"LIMO KAWAN DEN" Limo kawan den ka jadi carito
Nan macam-macam parangainyo Indak nan elok ciek juo Kalau ndak tau jo caronyo Contoh ka suri ka tuladan Nan ka di ubah ka di pa elok an Nan ka di campak ka di buangkan Kasadonyo jadi pidoman Tapi....kok lai bapandai-pandai Kok lai amuah bilai mambilai Jauah dari muak jo pasai Tantu sadonyo ka salasai Partamu namo si KUTAR KUrang TARatik KUrang AjaR Jo urang lain kurang sadar Dakek somboang jauah sabar Jauah sopan jo taratik Parangai mantiko cirik Suko mancari ilik-ilik Dima hati urang nak sakik Kaduo namo si MUNCANG MUNcuang Cipeh Aka kurANG Suko bana bakaruak arang Pantang di lawan jo di solang Gilo ma asuang jo pitanah Pandai manukuak manambah-nambah Baa nan ratak nak nyo pacah Urang lah heboh jo malengah Katigo namo SI MURKASI SIfat bak MURai KASIangan Carito lamo kaba lah basi Itu juo nan nyo sampaikan Bapikie capek ba buek lambek Acok salah banyak sasek Urang lah tibo di darek Nyo masih gilo jo pukek Ka ampek namo si ROMANTIS ROkok MAkaN selalu graTIS Sapatu bakilek pakaian necis Abuak basega muko klimis Gilo marayu jando jo gadis Ota kalangik janjinyo manis Bahaso santun dan puitis Ujuang-ujuangnyo pinjam pitis Ka limo namo si PARMAN PAgaR Makan tanamAN Ndak piduli kawan jo teman Nan paralu niat kasampaian Mangguntiang dalam lipatan Manuhuak kawan sa iriang Di muko angguak balabiahan Di balakang awaknyo saliang.. Limo ko lah tabiat kawan Dalam kahidupan sahari-hari Nan sulik di pisah di bedakan Kalau kito ndak hati-hati Namun dibaliak kasadonyo Babagai sifat jo tabiat Talatak sesuatu pado tampeknyo Insyaallah ba manfaat Ibarat tukang di minangkabau Ba pantang mambuang bahan Ukua jo jangko kok talampau Manjadi ukie di ateh papan. Tambahkan nan lain dek dunsanak Sapanjang ado nan tampak Nak samo-samo kito bukak Buang buruak ambiek nan rancak. 26062013..Y.Jambak. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
