Ambo yakin, pendidikan alternatif satu jalannyo pak, salah satu nan pantiang itu adolah pendidikan ABS-SBK nan apak dorong taruih itu. Pengalaman ambo paralu ado perbaikan materi saketek untuak topik nan banamo mancilok ko, contoh nan ambo tarimo dulu, indak buliah mancilok buah jambu si A, nah kini ko modus mancilok ko alah berkembang. Ciek lai hal nan paliang sederhana tapi barek adolah mamisahkan antaro kebutuhan jo keinginan, itu nampaknyo harus dipategas dalam materi-materi pendidikan. Berdasarkan pangalaman ambo saketek-saketek, ambo mancaliak alah kabua tata nilai ko, sawah indak jaleh bana pamatangnyo lai, apo lai nan ka manunjuakkan ma nan pamatang, ma nan bancah, ma nan sawah nyaris indak ado. Situasi mode iko berkembang luas. Suatu kali ambo ikuik pulo duduak jo urang-urang dilapau di parantauan, tibo-tibo seseorang oknum bacarito ka ambo, agak susah mancari pitih kini ko da, keceknyo. Susah baa, kato ambo, bukannyo tiok bulan ado gaji tetap. Tapi jaweknyo nan mancangangkan ambo. Jaweknyo adolah dulu murah mancari pitih karena mengawal sesuatu kalua perbatasan nan tantunyo illegal. Ondehhh.....Alah pai kawan ko, tingga ambo jo seorang nan kami panggia ustadz karena lulusan sikola agamo, lalu ambo batanyo ka baliau, manuruik apak ustadz mancari pitih katonyo itu bana atau indak. Ustadz ko manjawek, sabananyo itu salah da, tapi indak elok awak sampaikan lansuang ka inyo, rusak pertemanan awak beko, bia selah inyo tahu sorang.
Itulah sekelumit tata nilai nan sadang berkembang dikebanyakan urang pak, jadi setelah bagalesoh pesoh, kuliliang-kuliliang nagari, akhirnyo tumbuah se kayakinan ambo, harus dipabanyak pendidikan alternatif untuak generasi baru, apapunlah bantuaknyo itu. Tapi ado juo pesimisme ambo, partamo indak banyak urang nan nio malakukan lai pendidikan itu dan nan kaduo, kecepatan pengaruh pendidikan iko indak sabandian jo laju kerusakan nan dibuek dek urang-urang tersebut. Akhianyo ambo punyo ide nan paliang lamah adolah membangun data base tentang sejarah perusakan itu sendiri sampai ka aktor-aktornyo selengkap mungkin, mungkin suatu saat akan baguno. Misalnyo sejarah sebuah bukik di nagari antah barantah yang alah rusak parah dan jadi lobang asam atau tanah gurun setelah di eksploitasi, kito bisa kaluakan baik sejarah perizinannyo (ado atau indak), sia nan manarimo, kama rente ekonominyo dan sebagainyo. itu pertinggal kito untuak generasi yang akan datang, bia mereka mengadili nantinyo jo caro pado zaman itu yang awak alun tahu lai kini. itu imajinasi ambo pak. Sakitu dulu pak, maaf kepanjangan dek ota ngalor ngidul kecek urang. Salam andiko Pada Rabu, 14 Agustus 2013 23:17:06 UTC+7, Saafroedin Bahar menulis: > > Tarimo kasih bung Andiko. Negara iko nampaknyo alah sabana bakarapa dan > busuak dari dalam. Antah baa caronyo mamelokinyo lai. > Wassalam, > SB. > Sent from my BlackBerry® smartphone from Sinyal Bagus XL, Nyambung > Teruuusss...! -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
