Assalaamu'alaikum. w.w. Maa nyo bung Akmal, encik ZulTan, dinda JP (ambo lah 54 dinda dan alah pernah pulo ambo jawek tanyo bung Akmal sabalun tu tantang umua ko, tapi indak biaso manulihan taruih di akhir posting, semoga dinda maklun se kami nan lah gaek ko), jo dunsanak kasadonyo nan dihormati. Dalam hal ko, disikolah latak bedanyo urang nan lah mulai gaek jo nan mudo. Encik MM ko kalau ndak salah saumua jo ambo, lah mulai gaek. Urang gaek ko bapikia detail tu lah mulai barek. Babeda jo bung Akmal nan mudo dan masih basumangaik tinggi. Ambopun dulu bantuak itu, tapi dalam ukatu sataun sajo raso badan ko lah ndak talok lai (sarupo nan dinda JP caliak pengajian ramadhan lah ndak tatulihan lai dek karajo banyak, padahal dulu banyak juo, dan untuang ado rasonyo nan kamanggantikan sarupo bung Akmal dan lainnyo). Jadi dek itu, kok ditanyo ka bung MM ado salah atau indak, nan urang gaek ko mangecekkan indak ado salah do. Dek aa ?, dek karano lah bapikia sacaro global bukan detail, sahinggo mudah bagi nan mudo mamatahkan argumennyo, tapi jan dikecekkan pulo urang gaek ko karengkang, suko bakaruak arang. Nan sabananyo kemampuan bapikia detail tu lah manurun jauah. Itu sababnyo banyak urang nan mangecekkan professor linglung, presiden atau kapalo negara nan lah gaek lah barek bapikia detail, sahinggo kalau salah mamiliah pembantu- pembantunyo, mako alamaik akan hancua negara. Nan ambo tahu nan pandai bapikia detail di maso tuonyo hanyalah Rasulullaah saw dan khulafa ur rasyidiin, dek itu mako disabuik ummat terbaik dalam Qur-an. Takah ambo, kini ambo sadang di Jakarta, di Pamulang sajak tanggal 7 agus, di Pondok Benda indah jalan benda raya, blok V/6. Dari KL ambo ka Padang maantakan urang rumah ka kampuang nyo sudah tu taruih ka Jakarta dek amak ambo nan alah 89 tahun barado di Jakarta. Banyak rencana nan disusun untuak malakukan tour di Jakarta ko, jo pitih nan ado ka pai basilaturrahmi jo teksi ka pak Saaf, pak Asmardi arbi, sudah tu ka cibubur ka bung Akmal, taruih ka encik Zultan dan encik MM dan lain-lainnyo. Tapi dek lah gaek lah lupo se jo detail rencana ko. Aaa lai, Ari lah abih jo dunsanak surang (anak jo kamanakan nan banyak), dan pitih lah abih pulo. Baa lai ?, kini urang lah masuak karajo duo hari, bisuak pukua 17.50 ambo Insya Allah jo Citilink lah ka Padang pulo baliak, ba-ari rayo nan alah abih ko jo urang rumah di kampuang. Ikolah nan urang gaek, dan jawaban encik MM nan takah itu, jikok ditanyo ka ambo, ambo manjawek nan samo, sudah tu ujuangnyo mambanakan nan mudo-mudo. Baitu. Salamaik hari rayo mohon maaf lahir dan batin. Wassalam St. Sinaro
________________________________ From: Akmal Nasery Basral <[email protected]> To: "[email protected]" <[email protected]> Sent: Monday, 12 August 2013 2:06 PM Subject: Re: [R@ntau-Net] KELEBIHAN DAN KEANEHAN BAHASA MINANG Ikut hehehe pulo saketek ... baalah Mamando ambo ko nan konon penyair kondang sahabaik Japi (Jabal Anak Perang Imanuel) Tambayong a.k.a Remy Silado, bisa manulih "indak ado ciek juo kiadah (sic!) tulih manulih di alam maya nan ambo langga". Kalau "ber + uang" ditulih jadi "beruang" dan urang jadi sasek mangaratikan jo namo binatang, tantu indak ado nan salah sacaro gramatik pado kato "beruang" nan "bapitih" tu. Tapi kalau "tabu + wa'ang" ditulih jadi "tabuang" nan indak paranah dilakukan sejak jaman Nur St. Iskandar sampai kini era Gus tf, kecuali dalam sebutan baso lisan, aa namonyo kalau indak melangga kaidah tulih manulih, Mak MM***? Atau jangan-jangan iko semiotika posmo dalam baso Minang? :)) Wassalam, ANB 45, Cibubur Pada Senin, 12 Agustus 2013, Muchwardi Muchtar menulis: He he....., karano nan ditulih Kamanakanda ANB adolah >dialog imajinatif, ambo bakomentar pendek sajo : "Young >brother, please....! Indak ado ciek juo kiadah tulih >manulih di alam maya nan ambo langga. Jadi, maaf. >No reaction for mm". >Soal puaso anam (Syawal) baru hari nan kaduo ambo lakukan, >Kmnd ANB. >He he hee... > > >Salam........................, >mm*** -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
