Sanak Adyan ysh,
Nan sabananyo kondisi pelaksanaan adat di Sulit Air masih sarupo dengan
nagari-nagari lain. Pamakaian adat saketek banyak masih taraso di urang tuo-tuo
di kampuang. Kalau di rantau lah banyak kurang, malah kini lah banyak mangincah
di kampuang. Iyo memang barek tugas kami pemangku adat mamaliharo pusako usang.
Memang untuak KAN ado saketek kemajuan, sajak 1989 hinggo kini alah
sakurangnyo 7 kali musyawarah gadang diadokan, dan pado kasampatan itu alah
dipataguah banyak hukum-hukum adat nan dituliskan. Tamasuak pado tahun 2000
yang lalu kami mangaluakan keputusan tentang peradilan adat. Ambo cubo
manulihkan kembali keputusan itu, karono file-nyo lah lamo hilang. Isinyo
antaro lain manantukan mano sajo pelanggaran pidana/perdata nan dapek
disalasaikan oleh peradilan adat, di antaronyo pidana kesusilaan nan kalau di
KUHP diancam oleh pidana kurang dari 1 tahun (pidana ringan). Jadi indak sado
masalah dibaok ka PN Solok.
Kini ko Dt. Gompo Sinaro alah mancubo maurai baliak babarapo katantuan
Undang-undang 20, nan dahulu manjadi KUHP awak. Namun tantu masih banyak nan
paralu disamporonokan. Cubo nanti ambo cari file-nyo, nak samo kito
paolak-olaikan.
Satantang Cumati Koto Piliang, lai ambo danga dari nan tuo-tuo, sarupo nan
sanak tulih, yaitu langgam nan tujuah :
Batipuah, Harimau Campo Koto Piliang
Sumaniak, Aluang Bunian Koto Piliang
Sungai Jambu-Labuatan, Pasak Kungkuang Koto Piliang
Simawang-Bukik Kanduang, Medan Perdamaian Koto Piliang
Sulik Aia-Tanjuang Balik, Cumati Koto Piliang
Singkarak-Saniang Baka, Camin Taruih Koto Piliang
Silungkang-Padang Sibusuak, Gajah Tongga Koto Piliang
Nan ambo ado koreksi bilo disabuikkan dalam padangmedia.com, karono
Pagaruyuang indaklah malambangkan center of excellence dari Koto Piliang,
satidaknyo maso kini. Nan kito paralu mancari aa bana mukasuik Bodi Caniago jo
Koto Piliang itu, salain salamo ko adolah sistem hukum dan pamarentahannyo nan
mulai jaleh. Mungkin nan dimukasuik Cumeti Koto Piliang adolah sasuai nan
disabuik dalam padangmedia.com itu.
Langgam nan tujuah itu ambo curigai kironyo suatu bentuk formasi nan alah
tabantuak sabalun kadatangan Adityawarman. Dan kiro-kiro di tangah-tangah itu
Adityawarman maambiak posisi mamintak parlindungan ka Minangkabau.
Aa kiro-kiro formasi itu, tantu mangaji awak saketek jo cupak usali, dan ambo
pun masih mancari tahu tantang itu. Namun satu informasi nan ambo dapek dari
buya almarhum, dahulu di bawah nagari Sulit Air kini talatak sabuah nagari tuo
nan banamo Tarogong (Taraguang). Dan kalau ambo maliek posisinyo, raso kiramaik
di muko Gunung Merah Putih itu. Kok awak rangkai jo nagari tuo Pariangan Padang
Panjang, saroto gunuang dan danau; mungkin basuo jo formasi itu (langgam nan
tujuah / Tanah Datar), walaupun kini Sulit Air indak tamasuak dalam wilayah
Tanah Datar. Antahlah gaek-gaek kito. Wallahu alam.
Namun hubungan Sulit Air jo Pagaruyuang nan ambo baco dari sejarah, adolah
Rajo Pagaruyuang dan 14 penghulu lainnyo mamintak kapado Balando untuak
manyarang Sulit Air, hinggo pacahlah parang di Padang Simawang. Dan itu mamulai
Perang Paderi tahap 2, nan melibatkan Balando. Antahlah di tampek lain, di kami
ado pituah : maiiriak parang jo berani, mairiak karojo jo usaho.
Sangan itu nan dapek ambo sampaikan sanak.
Wassalam,
-datuk endang
Adyan <[EMAIL PROTECTED]> wrote:
Mokasih banyak, Mak Datuk, ateh replynyo..
Ruponyo di Sulik Ayie adat tu masih rancak jalannyo, labiah dari di
nagari-nagari lain.. Ambo pernah baco bahwa nagari Sulie Ayie tu
sabagai Cumati Koto Piliang? Apo aratinyo to mak Datuak?
Tarimokasih labiah daulu..
wassalam
-adyan
http://kilangan.wordpress.com
---------------------------------
You rock. That's why Blockbuster's offering you one month of Blockbuster Total
Access, No Cost.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tulis Nama, Umur & Lokasi anda pada setiap posting.
- Hapus footer & bagian tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
