Uda ANB, kalau pakai ta marbuthah albany-nyo, padusi ambo jadinyo mah...:) Alhamdulillah kawan uda ANB dapek hidayah dan bantuaknyo kuek mamaciknyo.
Kalau ambo punyo carito sabaliaknyo. Kenalan sasamo alumni Japang (baru sakali tamu darek, jadi indak akrab bana, kecuali di email), mulai dari aktifis kampus musajik Salman --> jadi liberal --> mengumumkan diri jadi murtad. Dan itu bukan dek bodohnyo. Inyo dosen awalnyo, kemudian maambiak master di Japang sampai PhD (bidang fisika), ditawari jadi direktur pabrik Japang di Karawang dan kini jadi eksekutif di perusahaan na labiah gadang. Dan bininyo rang awak dan katonyo mintuanyo aktifis SAS (sulik aia ?). Ilmu dan kekayaannyo malah maantakan jadi murtadin. Wakatu basobok thn 2010, inyo jaleh2 mangatokan indak picayo lai ka AlQur'an (dan ju agamo2 saluruahnyo), tapi masiah sumbahyang. Mudah2an adoh jalan baliak. kalau indak baa kolah nasib anak bininyo.... Selain kristenisasi, manuruik ambo nan marak adolah murtadin atheis macam iko... Btw, saat jadi liberal (alun murtad), tokoh pujaannyo adolah Syafii Ma'arif nan kato inyo mirip jalan hiduiknyo jo inyo (dari pejuang syariah jadi anti syariah). Wassalam fitr 2014-01-25 Akmal Nasery Basral <[email protected]> > Dinda Fitr al-Albaniyyah :) > > Iko indak bakaik langsung jo thread awal, tapi Subuh tadi ado peristiwa > yang menggetarkan ambo dan rasonyo ado baiaknyo dibagi di palanta. > > Subuah tadi ambo jo duo anak gadih ambo shalat di Musajik Darussalam, Kota > Wisata Cibubur. Induak bareh indak pai dek karano sadang berhalangan. > Usai salam ka kida, di posisi jam 8 (pado shaf kaduo di belakang ambo) > ambo mancaliak wajah kawan lamo ambo, Ferry, nan alah indak basuo sekitar > 20 tahun. > Iko akan manjadi kisah biaso sajo saandainyo kawan ambo tu adolah muslim > sajak dulu. Mungkin awak hanyo takujuik saketek batamu jo kawan lamo indak > sangajo. > > Nan mambuek peristiwa manjadi spesial adolah dek kawan ambo tu dulunyo > non-muslim (Katolik), Cino Surabaya. Ambo kenal juo jo ayah dan > adiak-adiaknyo (induaknyo alah wafat wakatu ambo mulai bakawan jo mereka). > Bahkan paranah satu kutiko saat kawan ambo ko memulai usaha ketek rumahan > (mambuek box di belakang motor untuk jasa delivery dari perusahaan semacam > Pizza Hut, KFC, dll) nan saat itu alun dilirik oleh bisnis besar (Ferry > mangumpulkan beberapa tukang, dan mendesain sendiri box motor sambil > eksperimen mencari bahan apa yang cocok), satu kali inyo talibek masalah > hukum jo perusahaan gadang. > > Wakatu itu ambo mancarian pengacara pro-bono untuak kasusnyo, dan dek awak > masih usia kuliah, basamo-samo naiak bis dari rumah "kantua/bengkel"-nyo ka > rumah sang pengacara nan wakatu itu cukup tanamo. Usai pertemuan dengan > sang pengacara, sabalun pulang ado ucapan sang pengacara nan takana taruih > oleh ambo sampai kini, "Kawanmu ini Cina ya?" keceknyo sambia manunjuak > Ferry nan agak jauah tagak dek karano awak memang alah handak pulang. "Agak > susah masalah ini jadinya," sambuangnyo. Ambo indak tau bana apo mukasuik > perkataan sang advokat saat itu, tapi itulah pertemuan pertama dan terakhir > kami dengan beliau. Satu-satunya pertemuan. > > Satalah itu, ambo agak lupo pulo bagaimana kelanjutan kasus nan melanda > Ferry (terkait soal design dan hak cipta box di belakang motor tu), sampai > intensitas pertemuan awak juo bakurang tasabak kasibukan masing-masing. Nan > tarakhia ambo danga, masalah teratasi. Dan Ferry masih menjadi kakak nan > aktif ke Gereja mengajak katigo adiaknyo sebab sang ayah masih acok di > Surabaya dengan kesibukan lain dan hanyo sasakali ke Jakarta, ka rumah nan > saat itu mereka kontrak. > > Baliak ka peristiwa Subuah tadi, dek karano alah 20 tahuan indak batamu, > agak ragu ambo mamanggia namonyo. Tanyato inyo manoleh dan menjawab > panggilan ambo. Alhamdulillah. Tanyato memang inyo urangnyo. Namun awak > alun sampek maota panjang dek karano Ust. Dr. Erwandi Tarmizi, MA, pakar > ekonomi syariah, nan maisi kuliah Subuah, alah manuju tampeknyo dan mulai > membuka ceramah. > > Kalau ambo manganang bagaimana Ferry dulu nan cukup agamis, sebagai surang > Katolik, dan malieknyo tadi pagi barado di barisan jamaah Subuh ("shalat > yang paling berat bagi kaum munafik," kecek Nabi Saw), betapa benarnya > Firman Allah dalam QS 2:26, "betapa banyak orang yang disesatkanNya, > sebagaimana banyak pula yang diberiNya hidayah." > > Ruponyo apo nan ambo caliak usai shalat Iedul Adha lampau adalah bana > pulo. Wakatu itu usai shalat di tanah lapang nan panuah, dalam perjalanan > manuju oto, ambo maraso pulo maliek Ferry dengan istri (bajilbab) dan > anak-anak nan alah remaja di sekitar kaduonyo. Cuma wakatu itu ambo bapakia > mungkin sajo itu urang nan mirip, bukan Ferry (dek takanang bagaimana > hidupnyo di awal 90-an). > > Surang ahli Kitab alah mandapek celupan (*shibghah*) Allah. Dan dek > karano itu manyangkuik surang kawan lamo, lain pulo rasonyo raso haru hati > mancaliek sapinteh perjalanan spiritual seseorang. > > Wass, > > ANB > 45, Cibubur > > > Pada 24 Januari 2014 04.11, Fitrianto <[email protected]> menulis: > > >> >> > -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
