Mak St Lembang Alam sarato sanak di palanta yang ambo hormati.
Mohon maaf sabalunno ambo masih dalam kesibukan dan alun dapek menanggapi
banyak pandangan salamo nan ko. Teriring tribut dan doa dipanjatkan untuak
almarhum ChNL. Dt. Bagindo, semoga Allah menerima beliau di tampek nan
sebaik-baikno; dan kapado keluarga nan ditinggalkan dapek hendaknyo sabar dan
tabah. Ambo alun pernah basobok, namun di milis ko rasono banyak pandangan dan
tanggapan beliau nan ditujukan kapado ambo pribadi, dan ambo tarimo sabagai
sitawa sidingin. Mudah-mudahan ilmu-amal beliau dapek meringankan langkah
menghadap Khalik.
Dari paparan angku ambo mandapek pelajaran bilo nasab itu terkait dengan
asal-usul seseorang, nan dapek jatuah hukum syarak dalam kondisi tertentu.
Misalno dalam perkawinan disabuikkan anu binti fulan, dst; nan ambo masih
mencari tahu untuak kondisi nan lain. Kalau waris/faraidl ambo raso indak
berdasarkan nasab, karono alah jaleh disabuikkan urang dan hubunganno.
Kebanggaan terhadap leluhur adolah alamiah atau fenomena, karono disabuikkan
dalam surah 2:200. Jadi indak kabaa awak mancaritokan kebaikan leluhur awak,
asal jaan labiah dari bazikir kapado Allah.
Dari buku Tuanku Rao ambo mandapek pelajaran pulo, bilo nasab itu berhubungan
dengan 'tampek' asal-usul urang itu. Jadi untuak urang Batak disabuikkan, misal
marga Lubis daulu datang dari Toba nan kudian marantau ke Tapanuli Selatan;
Nasution dari urang Bugih nan tingga di pasisia, baitu sataruihnyo. Jadi marga
bagi urang Batak tidak sajo manunjuakkan suku, tapi juo asal kadatangannyo.
Kalau di awak, Tambo Alam mancaritokan pulo awal kedatangan dan penyebaran
urang Minang itu. Bamulo dari nagari Pariangan kudian menyebar melalui babarapo
jalan ka berbagai penjuru. Dari buku Dt Sidi Bandaro misalno disabuikkan ado 6
rombongan dan perjalanan nan babedo. Urang-urang ikolah nan mambantuak suku,
untuk kudian kawik-bakawik. Nagari bakaampek suku, dalam suku babuah paruik,
kampuang nan batuo, rumah batungganai. Jadi suku di awak sabananyo manunjuakkan
asal-usul geografis. Daulu pernah ambo sampaikan di milis RGM untuak suku
Tanjuang.
Ambo masih ghaib apokoh iko paretongan awak dengan 'istilah nasab', lai
sasuai dengan mukasuik sanak-sanak awak di Arab? Sakitu daulu nan ambo
sampaikan, mohon maorak selo nak pai lai ka sawah.
Wassalam,
-datuk endang
Muhammad Dafiq Saib <[EMAIL PROTECTED]> wrote:
Assalaamu'alaikum wa rahmatullaahi wa barakaatuhu
Firman Allah dalam surek Al Ahzab (33) ayat 40, nan aratino; 'Muhammad
bukanlah bapak salah seorang pria di antara kamu, tetapi dia Rasul Allah dan
penutup para nabi. Dan Allah Maha Mengetahui segala sesuatu.'
Manuruik riwayat, Zaid nan adolah surang tawanan nan dijadikan budak, kudian
diangkek anak oleh Rasulullah. Sangat bana sayang Rasulullah ka Zaid, sampai
baliau maumumkan bahaso Zaid baliau 'namoi' jo Zaid bin Muhammad. Mako turunlah
ayat di ateh. Manegor Rasulullah SAw agar indak manasabkan Zaid kapado baliau.
Dicarilah asa usua Zaid, karano awakno adolah tawanan (menurut riwayat lain
diculik), nan tanyato masih basuo sia ayahno. Namo ayah Zaid adolah Haritsah.
Mako sajak itu Zaid diumumkan baliak, di peloki indak jadi Zaid bin Muhammad
tapi Zaid bin Haritsah. Bahkan katiko dipasuoan jo ayah kanduangno, kudian dek
Rasulullah disuruah mamiliah, kabaliak ka ayahno, bebas bukan musti ditabuih,
atau ka tatap tingga jo Rasulullah, Zaid mamiliah tingga. Zaid bin Haritsah
adolah salah surang sahabat Rasulullah nan takamuko.
Adokah urang nan iyo bana banasab ka ibu?
Ado, yoitu Nabi Isa. Isa Almasih ibnu Maryam. Sabab baliau indak punyo ayah
dek bak itu katantuan Allah.
Sudah itu?
Anak-anak nan lahia dari buah perzinahan. Anak-anak ko nan tatap fitrah
dihadapan Allah, indak buliah dinasabkan ka ayah biologisno, hatta sekalipun
ayah biologisno ko manikahi ibu nan malahiakanno.
Jadi apo makna sarato kaparaluan dari nasab kalau baitu? Untuak manjago
kasucian katurunan. Manjago bahaso si Fulan iyobana anak kanduang sah dari si
Fulanto. Manjago bahaso si Muhammad Dafiq iyo bana anak sah dari surang urang
laki-laki nan banamo Saib. Labiah rancak pulo lai dikatahui, bahaso Saib adolah
sah dari surang laki-laki nan banamo Ismail. Ismail anak laki-laki dari urang
laki-laki nan banamo.... sataruihno.
Nasab paralo untuak urusan warih. Kok baarato pak Saib, katiko no maningga
mako dibagi-bagi paninggalanno untuak anak-anakno, untuak apak jo amakno. Jo
pambagian nan alah diatur dek syarak (surek An Nisak 7, 8, 9, 10, 11).
Baa di urang Minang, sasuai jo ABS SBK no?
Urang Minang mambagi arato manjadi pusako randah jo pusako tinggi. nan pusako
randah adolah asia paluah sandiri, nan dari usao sandiri. Iko dibagi sacaro
syarak. Ado pulo arato pusako tinggi, nan talanjua alah rumik mambagino sajak
sunduik basunduik dek memang iyo malalui jalur padusi. Baulang-ulang ambo
manyampaian, sarik di awak kini ka manukai caro pambagian tu sabab banyak kaik
bakaik kaateh. Sacaro matematika mungkin iyo bisa, dikumpuaan ranji, di cari
baliak silsilah sacaro garih ibu tu kaateh untuak mambagi arato pusako tinggi
nan adolah sawah gadang satampang banyiah sarato rumah gadang jo parak
disakililiangno. Nomor satu, nan sawah, talapeh dari sangkuik basangkuik dalam
sistim kakaluargaan malalui garih padusi nan sangaik panjang, mungkin agak ado
aratino walau ka tingga sapuluah benggo surang saandaino memang iyo dibagi ka
saganok ahli warih sajak dari nenek dari nenek dari nenek dari nenek. Lalu nan
rumah gadang jo parak salingka rumah, nan kok dimeteri caro
urang di kota mungkin indak ka sampai saribu meter, samantaro jumlah anggota
nan ka manarimo mungkin ado saratuih urang pulo. Apo aratino rumah gadang jo
parak tu lai kalau di pagudia sarupo itu? Samantaro, anggota nan saratuih ko
mungkin alah ikhlas sajo pulo mampabiyaan rumah gadang tu tagak di sinan, ka
dicaliak sakali samusin, ka didatangi palapehan taragak.
Disinanlah sulikno. Namun, sakali lai, kok leh lai nan alah sabana mancubo
mangarajoan, mambagi arato pusako tinggi tu sacaro syarak, cubo pulolah agiahan
contoh.
Pokok uraian awak mulo-mulo pakaro nasab. Jadi indak ado urang Minang satau
ambo nan banasab jo garih ibu do.
Wassalamu'alaikum
Lembang Alam
----- Original Message ----
From: bagindochaniago <[EMAIL PROTECTED]>
To: RantauNet <[email protected]>
Sent: Thursday, February 28, 2008 12:08:16 AM
Subject: [EMAIL PROTECTED] Re: NASAB
Bissmilahirahmanirahim,..
Assalamu'alaikum warahmatullahi wabarokatuh, Bapak Lembang Alam
Alhamdulillah, apa yang apak tuliskan itu benar dan saya mengerti
tentang itu, hanya saja pengertian bernasab tidak hanya sebatas itu
saja, mari kita perhatikan dibawah ini ;
Diriwayatkan dari Abu Hurairah, rasulullah saw bersabda :
"Pelajarilah silsilah nasab kalian agar kalian mengenali hubungan
pertalian darah diantara kalian, sebab menyambung pertalian darah
dapat menambah kasih sayang dalam keluarga, menambah rizqi, dan dapat
menambah usia."
Berkata Umar bin Khattab :
"Pelajarilah silsilah nasab kalian, janganlah seperti kaum Nabat hitam
yang jika salah satu di antara mereka ditanya dari mana asalnya, maka
ia berkata dari desa ini."
Imam al-Halimi berkata :
"hadits-hadits tersebut menjelaskan tentang arti pertalian nasab
seseorang sampai kepada leluhurnya, dan apa yang dikatakan Nabi
Muhammad saw tentang nasab tersebut bukanlah suatu kesombongan atau
kecongkakan, sebaliknya hal tersebut dimaksudkan untuk mengetahui
kedudukan dan martabat mereka."
Dapat kita simpulkan bahwa, Nasab adalah silsilah hubungan pertalian
darah dari garis keturunan laki-laki/ayah (patrilinial) dalam satu
suku, dimana anaknya harus mengambil suku dari ayahnya.
Contoh : umar alwi assegaf; umar adalah nama diri, alwi ayahnya,
assegaf sukunya (fam). Perkawinan umar alwi assegaf dengan ulfa ali
assegaf dan siti hasan alhabsy membuahkan anak maka anaknya; Gures
umar assegaf, abdullah umar assegaf dan Fathira umar assegaf. inilah
yang tidak ada pada orang minang.
Sedangkan di minang, silsilah dibuat dari garis keturunan ibu
(matrilinial) yang berkembang bagian dari anak perempuan saja sampai
keanak cucu dalam satu suku. Jadi selama ini kita mengakui bernasab
tapi tidak bersisilah hubungan pertalian darah darah dari garis
keturunan laki-laki/ayah (patrilinial) dalam satu suku, dimana anaknya
harus mengambil suku dari ayahnya. Artinya kita mamahami Ilmu Nasab
masih setengah-setengah, inilah yang membuat kerancuan dengan
mengunakan sistem gado-gado.
Setahu saya pemakaian nasab hanya dimaksud pada pemakaian ketika
menikah atau yang lainnya, contoh panji bin Yamin atau pretty binti
Yamin. Untuk keturunan suku dari ayah tidak berlaku begitu juga dalam
silsilah, karena suku yang pakai dari garis keturunan ibu atau suku
ibu begitu juga silsilah.
Alhamdulillah, saya merobah dimulai dari diri saya sendiri dan berikut
keseterusnya kepada anak-anak saya mengunakan sistem patrilinial,
karena saya mengambil itibar bahwa seluruh umat islam di dunia ini
mengunakan sistem patrilinial, karena ada pepatah nan mangatokan ;
mancalik contoh kanan sudah, mancalik tuah kanan manang.
Demikian sekiranya harap maklum atas keterbatasan dan mohon maaf atas
kesalahan saya, kepada Allah saya mohon Ampun.
Dan katakanlah : " Yang benar telah datang dan yang bathil telah
lenyap " . Sesungguhnya yang bathil itu adalah sesuatu yang pasti
lenyap .[Q.S, Al-Isra 17:81 ]
Wassalamu'alaikum warahmatullahi wabarokatuh,
Muhammad Yamin Bagindo Chaniago (45), Palembang
"Lihatlah apa yang disampaikannya, dan janganlah lihat siapa yang
menyampaikannya"
---------------------------------
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di:
https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
