Bapak, Ibu, Mamak, dunsanak di Palanta nah! Iko berita rantau nan ambo ramu dari tanggapan apak, mamak dan dunsanak di Palanta atas permintaan Irman Gusman. Maaf, hanyo yang berisi tanggapan atas ungkapan IG sajo yang ambo ramu jadi berita, samantaro yang justru menghujamkan tanggapan kepada pribadi IG (bukan ke pemikirannya) indak ambo ramu.
Salam, Syaf AL/Bogor/Metran -------------------------------- DUNIAMAYA (Metran) – Parmintaan Katua DPD RI Irman Gusman ka parsatuan parantau untuak bisa maubah caro bapikia dari hanyo sakadar palapeh taragak manjadi mampakuek karajo samo dalam usaho dan saliang mampiayoi sarato bisa mambangun jariangan antaro parantau jo masyarakaik kampuang halaman dalam bantuak usaho ekonomi, ditanggapi sacaro baragam dek parantau Minang melalui situs RantauNet (RN). Bakeh sekretaris umum Gerakan Saribu Rupiah Minang (Gebu Minang), DR. Saafroeddin Bahar nana manatap di Jakarta, misalnyo, sangat satuju jo pandapek Irman Gusman, baa supayo urang awak bisa saliang bakarajosamo dan saliang picayo-mampicayoi. Saafroeddin nan marupokan salah surang urang tuo di RN ko bapandapek, suliknyo urang Minang bakarajosamo dalam usaho dan saliang picayo-mampicayoi ko adolah masalah moral dan etika nan salamoko kurang manjadi paratian. Baliau mengakui bahwaso urang awak kurang rajin manapeki janji, tamasuak dalam mambayia utang, sahinggo banyak rencana nan disetujui namun kudian indak bisa jalan. Untuak itu, baliau baharok ka urang Minang baa caronyo bisa mambangun saliang picayo dan bisa bakarajo samo nantun, sahinggo di maso nan katibo, Minang bisa labiah bangkik sacaro ekonomi dan kuek sacaro budaya. Samantaro tu, Donard Games nan tingga di Pert, Australia, mangaku mamahami pandangan nan disampaikan Irman Gusman wakatu mambarikan pidato dalam acara silaturahim dan halal bi halal Ikatan Keluarga Pesisir Selatan (IKPS) di Jakarta babarapo waktu nan lapeh. Donar sandiri lah melakukan banyak panalitian tantang kebiasaan urang awak nantun dan alah inyo kamukokan (presentasikan) di Sumbar, di Malaysia dan bahkan pernah diabikkan dalam jurnal. Hal-hal nan manjadi sorotannyo, antaro lain: urang Minang ko budayanyo ‘kolektif’ (basamo), tapi dalam bisnis (usaho) inyo tagak surang-surang. Donard mampatanyokan pulo, apokoh jo caro karajo samo, urang Minang akan maraso akan banyak pitih kalua, sahinggo mamiliah bausaho surang-surang? Salain itu, kato beliau, urang Minang tajun ka usaho umumnyo indak punyo modal. Nan ado cuma modal sosial barupo jaringan perantau dan dunsanak (induak samang). Oleh karano itu, usaho nan diambiak adolah nan capek putarannyo dan indak talalu barisiko, sarupo rumah makan dan pakaian jadi. Usaho ko indak talalu pantiang karajo samo. Donard manambahkan, kunci sukses dek urang awak ko adolah reputasi dan status social. “Kalau lai jadi rajo bia ketek, indak baa daripado diatua-atua urang,” katonyo . Manuruik panalitiannyo, satalah urang awak sukses secaro individu, baru mereka kambali ka budaya kolektif, yaitu bakumpua-kumpua, lalu manyumbang ka masjid di ranah dan sabagainyo. Soal pandapek Pak Saafroedin Bahar soal indak bisa karaso samo, manuruik Donard adolah masalah amanah. Prinsip dasar ‘quanxi’ adolah: "ambo pacayo ka angku karano angku adalah kawan nan ambo picayoi, walau angku punyo kawan nan ambo kenal juo, ambo labiah pacayo ka angku". “Di kito, dek karano rumor dan kanyataan nan ado, kito malah agak takuik bakarajo samo jo kawan karano takuik nantinyo baubah perkawanan tu,” tambah Donard. Mangutip pandapek Lant Pritchett dari Harvard, mau indak mau, kito (Sumbar) harus mengambangan pusek-pusek pertumbuhan ekonomi baru. Jadi, indak berbasis nagari lai, tetapi berbasis potensi ekonomi nan takaik hulu-hilir. Investasi parantau-lokal ko harus masif, sarantak, tarancano, indak bisa karano nagari awak sajo. *Ragam Pandapek* Maturidi Dosan dari Duri, Riau, satuju urang awak mampakuek karajo samo di bidang usaho nantun, sahinggo ekonomi di kampuang halaman bisa makin maju. Namun baliau maagiah syarat agar urang Minang tatap mampatahankan caro ekonomi tradisionalnyo dan indak malapehkan tanah ulayat sacaro sarampangan. Malah beliau meminta pamarentah daerah untuak indak mambangun jalan tol ka Ranah Minang karano, manuruik panilaiannyo, akan banyak mudaratnyo daripado manfaatnyo. Baliau mausua, rel kereta api se di iduik an baliak dan usahokan bisa manjangkau saluruh daerah di Sumatra Barat. Samantaro, Darwin Chalidi, 65, asal Piaman nan kini tingga di Tangerang Selatan, mangakui bahaso pengusaha nan sukses di kurang amuah bausaho di kampuang dek karano rumiknyo baurusan jo masyarakaik banyak, labiah-labiah kalau banyak paremannyo. Inyo manyontohkan salah surang kawannyo nan sukses di rantau dan mancubo bausaho di kampuang, tapaso ‘blusukan’ kian kamari dan malah harus pakai ‘salam tempel’. “Walaupun bisa, tapi iko paralu karajo kareh. Itu baru dalam usaho mandapek an lokasi untuak usaho,” katonyo. Makonyo, urang awak labiah suko bausaho di lua daerah karano urusannyo indak talalu babalik-balik. Anggota RN nan lain, Asmun Syueb, maminta urang awak bisa kumbali ka pokok kaji nan digagas dek Proklamatro Bung Hatta, yaitu dengan cari ba-koperasi. “Itu sabana ekonomi kerakyatan. Baa mangko indak caro-caro iko nan awak lakukan untuak mambangun karajo samo dan jariangan usaho tu?” kato baliau. --al -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Google Grup. Untuk berhenti berlangganan dan berhenti menerima email dari grup ini, kirim email ke [email protected]. Untuk opsi lainnya, kunjungi https://groups.google.com/d/optout.
