Ambo, MakNgah,
Kalau ubek tu alun pernah ambo cubo, tamasuak nan lain-lain. Jadi alun dapek mambedokan maa nan usali jo bukan. Dek tingga di rantau, ambo indak marasokan kehidupan di ranah, hanyo tiok tahun dibaok pulang jo buya alm, tingga di rumah inyiak 1-2 minggu. Nan kami di Sulik Aie nan lubuak-lubuak tu indak banyak bana, dek tang ayienyo ketek (Batang Katialo). Ado (Lu)Buok Uok, Buok Sanggodang, dll. Ocok kami raun mancubo sado lubuak itu, untuak liau bernostalgia, paliang tidak mambasuah muko. Kalau berkesempatan mandi, nan ambo biaso melihat kelakuan liau adolah mambarosiahkan lubuak itu, mambuang/mailiekan sarok, mancabuik rumpuik, manggosok-gosok jo kaki atau tangan liau batu-batu nan lah balumuik, baru satalah barosieh liau mandi. Biasonyo di tiok lubuak ado batu gadang nan data, kudian dijadikan tampek sholat. Kadang-kadang ditambah pulo jo simin, jadi mambantuak tampek mandi dan sholat. Salain itu dibuek pulo kotak-kotak simin 1x1x0,5 m untuak buang hajat. Yang di bawah musajik rayo itu ambo kiro ado belasan wc umum. Ocok jo kawan basorobok di tampek itu, aa namonyo? rapek 1/2 kamar? Kalau acek atau pacet biaso ambo temui di tanah lapang, ado nan gadang 2-4 cm ado nan ketek 1-2 cm. Nampakno lain padang lain pulo acek-nyo. Biasonyo dulu alah salasai main bola, tasangkuik ciek duo di sela-sela jari kaki. Karono geli, capek ambo tarik sajo pacet tu, kadang sorik. Biasonyo dibantu jo tembakau rokok, copek inyo lapeh. Sudah tu kami bunuah ramai-ramai, nampak muncrat darah kami tu. Itu senyo Makngah, aa nan takana. Wassalam, -datuk endang --- In [EMAIL PROTECTED], "hambociek" <[EMAIL PROTECTED]> wrote: > > > Aa rancak tu tambahannyo saketek, lokasi Lubuak Lintah di sakitar > Padang tampaknyo. Baa pulo terkenalnyo "Bujang Sabaleh" tantu kok > dapek Angku "andre suchitra" mambantangkannyo tantu rancak lo yo ndak? > > Manganai pangalaman main-main aia batangaia, pantai, danau, iyo bana > anak-anak paralu diawasi dek nan dewasa karano indak sakali duo > pangalaman baitu barulang. Takana di ambo, carito dari Kampuang (ambo > indak di Kapmuang waktu itu) anak kakak kami dari Kototuo, main-main > ka Batangaia Lurah di Biaro. Urang baru mambuek baramban tembok > kabano. Anak-anak main-main samo ketek. Nan anak kakak ko ilang indak > basuo dicucuik aia, mungkin tasangkek di bawah indak ado kawan- > kawanno nan tahu. > > Syukurlah Angku Nofend wakatu ketek tu lai salamat. Lah sampai ka > Aceh jo Nias bagai. Tampak diambo gambar-gambar di Bawematalaue. Ambo > lah duo kalai ka sinan, 1965 jo 1989. Tapi indak barani maloncek batu > tinggi tu doh. > > Ambo raso sabalun mambaco carito mandi di Lubuak LIntah tu taruihno > kok ka mancaritoan dipantak lintah bagai. Kok dipantak lintah, jan > takajauik bana, walaupun lah badarah batih tu, taraso gata, lintah tu > tatap bagayuik. Untuak malapehanno diliyuai (diludahi) sajo jari > tunjuak, sudah tu di kacukehan lintah tu jo tunjuak-baaia-liua tu. > > Nan jaek iyolah acek; inyo maloncek-loncek di daun samak-samak > satinggi awak dalam rimbo. Indak tahu-tahu inyo lah tibo sajo di > kuduak atau di liia langsuang manyasok darah. Maanjakanno samo juo jo > maanjakan linta cako. Di Malaysia, acek ko dinamokan Lintah > Gunung. "Minyak Lintah Gunung" ko dijua urang dalam boto-boto ketek. > Manuruik kataranganno khasiatno rancak untuak panagakan barang > pusako. Bana tu Angku Datuk Endang? Lai mangkuih tu? :) > > Sakitulah dulu carito Lintah jo Acek. > > Salam, > --Nyiak Sunguik --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tulis Nama, Umur & Lokasi anda pada setiap posting. - Hapus footer & bagian tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
