatulan urang Minang adolah Sutan Sjahrir nan dijadian pulo namo jalan di tahun 1967 itu.
Maagiah namo jalan jo namo pahlawan taanti sasudah itu. Muloi jo maninggano Soekarno. Indak ado jalan Soekarno di Jakarta do, sabab ke pahlawanan Soekarno maso itu indak bulek. Ado nan maraso bahaso Soekarno pro PKI, sahinggo indak ditarimo angku Soeharto untuak diabadikan namo baliau ko di namo jalan. Dek Soekarno indak tapakai, nan maningga kudian pado Soekarno pun indak pulo dapek jatah untuak jadi namo jalan. Tamasuak pak Hatta, walaupun baliau ko indak ado masalah politik apo-apo do. Tamasuak pulo misalno Sultan Hamengku BuwanoIX. Baliau ko pahlawan sajak maso perang kemerdekaan, alah jadi wakil presiden bagai pulo. Indak ado namo jalan jo namo baliau do. Baitu juo jo Adam Malik. Bahkan sasudah Soeharto maningga, Soeharto sampai kini alun dapek pangakuan sabagai pahlawan nasional. Indak ado namo jalan Soeharto. Baitu juo jo Abdur Rahman Wahid. Indak atau alun ado juo namo jalan untuak GusDur ko lai do. Nan bukan presiden ado pulo namo Jenderal A.H. Nasution. Kurang apo baliau dibadiangkan jo jenderal-jenderal lain nan namono alah di pakai untuak namo jalan. Jadi nampakno masih banyak urang-urang gadang dari Indonesia ko, indak urang Minang sajo, baiak nan ado masalah ataupun nan indak ado masalah nan diabadikan untuak namo jalan. Kalau urang Minang alun dimasuak-an lai, mungkin dek karano memang iyo talupoan sacaro umum samantaro ko. Wassalamu'alaikum, Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi Lahir : Zulqaidah 1370H, Jatibening - Bekasi ________________________________ -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
