| Waalaikumsalam w.w. Sanak Wita Abidin dan Sanak M.Y. Bagindo Chaniago sarato para sanak sa palanta, Tarimo kasih ambo sampaikan taradok paratian dan saran-saran Sanak untuak manyamparonokan Tim Perumus ko. Posting Sanak ambo forward kapado Buya Mas'oed Abidin dan pak Bachtiar Abna untuak mandapek paratian. Tantang panyusunan dan susunan keanggotaan Tim saluruahnyo ditangani dek Kantua Gubernur Sumbar. Ambo satuju jo pandapek Sanak bahaso masih banyak tokoh-tokoh lain nan labiah piawai dalam adat dan syarak dan paralu dimasuakkan.[ Ambo sandiri indak manguasoi kaduo bidang ko doh]. Ambo pernah maagiah masukan namo-namo, yaitu baliau-baliau nan alah aktif dalam Semiloka di Universitas Andalas bulan Juni 2007 dan Diskusi Panel di gedung Arsip Nasional bulan Januari 2008 nan lalu.Juo baliau nan aktif di Rantau Net ko. Labiah rancak lai, kalau tiok kalangan dalam masyarakat Minang, di Ranah dan di Rantau, mambuek pulo samacam tim perumusnyo surang-surang dan manyampaikan hasia rumusannyo sacaro resmi sabagai masukan ka Tim Perumus nan dibantuak dek Pemerintah Daerah Sumbar ko. Manuruik pamahaman ambo, manganai materi ABS SBK tu sandiri Tim Perumus ko indak mambuek surang rumusannyo, tapi manghimpun masukan, mamilah-milah, mangalompokkan, mandanga dan marenungkan partimbangan jo alasan, dan sakadar mampahaluih rumusannyo supayo mudah dimangarati dan dilaksanakan urang banyak. Sabalun ditetapkan tantu akan labiah rancak diadokan apo nan dinamokan kini sabagai 'sosialisasi' dan 'uji publik'. Dalam hubuangan tu, tim iko akan bakaliliang ka saluruah daerah di Ranah, mamintak masukan. Sapanjang pangatahuan ambo, alun ado rencana Tim Perumus untuak bakaliliang di Rantau. Tantang kito nan di Rantau, manuruik pandapek ambo, kito dapek mambantu Tim iko dalam duo hal, yaitu manyumbangkan materi apo nan paralu dimasuakkan dan apo pulo nan indak usah dimasuakkan -- akan ambo catat dalam DIM -- dan baa rumusannyo nan singkek padek, nan sasuai jo kaidah adat, ugamo, dan tantu sajo indak batantangan jo hukum nasional kito. [Kalau batantangan, tantu indak ka disahkan dek Pamarentah Pusat]. Syukurnyo, ambo diagiah tahu dek Nanda Miko bahaso wacana ABS SBK ko alah ado di Rantau Net sajak tahun 2000, sahinggo alah ado bahan awal nan bisa dikunyah-kunyah. Sasuai jo bunyi Keputusan Gubernur tentang pambantuakan Tim Perumus, rasonyo ado duo hal nan paralu dikarajokan, yaitu 1) manghimpun dan manyusun pokok-pokok norma ABS SBK, dan 2) marumuskan kebijakan Pemerintah Daerah dalam bidang ABS SBK tu, dalam bateh-bateh kewenangan manuruik Undang-undang Nomor 32 Tahun 2004 Tentang Pemerintahan Daerah. Sasuai jo pepatah 'adat salingka nagari', dalam pamahaman ambo rumusan nan akan disusun dek Tim Perumus ko indak akan masuak ka dalam rumusan detail ABS SBK di tiok nagari, tapi tabateh manganai norma-norma dasar nan basifat umum dan mancakup saluruah Minangkabau. Kalau dalam istilah hukum kini, norma-norma dasar nan basifat umum tu bisa dinamokan sabagai ' identitas kultural'. Sabagai titiak tolak, kito gunokan dahulu 33 buah DIM nan alah takumpua dalam wacana Rantau Net ko. Rumusan ABS SBK untuak tiok nagari labiah tapek masuak dalam Peraturan Nagari (Perna) nan basangkutan. Supayo dapek dilaksanakan, sudah barang tantu dalam rumusan akhir nanti paralu dibahas limbago -- institusi -- nan ka malaksanakan norma-norma ABS SBK ko, tautamo dari tingkek kecamatan kateh.Sajauah mungkin, limbago-limbago tu manggunokan limbago-limbago nan alah ado, kalau paralu dikonsolidasikan labiah dahulu. Tantang kahadiran Zarnifa Asmara dan staf perwakilan Mappas Sumbar adolah sakadar sabagai peninjau untuak manambah wawasan mereka, karano dalam rapek Pengurus MAPPAS Pusat Sanak Lembang Alam mamasankan wanti-wanti -- dan disatujui panuah dek saluruah pangurus -- bahaso pariwisata nan akan dikambangkan untuak mamajukan ekonomi Ranah samo sakali indak buliah malanggar norma ABS SBK. Tantu sajo sabagai pandanga hak mereka indak samo jo para anggota. Wassalam, Saafroedin Bahar (L, 70+6+27, Jakarta) 'Taqdir di tangan Allah, Nasib di tangan Manusia' 'Ya Allah, tunjukilah selalu aku jalan yang lurus dan Engkau ridhoi' ''Sebaik-baik manusia adalah yang bermanfaat bagi manusia lainnya' 'Mari berlomba berbuat kebaikan' 'Puji syukur aku sampaikan pada-Mu ya Allah, atas segala rahmat dan nikmat
yang telah Engkau anugerahkan kepada aku dan keluargaku'. 'Setiap manusia adalah baik, sampai terbukti sebaliknya' 'Jangan pernah berhutang dan jangan mudah berpiutang' --- On Sun, 3/9/08, Wita Abdin <[EMAIL PROTECTED]> wrote: From: Wita Abdin <[EMAIL PROTECTED]> |
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur pribadi.
- Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di: https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
