Hari kaduo di Lambah Wenxian ko mulai taraso agak manyanangkan. Walau taraso jauh (tampek MCK 3 km dari tenda, rs 4 km dari tenda, tampek makan 3 km dari tenda),namun kebutuhan dasar dapek terpenuhi secara tidak mengkhawatirkan (adoh kekhawatiran B2). Sahinggo kami mulai konsentrasi untuk maadohan pelayanan ka pasien di siko.
Di ruang makan secaro informal kami mulai mandiskusian bantuak kegiatan nan lebih banyak memberikan manfaat. Ado ide kami akan langsuang turun ke lereang dan pinggang gunuang, manjampuik bola langsuang ka masyarakat nan kanai gampo. Dapek informasi paliang indak adoh 11 desa sekitar nan kanai gampo nan banyak korbannyo. Desa ko bajarak indak jauh rato2 10 sd 20 km dari tenda tampek kami tingga. Sasudah mantap keinginan tu disampaikan ka ketua tim kes Indonesia untuk disampaikan ka pemda jo harapan samoga pemda maizinkan. Sarupo biaso kami mulai aktivitas ka rumah sakik. Kapatang awak jalan kaki, kiniko alah disadio an oto anta japuik dari jo ka tenda, indak nyo padia an wak bajalan kaki lai doh. Antah apo ko lah batuka bajalan kaki jo baoto, dalam hati mungkin inyo ibo jo awak. Hari ko di kaba an pasien batambah banyak bahkan datang dari lereang sabaliak gunuang, gadang kamungkinan karano media lokal ikuik mambaritakan satiok ari. Namun nan agak aneh iyo jam karajo nyo pasingkek manjadi jam 12 siang, kecuali operasi buliah sampai jam 17. Urang banyak nan bakumpue pun nampak banyak nan kecewa dek karano alah antri bajam2 indak dapek palayanan diateh jam 12. Dalam hati kami lai ingin manambah jam pelayanan, tapi dek karano kebijakan kapalo rumah sakik nan katonyo untuk maagih wakatu istirahat untuk tuan dari Indonesia (tapi antah lah kami babaiak sangko se). Praktis sore ari kami jadi manganggur. Sahinggo maliek situasi itu kami putuihkan untuk langsuang naik gunuang. Hari barukuiknyo sampai hari tarakhir (sampai hari ka salapan) improvisasi kegiatan taruih kami adokan mulai dari pelayanan pasien di rumah sakik, pelayanan pasien ka lokasi gampo, penyuluhan kesehatan lingkungan, pemeriksaan kesehatan anak sekolah korban gampo nan basikola di lapangan, sampai pado acara maajaan bahaso Indonesia ka anak2 sekolah. Lapan hari iyo indak taraso dek kami nan bakarajo mulai dari jago pagi puku satangah limo sampai ka lalok malam puku satangah sabaleh. ‘Kami urang chino (zhung guo) sangaik terharu jo karajo nan alah mambukak mato kami bahaso urang Indonesia tu kawan nan sangaik elok’ baitu pak Zhang mambisiak ka ambo katiko di acara perpisahan malam tarakhir kami di Wenxian sambia mambantang an sabuah palakaik batulisan chino utk tim kes Indonesia. Antah apo ko lah makasuik tulisan tu, tapi nan kecek Prof Lew tulisan nan dibuek dek Pak Zhang adolah tulisan kuno chino nan barisi filosofi kahidupan tolong manoloang nan indak paduli latar belakang urang jo asa urang. Toloang manoloang adolah hak universal kato e sambia maangguak angguak. Samantaro oto bus nan ka ma anta an kami baliak ka Jakarta mulai mandarum. Tangiang-ngaiang ocehan anak-anak tatangga tenda di talingo mambuek suasana hening tanpa baso sejenak katiko oto mandaki gunuang Gau Lou maninggaan sungai naga putiah. ‘Ni haw ma uncle, what are you doing, kerja apa’ baitu keceknyo katiko ambo maambiak wudhu indak jauh dari tenda nyo duo hari yang lalu. Masih jaleh di mato katiko duo puluah cimangko nyo antaan dek kaluarga pasien nan abih di operasi kakinyo ka tenda. Ambiak lah cimangko tu tuan Indonesia kecek nyo. Xie-xie, tuan alah mambantu urang chino, kami bangga punyo dunsanak urang Indonesia. Taringek pulo maso gampo agak gadang di tangah malam nan mambuek kami basegeh untuk manarimo alarm pertolongan…. Salapan hari di Wenxian kini akan menjadi kenangan dan pelajaran bagi daerah lainnya katiko disaster itu mengundang ambo… Selamat tinggal dunsank di Wenxian. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
