Assalamu Alaikum W. W.
Kok pakaro dukun2 yo banyak di Indonesia koh malah di Cino pun banyak juo dan
namonyo Shense. Sabatuanyo Dokter kan Dukun juo kan maubek urang sakik.
Bagaimanapun caronyo ado dengan kejiwaan ado dengan muluik maninhnyo.
Kalau ambo indak salah (IMHP) nan dimukasuik sanak2 dengan perdukunan koh
yolah sihir atau kecek rang baratnyo Black Magic. Ado 2 pulo macamnyo nan elok2
sarupo mauruik ayam lalu mambayangkan mauruik urang nan patah keceknyo urang
nan sadang dibayangkan diuruik tu tapakiak2 dek kasakitan. Lalu mancari barang
hilang kok kahilangan ado pulo tu.Sudah tu manahan hujan kalau ka baralek.
Mungkin banyak lai nan lain.
Tapi nan shir nan buruak2 tu kan lah ado juo dulu dizaman nabi Musa. Urang
bisa mambuek tinggam jo tuju lalu ditambah jo biriang nan indak angga2nyo.
Kalau nan macam iko di Jawa namonyo santet dan acok di Jawa dibunuah baramai2.
Rasonyo kapandaian buruak nan macam iko yo harus diberantas bertentangan dengan
ABSSBK. Mambuek anak gadih sijundai kalau nyo indak namuah jo urang nan
mambuekkannyo tu. Banyak lai kapandaian buruak2 tu nan harus diberantas tapi
banyak pulo nan indak talok dek dokter sarupo patah tulang ado tukang uruiknyo.
Ado nan banamo pakasiah dan ado pulo nan namonyo kabonci. Tapi kecek urang
pakasiah indak baramuan yolah muluik manih baitu juo kabonci indak baramuan
yolah muluik nan kasa.
Sakian dulu nan takana dek ambo nan sadang dirantau jauah ko.
Wassalam
Hayatun Nismah Rumzy (69++)
"Dr.Saafroedin BAHAR" <[EMAIL PROTECTED]> wrote:
Waalaikumsalam w.w. Sanak lembang Alam dan para sanak sa palanta,
Alah batambah lanjuik juo pangajian kito tantang masalah perdukunan ko komah.
Alah mulai nampak bedo ma nan kiro-kiro buliah dan ma nan indak. Kok ado
pangalaman para sanak lain nan sarupo dan ingin batuka pangalaman, silakan
dikirim.
Baa rumusan nanti, kito picayokan ka nan labiah ahli [ tugas ambo sakadar
mangumpuakan masalah dan maagiah nomor registrasi DIM sajo, kalau bisa
mancubo-cubo mambuek konsep awal, dek disuruah Mak Sati di Tabiang].
Ambo tunggu posting Sanak nan salanjuiknyo tu.
Wassalam,
Saafroedin Bahar
(L, 70+6+12, Jakarta)
'Ya Allah, tunjukilah selalu aku jalan yang lurus dan Engkau ridhoi'
'Sebaik-baik manusia adalah yang bermanfaat bagi manusia lainnya'
'Taqdir di tangan Allah swt, Nasib di tangan Manusia'
'Puji syukur aku sampaikan pada-Mu ya Allah, atas segala rahmat dan nikmat
yang telah Engkau anugerahkan kepada aku dan keluargaku'.
'Mari berlomba berbuat kebaikan'
'Setiap manusia adalah baik, sampai terbukti sebaliknya'
'Jangan pernah berhutang dan jangan mudah berpiutang'
--- On Fri, 2/22/08, Muhammad Dafiq Saib <[EMAIL PROTECTED]> wrote:
From: Muhammad Dafiq Saib <[EMAIL PROTECTED]>
Subject: [EMAIL PROTECTED] Re: DIM 17 (?) Perdukunan dan Ramalan di Masyarakat
Minang
To: [email protected]
Date: Friday, February 22, 2008, 9:15 PM
Assalaamu'alaikum wa rahmatullaahi wa barakaatuhu
Pak Saaf sarato dunsanak sa palanta nan adangadok,
Nak sato pulolah ambo ciek. Kalau manuruik pandapek ambo musti dijalehan bana
mukasuik dari tiok-tiok istilah tu. Dukun nan dimukasuik nan sarupo jo tabib,
jo sinse di urang Cino, atau apo sajolah istilahno, asa lai jo ilimu no
maubek-i urang, dan ilimu nan bukan sihir, bukan pulo jo parantaroan mukhaluak
nan indak nampak, kalau manuruik ambo indak jadi masalah do. Walaupun ubekno
mungkin hanyo ayia putiah nan didoakan sacaro jaleh, doa kapado Allah Ta'ala,
bukan jampi-jampi, ambo yakin nan sarupo itu indak baa. Tamasuak nan kini awak
kenal jo istilah ahli pengobatan alternatif.
Nan ikopun ado pulo macam-macamno.
Ambo panah barubek ka angku Nurul Iman, (tabib Un, bahkan kini mamakai gala
Professor Un, antah sia nan maagiah gala). Tamasuak nan sihaik dari panyakikno
(kanker utak) adolah bang Imaduddin, mantan dosen ITB. Sajauah nan ambo amati
angku Nurul Iman alias Un ko (urang Bukik Cangang Bukiktinggi) memang mampunyoi
kaahlian baiak dari ramu-ramuan ubek nan umumno tabuek dari ayia rabusan akar
atau daun kayu disamping kaahlian prana jano namono. Masuak di aka ambo, picayo
ambo bahaso urang ko punyo kaahlian walaupun ano bukan dokter.
Tapi ado pulo urang nan ahli pangobatan alternatif ko nan pandai mamindahan
panyakik urang (manusia) ka hewan taranak sarupo kambiang. Walaupun banyak pulo
nan mangaku sehaik diubek-i urang pandai sarupoko, nan ambo iyo kurang yakin.
Ado kakhawatiran ambo bahaso caro pangobatanno mampagunoan mukhaluk lain nan
indak nampak, kecek-anlah sabangso jin.
Dunsanak ambo saapak nan kini lah almarhum pai pulo barubek ka Sukabumi. Di
badahno pulo dek urang 'pintar' disinan. Dikaluanno pulo panyakik dari dalam
paruikno jo tangan talanjang. Mangaku pulo kaambo bahaso sagalono itu nampak
nyato di no. Jadi agak mirip jo pangalaman pak Saaf. Nan ikopun ambo kurang
yakin. Sabab nan namono bagian tubuah awakko alah ado sunatullah no. Di saik
lukono. Dan lukoko biasono indak bisa cegak tanpa babakeh dalam tempo babarapo
minik atau datiak sajo. Itu nan indak picayo ambo. Raso-rasono ado pamainan
silap mato disinan nan indak tajangkau di awak nan awam.
Nan jadi kaji mulo-mulo, adokoh urang awak nan pandai badukun ko? Ambo yakin
dan tau bana bahaso iyo ado. Ado nan pai 'batarak' batapo sakian puluah hari
untuak manjapuik ilimu. Ado pulo nampak diambo nan iyo sabana santiang ilimuno,
sarupo pandai mangarajoan karajo-karajo nan indak dapek urang biaso
mangarajoan. Panah ambo mambaco ado ciek nagari dimaa batang karambia habih
mati pucuak. Konon kabano, batang karambia tu jadi korban mancubo ilimu.
Ilimu sarupo iko yakin bana ambo jauah dari Syarak, jauah dari Kitabullah.
Itu sajolah katambahno pak Saaf.
Ambo aliah kaji saketek, dek biasono ambo manyampaian pandapek, nan
bahubuangan jo arato dalam adaik di nagari awak, ado carito nan alah panah pulo
ambo posting, judulno 'Harta Tergadai', ado di Blog ambo. Atau kalau paralu
bisa juo ambo posting ulang. Sudah itu biko ado babarapo masalah nan alah
sadang tajadi pulo nampak di ambo satantangan arato di kalangan urang awak nan
tingga di kampuang. Nanti-nantilah ambo katangahan pulo.
Wassalamu'alaikum,
Lembang Alam
----- Original Message ----
From: Dr.Saafroedin BAHAR <[EMAIL PROTECTED]>
To: [email protected]
Sent: Friday, February 22, 2008 12:11:56 PM
Subject: [EMAIL PROTECTED] Re: DIM 17 (?) Perdukunan dan Ramalan di Masyarakat
Minang
Waalaikumsalam w.w. Sanak Lembang Alam,
Jadi baa hukumnyo perdukunan ko manuruik ABS SBK ? Kini kan banyak bana urang
pai ka 'pengobatan alternatif'' . Wakatu para dokter jantuang di Rumah Sakit
Harapan Kita Jakarta alah angkek tangan mancaliak kaadaan jantuang ambo -- nan
sabana parah -- duo kali ambo pai ka dukun, baik di dakek Kalibata di Jakarta,
maupun di Sidoardjo, Jawa Timur, diangkuik dek minantu ambo, urang Surabaya,
nan juo dokter.
---------------------------------
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di:
https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
