Assalamualaikum w.w.
Babarapo hari belakanganko, disampaing awak sibuk jo macam-macam topik,
banyak juo ruponyo tasalek pantun-pantun na rancak-rancak.. kiriman
warga awak juo.
ambo kumpuekan beberapo..
Wassalam,
-adyan
Sinangih lauak rang Tiku
diatua jo ujuang pandan
Manangih uni di pintu
maliek udanyo kabajalan.
Cubadak badakak-dakak
antimun batali-tali
Abak den pai malagak
Uwaik den barusuah hati
Den pai ka Pitalah..
Den bali jawi sirah..
Den dabiah tabik darah..
Den gulai tabik kuah..
Den imbau Aji Dulah..
Mandoa manigadah
Lailahaillallah
Muhammadarrasulullah.
Ari Rabaa pukue satu
Pusek manembak sender RRi
Marauang sirene ateh jam gadang
Lai sarawa ndak babaju
Jo aa den tampuah pasa rami
Dibao tangih ka nan langang..
Marakiak Koreta Padang,
Manyauik Koreta Solok.
Marakiak Dagang nak pulang,
Baju lah barek dek panumbok.
Anak urang batang Antokan,
Pai manggaleh ka Koto Tuo.
Daulu asa urang tanyokan,
Kini pitih nan paguno.
Ayam kinantan Sutan Bantan,
Basah dadonyo pulang mandi,
Elok dibongka isi sampan,
Nangkodo raso ka baganti.
Putiah kasiaknyo Pulau Karang,
Tampak nan dari Ujuang Batu,
Lauik intan bapaga karang,
Adokah buliah sampan lalu?
Kayu aro di Kampuang Surau,
Ikatan ayam biring jalak,
Putiah mato mamandang pulau,
Sampan ado pangayuah tidak.
Kambang mambacuik bungo bakuang,
Juntai bajuntai kapeh Cino,
Batulak ajuang samo ajuang
Tasisiah sampan dagang hino.
Pulau Panjang todorong panjang,
indak dapek barumah lai.
Kasiah sayang tadorong sayang,
indak dapek barubah lai...
Ampek Angkek parang jo Lintau
parang jo anak rajo-rajo
Ubek lakek pantang talampau
kok babaliak panyakik lamo...
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di:
https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
