Assalamu Alaikum W. W.
Ben iyo bona dapek dek ananda pituah rang tuo2 tu yo? Mandi diilia2 mangecek
dibawah2, aia nan taonang manghanyutkan, sarupo ilmu padi makin barisi makin
tunduak. Saba sajolah Ben kan datang wakatunyo bundo tahu sado urang punyo
ambisi dan obsessi tapi tunggulah dulu nantikan masak karambia tu dulu supayo
baminyak baru diambiak dan dapek dipakai mambuek rondang.
Jan pulo sarupo Anwar Ibrahim talalu copek nyo nio manggantikan M tu jadinyo
nyo kahilangan wakatu kan?
Ben pandai2salah bapolitik sobab kiniko nan kanaiak nampaknyo urang nan
pandai bapolitik.
Selamat untuak anandabundo yo lupo apokoh Benny nan Pitopang atau Benny nan
babako ka Pitopang. Sobabnyo bundo kan Pitopang sakampuang jo alm. Sjamsuridjal
SH nan di Jogya.
Sakian dulu mohon maaf ka rang palanta karano mangecek dalam bahaso Pikumbuah.
Wassalam
Hayatun Nismah Rumzy (69+++++)
benni_inayatullah <[EMAIL PROTECTED]> wrote:
Waalaikumsalam
Ondeh Mak, alun tapikia dek ambo sampai kasinan lai, masih talalu
pagi bana. Ambo ko sia banalah baru..paja patang nan baru baraja
batatah. masih banyak uda-uda jo uni-uni nan lain nan labiah pas
untuak posisi itu. Ambo kini masih baraja dalam banyak hal. mambaco
nan tasurek ataupun nan indak tasurek. Kalau talalu di ambuang cando
iko, beko gadang lo lubang iduang ambo, bisa-bisa ambo takaliciak
manjadi ongeh, lupo diri sahinggo indka paguno nan ambo pelajari.
Untuak manjadi pemimpin itu ambo masih berprinsip mandahulukan uda-
uda jo uni-uni nan paliang punyo potensi dalam artian mamanuhi
indikator kompetensi, integritas, kejujuran dan lain-lainnyo. Kalau
masih ado nan labiah mamanuhi dari ambo, mako ambo akan mandukuang
panuah dan indak baniat jadi kompetitor. tapi kok nyampang suatu maso
nan urang2 itu ndak amuah maju sahinggo nan akan maju adolah calon2
nan indak punyo indikator tasabuik sahinggo akan merugikan ranah
dalam periode 5 tahun kamuko, kalau memungkinkan ambo akan maju....
paliang indak proses iko bajalan mak..kok nyampang nantik ambo
tanyato punyo potensi gadang...ambo tantu akan bayia utang ka ranah
BUndo, tampek jasad almarhumah Ibu ambo kini tabariang....
kiniko ambo baraja selah dulu mak, masih banyak nan alun ambo
ketahui..
salam
Ben
--- In [EMAIL PROTECTED], "Bandaro Labiah"
wrote:
>
> Assalamu'alaykum w.w.
>
> Batua tu Mantari Sutan
> awak muloi dari kini, ambo manunjuak diri ambo surang sabagai tim
sukses
> Benny . indak pulo paralu ambo di bayia do Benny, ongkoih ambo
bialah ambo
> tangguang surang
>
> tapi , ibarat naiak janjang, langkah partamo untuak Kotamadya
Pikumbuah /
> Kabupaten 50 Koto dulu yo
> baa kiro-kiro ??
> jalan nan tampak diambo iyo malalui jalur seni budaya, itu nan bisa
ambo
> garap. banyak tu penggemar dendang saluang, randai, musik. .
insyaallah
> untuang niaik ko kasampaian handaknyo
>
> wasssalamu'alaykum w.w.
>
> Bandaro Labiah
>
> 2008/5/7, Mantari Sutan :
> >
> > Mantap Ben, itu iyo tu mah.
> >
> > Jaan marandah taruih juo lai. Capeklah masuak ka wilayah publik
lai,
> > kalahan Syahrir nan sabalum umua 40 bisa jadi perdana menteri.
> >
> > Wassalam
> > Mantari Sutan/29
> >
> >
>
> >
---------------------------------
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet.
- Tulis Nama, Umur & Lokasi anda pada setiap posting.
- Hapus footer & bagian tidak perlu, jika melakukan reply.
- Email attachment, DILARANG! Tawarkan kepada yg berminat & kirim melalui jalur
pribadi.
- Posting email besar dari >200KB akan dibanned, sampai yg bersangkutan minta
maaf & menyampaikan komitmen mengikuti peraturan yang berlaku.
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
