Hehe...tarimo kasih atas perhatiannyo Mak Ngah...
Terus terang, ambo sendiri kurang memperhatikan hal itu. Jadi ambo sendiri
kurang tahu.
Gambar ko ambo ambiak sajo dari hasil basilanca di mak gugel.
Sabananyo, sajarahnyo poto ko ambo ambo ambiak sbg signature email ambo
adolah untuak mambangkikan nasionalisme diantaro kawan-kawan ditampek
karajo.
Intinyo mode ko :
Ambo adolah sekjen serikat pekerja di tampek karajo ambo.
Ambo adolah ketua team perunding dari serikat pekerja satiok memperjuangkan
hak-hak karyawan (mungkin dek bawaan iko ambo acok bersikap kritis).
Perusahaannyo adolah PMA dari Amerika, tapi induaknyo di Indonesia ko ado
di Singapur.
Manajemennyo hampia saluruhnyo urang pitok tu (chino singapur), philipin,
india, jo malaysia.
Hanyo HR manager dan HOD (head Of Division / masih dibawah manajer) sajo
nan urang Indonesia untuk level staff.
nah, sangaik banyak pelanggaran UU tenaga kerja nan dibuek dek HR sarato
HOD nan urang Indonesia ko, nan mauntuangkan pemilik, tapi manindeh urang
awak (Indonesia).
Keberpihakkannyo (HR jo HOD urang Indonesia ko) ka urang sabangsa surang
sangaik minim, ko ndak bisa disabuik ndak ado, dek karano lah lamak jo
posisinyo nan sanang surang.
Kami manyabuiknyo balando kapalo hitam (makasuiknyo samo jo gubernur urang
indonesia nan digaji dek urang balando untuak manindeh rakyat indonesia
jaman penjajahan) .
Dek karano itulah, ambo ingin manyampaikan pasan tasirek lewat signature
tu, bahwa :
1. Ambo adolah urang indonesia
2. Tanah disiko adolah tanah Indonesia.
3. Hukum nan tagak disiko harus hukum Indonesia.
4. Urang luar nan cipitih disiko, harus menghormati urang Indonesia.
5. Kok bagaknyo disiko, kito siap mati untuak mambela Indonesia
(makasuiknyo buruh Indonesia).
Makonyo ambo cari digugel, dan dapeklah gambar Lambang Negara dan Bendera
kebanggaan kito tu nan sadang bakibar garang.
Ambopun tak mamasang salam pakai bahaso inggrih di akhir email, nan
biasonyo kawan-kawan disiko manulih :
Best Regards,
Ambo ganti jo :
Salam dan terimakasih.
Dan ambolah satu-satunyo nan mamakai salam pakai bahasa indonesia ko di
signature email ambo...hehehe..meski email sampai ka Director/GM tertinggi
sekalipun, tetap ambo pakai.
Ambo ingin manyampaikan, iko Indonesia, inyo harus baraja mamakai bahasa
Indonesia, bukan kito nan mamakai bahasonyo.
Dalam perundingan pun jo Chino singapur tu, kami mamakai bahaso Indonesia,
dengan seorang translator.
Meskipun dalam komunikasi sahari-hari, baik lewat email kantua ataupun
sacaro verbal, tetap banyak pakai bahaso inggrih.
Alhamdulillah, sajak tagak serikat pekerja disiko tahun 2010 lalu, dimano
ambo adolah sekjen partamo, dan kini lah masuak ka periode 3 tahun kaduo,
lah banyak perubahan peningkatan kesejahteraan karyawan buruh Indonesia nan
kami dapekkan.
Perundingan paliang gadang kami buek, akhir tahun 2011 sampai awal tahun
2012 nan lalu.
Kami sampai demo dan mogok karajo 3 hari, sampai datang Kapalo Disnaker
Batam, Kapolresta Barelang (Batam-Rempang-Galang), untuak manjadi
penengahnyo.
Dan kami manang.
Ba-a kok ambo sakareh tu...? apokah ambo karyawan nan bermasalah...? apokah
ambo dari barisan sakit hati..?
Bukan.
Sabalum ado serikat pekerja, sabalum manjadi sekjen serikat, ambo adolah
salah satu karyawan paling berprestasi.
Ambo banyak mendapat penghargaan, mambuek kaizen (improvement), aktif dalam
setiap organisasi komite perusahaan (5S committee, Six Sigma Committee,
FMEA Committee, Safety Committee, EHS Committee, dll). Penilaian tahunan
ambo pun salalu paliang tinggi (exceptional). Kenaikan gaji kadang ambo
tarimo 2 kali satahun. Namun, itu hanyo untuak ambo.
Satalah tau, banyak ditemui masalah, banyak ditemukan pelanggaran UU
ketenaga kerjaan yang ditimpakan ka kawan-kawan nan di posisi karajo
paliang randah. Waktutu ado Bipartit, namun ndak bagigi. Kawan-kawan pun
sepakat mambuek serikat pekerja. Dicarilah pengurusnyo. Waktu tu ndak ado
nan barani maambiak tangguang jawab sebagai sekjen. Masih ingek ambo,
wakatu itu ado seorang engineer nan diminta jadi sekjen, sacara terus
terang mangatokan ndak barani. Takuik diintimidasi. Akhianyo ambo dimintak
jadi sekjen. Ambo pikia, salamo ko boss nan paliang tinggipun sagan ka ambo
dek prestasi ambo. Salain tu, kalau kawan-kawan nan diposisi randah tu
bajuang surang, kemungkinan suaronyo kurang didanga. Ambo satujuilah
permintaan tu.
dan tarnyato, sampai kini lah pemilihan pengurus baru,ambo tetap diminta
jadi sekjen. nampaknyo mungkin sabalum ado nan bersedia, ambo akan jadi
sekjen saumua hiduik disiko.
Efeknyo, iyo ado. Penilaian ambo jadi turun 2 tingkek dari 5 tingkek
kasaluruhan.Kesempatan ambo nan sabananayo lah dapek promosi jabatan, di
hilangkan. Tapi ambolah ikhlas.
Ado raso sanang dan bangga bisa mambela urang nan butuh bantuan. Sosial,
kepedulian, dan raso saling membantu jadi tinggi.
Dan alhamdulillah, meskipun di manajemen namo ambo jatuah, namun
dikawan-kawan, ambo sangaik mandapek kenikmatan hiduik, yaitu kawan nan
sabanyak-banyaknyo. hampia saluruh karyawan nan labiah dari 1000 urang
kenal ambo, meskipun ambo indak hapal mereka sadonyo hehehe..
Jadi kok ado nan manyapo, ko ambo ndak tau namonyo ambo galak sajo.hehe...
Jadi mode tulah kiro-kiro sajarahnyo bendera jo lambang negara kito nan
kito cintoi tu Mak Ngah..
Note :
1. Di thread email lain dimilisko, ado nan manyabuik, serikat pekerja tu
hanyo mauntuangkan pengurusnyo.
Alhamdulillah, dek kami disiko, pengurusnyolah nan paliang marano. dan
alhamdulillah, saketek pun kami ndak ado niaik dihati ko ka manarimo
sogokan, suap, dsb. Doktrin kami jaleh. Untuk kesejahteraan anggota. Bahkan
saat demo UMK 2012 (akhir 2011), 2 urang pimpinan cabang kami ditembak dek
polisi,nan baakibaik rusuah gadang di Batam tahun 2011 akhir, sampai
mangadu ka DPR di jakarta,
Memang ado serikat pekerja lain nan mode tu nan acok kami danga. Salah
satunyo di tampek karajo kakak ambo di perusahaan lain.
Namun itu jenisnyo serikat nan lain, nan indak samo jo jenis serikat ambo.
Katonyo disinan, malah pengurusnyo sato jo manajemen manindeh urang awak.
Nauzubillah..
2. Sekedar curhat tambahan, ambo juo sabagai ketua IKM (Ikatan Keluarga
Minang) di tampek karajo ambo, nan anggotanyo labiah 100 urang, namun kini
sadang angek-angek cik ayam, karano mungkin memang sipaik urang awak, susah
bana untuak dikumpuakan. Terakhir ado pertemuan, nan hadir cuma 5 sampai 10
urang.
Talabiah jo takurang, ambo minta maaf.
*Salam dan Terima Kasih,*
*Dedi Suryadi*
_____________________________________________________________________________
***** Sukses Seringkali Datang Pada Mereka Yang
Berani Bertindak Dan *****
******Jarang Menghampiri Penakut Yang Tidak Berani Mengambil
Konsekuensi (Jawaharlal Nehru**)* *****
------------------------------------------------------------------------------------------------------------------------------------------------------------------------------------
"The Best Human Being Among of You is The Most Beneficial for The
Others" (Hadith by Bukhari)
---------------------------------------------------------------------------------------------------------------------------------------
****...."Kasihilah Yang Di Bumi, Maka Yang Di Langit Akan Mengasihimu...
".....*****
"Love What On Earth, Then What On Sky Will Love You ..."
Pada 7 Mei 2013 18.37, Sjamsir Sjarif <[email protected]> menulis:
> *Salam dan Terima Kasih,*
> *Dedi Suryadi*
>
>
>
> Tiok di bawah postiang Angku Dedi tampak kibaran bandea.
> Nan tando tanyo, gambar apo tu kapalo bandera nan saroman talua tu?
> Tampaknyo di dalam saroman belalai gajah atau lain-lain nan tasumbua?
>
> -- MakNgah
>
> --
> .
> * Posting yg berasal dari Palanta RantauNet, dipublikasikan di tempat lain
> wajib mencantumkan sumber: ~dari Palanta R@ntauNet~
> * Isi email, menjadi tanggung jawab pengirim email.
> ===========================================================
> UNTUK DIPERHATIKAN, melanggar akan dimoderasi:
> - DILARANG:
> 1. E-mail besar dari 200KB;
> 2. E-mail attachment, tawarkan & kirim melalui jalur pribadi;
> 3. One Liner.
> - Anggota WAJIB mematuhi peraturan serta mengirim biodata! Lihat di:
> http://rantaunet.wordpress.com/2011/01/01/tata-tertib-adat-salingka-palanta-rntaunet/
> - Tulis Nama, Umur & Lokasi disetiap posting
> - Hapus footer & seluruh bagian tdk perlu dlm melakukan reply
> - Untuk topik/subjek baru buat email baru, tdk mereply email lama &
> mengganti subjeknya.
> ===========================================================
> Berhenti, bergabung kembali, mengubah konfigurasi/setting keanggotaan di:
> http://groups.google.com/group/RantauNet/
> ---
> Anda menerima pesan ini karena Anda berlangganan grup "RantauNet" dari
> Grup Google.
> Untuk berhenti berlangganan dan berhenti menerima email dari grup ini,
> kirim email ke rantaunet+berhenti [email protected] .
> Untuk opsi lainnya, kunjungi https://groups.google.com/groups/opt_out.
>
>
>
--
.
* Posting yg berasal dari Palanta RantauNet, dipublikasikan di tempat lain
wajib mencantumkan sumber: ~dari Palanta R@ntauNet~
* Isi email, menjadi tanggung jawab pengirim email.
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://rantaunet.wordpress.com/2011/01/01/tata-tertib-adat-salingka-palanta-rntaunet/
- Tulis Nama, Umur & Lokasi disetiap posting
- Hapus footer & seluruh bagian tdk perlu dlm melakukan reply
- Untuk topik/subjek baru buat email baru, tdk mereply email lama & mengganti
subjeknya.
===========================================================
Berhenti, bergabung kembali, mengubah konfigurasi/setting keanggotaan di:
http://groups.google.com/group/RantauNet/
---
Anda menerima pesan ini karena Anda berlangganan grup "RantauNet" dari Grup
Google.
Untuk berhenti berlangganan dan berhenti menerima email dari grup ini, kirim
email ke rantaunet+berhenti [email protected] .
Untuk opsi lainnya, kunjungi https://groups.google.com/groups/opt_out.
