Baru sajo masuak lapau, Kari Garejoh lansuang manyemba surek kaba ‘Singgalang' nan talatak di ateh meja Uwo. Satibo di tampek duduak, surek kaba tu dikambang, dan tibo-tibo matonyo tabulalak.
Kalau kapatang Kari takajuik dek ulah Jam Gadang ditutuik bandera Jerman, kini, inyo takajuik ado guru nan main tangan ka murik-muriknyo. Indak tangguang-tangguang, ampek urang anak muriknyo sakali didaram. Tinju lakek, sipak tarajang lah main pulo. “Baru pangabisan bulan Januari kapatang kajadian bantuak iko, kini lah ado pulo baliak,” runguik Kari. Takajuik Uncu Labai nan duduak di sabalahnyo. “Kajadian apo, Kari? Ado juo nan aneh-aneh di nagari awak? Atau ado juo urang ditangkok rimau?” Tanyo Uncu. “Kini indak ditangkok rimau doh, Ncu, tapi ditangani gurunyo. Ampek urang anak muriknyo ditinju dan disipaknyo. Bisa awak bayangkan, apolah jadinyo anak ketek ditinju sarato ditarajang dek guru nan pangka langannyo sagadang kaki anak sikola tu. Kok dipabiakan, bisa jadi lapek atau jadi galamai anak murik dibueknyo mah,” kecek Kari maagiah tau kajadian nan baru dibaconyo. “Rasonyo nan bantuak iko lah ado pulo kajadiannyo, ndak? Ado guru nan maninju kapalo sikola bulan lapeh?” Kato Uncu baliak. “Justru itu, Ncu. Di nagari awak ko lah paralu ado sikola tinju. Lai banyak guru-guru babakat maaja tinju nampaknyo,” baleh Kari. “Ha...ha...., iyo juo kato ambo dulu, itu guru nan luluih sertifikasi mah!” Sorak Angah Piyan. Samakin bakucantanglah ota di lapau tu pakaro guru nan main tinju sajo ka anak muriknyo. Apolai, dari barita surek kaba ‘Singgalang' nan dibaco Kari tadi, guru tu, indak pernah mampagunokan analisa jo kapalo dingin. Walau mandanga ado kato-kato indak rancak, mustinyo ado caro-caro lain untuak mancari siapo nan mangecek. “Bantuak ndak ado caro lain dek guru tu nampak dek ambo. Itu adolah caro-caro pareman nan indak punyo ilimu mah,” kecek Uncu. “Indak paralu wak bahas bana soal guru tu lai. Lah jaleh mah, guru tu punyo bakat maaja tinju. Sarancaknyo, dibuek se rumah sikola tinju di siko, supayo nagari awak bisa punyo pamain tinju profesional bantuak krisjon tu, ha!” Tacin lah sato pulo mangaluakan pandapek. “Indak itu doh, sarancaknyo urang nan kajadi guru tu ditantukan sajak awal. Umpamonyo maiduik-an baliak sikola guru. Lapeh sikola guru tu, baru masuak pe-ge-es-de atau paguruan tinggi khusus untuak guru sarupo ikip,” kato Mak Pono mangaluakan pandapek. “Panjang bana jalannyo mah, Mak. Ibarat oto tambangan, ambo raso guru-guru nan ado kini paralu pulo di-kir, sahinggo jaleh laik jalan atau indaknyo. Indak cukuik jo sertifikasi sajo doh. Karano sertifikasi ko banyak pulo panyimpangannyo. Untuak itu ado guru nan manyalang sertifikat ka kawannyo untuak difotokopi atau mintak es-ka palasu bagai ka musajik, ka karangtaruna, atau ka organisasi-organisasi nan ado di kampuangnyo,” potong Kari Garejoh. Espe St.Soeleman http://www.hariansinggalang.co.id/palanta.html Nofend St. Mudo [30+] HYPERLINK "http://rankmarola.multiply.com"http://rankmarola.multiply.com No virus found in this outgoing message. Checked by AVG Free Edition. Version: 7.5.516 / Virus Database: 269.20.5/1279 - Release Date: 14/02/2008 18:35 --~--~---------~--~----~------------~-------~--~----~ =============================================================== Website: http://www.rantaunet.org =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca dan dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur dan Lokasi anda pada setiap posting. - Hapus footer dan bagian yang tidak perlu, jika melakukan reply. - Email attachment, DILARANG!!! Tawarkan kepada yang berminat dan kirim melalui jalur pribadi. - Anggota yg posting email besar dari >200KB akan dibanned, sampai yg bersangkutan minta maaf & menyampaikan komitmen akan mengikuti peratiran yang berlaku. =============================================================== Berhenti, kirim email kosong ke: [EMAIL PROTECTED] Webmail Mailing List dan Konfigurasi teima email, lihat di: http://groups.google.com/group/RantauNet/subscribe Dengan terlebih dahul -~----------~----~----~----~------~----~------~--~---
