| Assalamualaikum w.w. Mak Sunguik dan para sanak sa palanta, Sensus Penduduk Th 2000 mampagunokan bateh administratif pemerintahan. Jadi nan kito sabuik Ranah= Provinsi Sumatera Barat; Rantau= daerah-daerah lain di lua provinsi Sumatera Barat. Kalau kito ingin tahu baa keadaan manusia Minangkabau manuruik bateh-bateh tambo, yo haruih disusun surang dari data sensus tu. Datanyo bisa diminta ka Badan Pusat Statistik. Ambo ingin tahu. Sia sanak nan ka baiyo bana mangarajokan Sensus Urang Minang manuruik bateh-bateh tambo ko ? Salain Nanda Suryadi, mungkin Sanak drg Abraham Ilyas nan alah mambuek www.nagari.org ? Tantang angko-angkonyo sandiri banyak sanak kito nan indak picayo, sambia maagiah contoh ka sanak sudaronyo nan alah labiah banyak di Rantau. Nan mungkin jadi panyabab adonya perbedaan angko statistik resmi jo anggapan kito tu adolah karano ado urang nan badarah Minang sacaro genealogis tapi indak maraso atau indak mangaku badarah Minang sacaro kultural, misalnyo kalau hanyo bapaknyo Minang, ibunyo non Minang, dan saparati biaso urang mengidentifikasi diri jo ibunyo. [Apolagi kan kito hanyo manyabuik urang Minang kalau ibunyo Minang. Ingat kasus Zainuddinnya Hamka dalam 'Tenggelamnya Kapal van der Wijk'?]. Juo ado masalah urang nan lahia, gadang, sarato hiduik sacaro Minang dan sampai wafat di Ranah -- saparati AA Navis dan Anas Nafis -- nan indak kito masuakkan ka 'urang Minang' karano inyo katurunan pasukan Sentot Alibasya nan badarah Jawa itu. Harus malakok dulu. [Nampaknyo haruih maajukan permohonan dulu, ka sia jo suku ma kamalakok tu]. Sakadar catatan dari ambo: dalam hubungan samakin banyaknyo perkawinan campur antaro anak laki-laki Minang jo padusi non Minang, tautamo di Rantau, mako samakin lamo akan samakin banyak urang nan badarah Minang tapi manuruik hukum adat indak Minang [dan karano tu indak bisa manikmati 'harato pusako']. Baiaknyo, indak banyak bana urang badarah Minang nan indak diakui sabagai urang Minang ko nan manuntuik paluang manikmati 'harato pusako tinggi', karano di Rantau justru labiah banyak paluang hiduik di lua bidang pertanian. Eloknyo, mereka ko indak ka manambah parah silang sangketo soal tanah di Ranah. Saparati kito danga, persengketaan tanah di Sumatera Barat tamasuak nan paliang banyak jumlahnyo di lua Jawa, tantu antaro urang nan samo-samo full Minang sacaro genealogis dan sacaro hukum adat. Sambia manyadari adonyo kalamahan statistik dan sensus, ambo sangat manganjurkan supayo kito nan alah tabiaso bapikia jo angko agar labiah banyak mamanfaatkan angko-angko statistik ko dalam bawacana tantang Minangkabau. Labiah akurat. Itu nan ambo cubo malakukannyo jo kawan-kawan dalam tahun 2004 dan 2007, nan herannyo indak ado sambutan samo sakali, sampai kini. Ka dipangaan lai. Wassalam, Saafroedin Bahar (L, 70+7+4, Jakarta) 'Taqdir di tangan Allah, Nasib di tangan Manusia' 'Ya Allah, tunjukilah selalu aku jalan yang lurus dan Engkau ridhoi' ''Sebaik-baik manusia adalah yang bermanfaat bagi manusia lainnya' 'Mari berlomba berbuat kebaikan' 'Puji syukur aku sampaikan pada-Mu ya Allah, atas segala rahmat dan nikmat yang telah Engkau anugerahkan kepada aku dan keluargaku'. 'Setiap manusia adalah baik, sampai terbukti sebaliknya' 'Jangan pernah berhutang dan jangan mudah berpiutang' --- On Tue, 3/18/08, hambociek <[EMAIL PROTECTED]> wrote: From: hambociek <[EMAIL PROTECTED]> |
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet.
- Tuliskan Nama, Umur & Lokasi anda pada setiap posting.
- Hapus footer & bagian yg tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur pribadi.
- Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda pada Google Account di: https://www.google.com/accounts/NewAccount?hl=id
Agar dapat melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
