Maa Rang Lapau nan Basamo,
Daulu, Urang Awak nan datang ka Batawi naik Kapa Lauik dari Taluak Bayua, Padang. Itulah barangkali mulo-mulonyo. Mareka nan dari Padang disambuakan kapalauik di Tanjung Priok ko sacaro bagarondongan disabuik atau manyabuik diri "Dari Padang". Mangko lakeklah "gala" tu kasadoalahe Urang Awak dilabel manjadi "Orang Padang". Dalam interaksi mareka di "rantau" baru ko, mereka ko ruponyo santiang pulo malagak, sahinggo lagak "Orang Padang" tacatat malakok ka setereotip dalam Gurindam Urang Saisuak: "Lagak Padang, Omong Betawi, tipu Aceh, gurindam Barus." Salampih lai ka bawah, kito tinjau saroman mangulibiaki kulik bawang, antaro awak samo awak atau antaro awak jo urang lua di Rantau, sasamo urang Minang, toh banyak Urang Awak nan manyabauik diri misanyo "Urang Bukittinggi", "Urang Payokumbuah", "Urang Batusangka", dll saroman itu diambiak dari namo kota-kota di Sumatera Barat walaupun Kampuang Awak sabananyo jauah dari kota-kota tu. Ambiak sajo misanyo nan manyabuik diri "Urang Bukittinggi". Mungkin sabananyo inyo dari Ampek Angkek, Baso, Kubang Pipik, Galuang, Sungai Tanang, Malalak, Lubuak Basuang, Batu Kambiang, Koto Alam, Alahan Anggang,Kayu Pasak, dll. Baitu juo misanyo "Urang Payokumbuah" mungkin inyo dari Ampalu Halaban, Sungai Kamuyang, Taram, Pua Data, Baruah Gunuang, Guntuang, Talang Maua, Tiaka, Taeh Bukik, Pauah Sangik, Mudiak Liki, dll. Sakadar contoh-contoh ko dapek ditaruihkan ka "Urang Kota-kota" nan lain-lain ... Di siko lah salah satu labonyo kito punyo Lapau (Rantaunet) nan sajak mulo kito maanjurkan pakai Caro Awak, kalau dapek Caro Kampuang Awak bana, dialek Kampuang Awak bana, dengan identifikasi urang maa bana awak. Mangko dengan sadar kalua lah di Lapau ko sagalo Logat, Dialek Kampuang Awak, dan sacaro positif indak malu-malu mangatangahkan urang maa bana awak. Di sikolah salah satu sumbangan Lapau Awak, Rantauanet ko, dalam "Mambangkik Batang Tarandam." Dengan caro baitu, Kito nan Basamo di Lapau ko marangsang mahindakan "raso randah diri" indak takuik dicap sabagai "Urang Kampuang" totok, tapi dengan bangga mangatangahkan nilai-nilai pribadi Budaya Kito. Nan sabana Budaya-budaya Minangkabau tu sabananyo tasimpan, tasuruak di, dan barasa dari Nagari-nagari kito, di Kampuang-kampuang Halaman kito, bukan di Kota-kota nan tadaftar di dalam peta sajo. Mudah-mudahan mambaranikan mangatangahkan identifikasi Minangkabau dengan Bahaso Minang dengan macam-macam variasi dari sagalo Nagari dan Kampuang Awak dapek ditaruihkan dengan positif tanpa malu-malu awak ko ka disabuik, dicap "Urang Kampuang". Salam, MakNgah -- Sjamsir Sjarif Di Tapi Riak nan Badabua --- In [EMAIL PROTECTED] <mailto:[EMAIL PROTECTED]> , Boediman Moeslim <[EMAIL PROTECTED]> wrote: > > Tabayang wakatu ambo mulai mandarekkan kaki ka tanah jawa ko, > manga kok lain nan tadanga wakatu tu. Banyak nan mampagunoan bahaso urang minang identik jo urang padang. Awak ko indak lain adolah urang Padang. Padahal wakatu di kampuang indak parnah urang manyabuik awakko urang Padang. Tapi, setelah di tanah Jawa ko, lah batuka jadinyo. dari kampuang ka Padang. Baitulah, carito ko. Sampai-sampai katiko mancaliak katepe uda ipar tatulih inyopun lahia di Padang. Padahal inyotu indak parnah tingga di Padang do. > Mungkin iko nan namonyo pakambangan bahasa di rantau. Antah sia nan mamulai awakpun indak tau. Lah bantuak sabongkah kayu nan taseret ombak, coitu bahasako. Kini, kalau awak ka manukanyo SIM SALABIM mungkin agak susah. Lah manjadi bahasa pasa di Jawa, mungkin pulo lah manjadi bahasa di nusantarako.. Ambo maibaratkan sarupo bareh, apokah ado dipasa namonyo ciherang ....sulik mancarinyo, tapi Rajo Lele, bareh Cianjur, bareh Kapalo banyak bataburan di pasa. Baitu pulo bareh-bareh varietas lain, apokah ado jenis varietas-varietas tu? Indak ado sanak. Itulah pasa. Pasa indak bisa diaja, tapi awak nan harus manggiriang supayo pasa maikuti awak. Nah, kalau sanak punyo Rumah Makan, cubo tulih di Rumah Makantu jo RUMAH MAKAN MINANGKABAU, indak Rumah Makan Padang doh, atau sosialisasikan MINANGKABAU dima awak barado. Mungkin saketek-saketek akan baansua Padang barubah manjadi Minangkabau. Tapi awas, jaan sampai tajadi Kota Padang tabao manjadi Kota > Minangkabau........he...he... > Taingek ambo jo Martabak, padahal martabaktu buatan urang Kubang Limo Puluah Kota, tapi a nan tatulih di MERKnyo? MARTABAK BANGKA. Nan paliang ancua adolah ...... MARTABAK KUBANG BANGKA atau kabalikannyo MARTABAK BANGKA KUBANG. Apokah Kubang tu di Bangka atau Bangka tu di Kubang? Nah, untuak para pamain bahasa, maaf.....bagi nan bawenang di bahasa, cubo dicaliak baliak paralu ndak jawaban ko digutiak baliak, mudah-mudahan ado manfaatnyo. > > Wassalam, > Tan Lembang (52) > Lembang-Bandung > > --- On Thu, 6/12/08, ASLIM NURHASAN <[EMAIL PROTECTED]> wrote: > > From: ASLIM NURHASAN <[EMAIL PROTECTED]> > Subject: [EMAIL PROTECTED] Re: Padang atau Minang (OOT) > To: [email protected] <mailto:[email protected]> > Date: Thursday, June 12, 2008, 1:32 AM > > carito nan ambo danga; > > partamo, penyebutan Orang Padang untuak Anak Nagari Minagkabau adolah salah satu keberhasilan Balando nan indak dicermati dek Anak Nagari Minangkabau sendiri; > kaduo; ado sebagian Anak Nagari Padang indak suko kalau disabuik Urang /Orang Padang. karano itu artinyo mereka adolah Urang Nieh nan katonyo pulo bukan Anak Nagari Minangkabau; > katigo; itulah salah satu dari indikasi ketidak-cermatan, ketidak-arifan, dan/atau ketidak-pedulian Anak Nagari Minangkabau jo Karakteristik Luhur nan paliang dalam dari nilai positif-produktif filosofi Minangkabau; > wallahu alam > Aslim Nurhasan /0811103234 > > ----- Original Message ---- > From: Herman Jambak <[EMAIL PROTECTED]> > To: Milis Arrasuli <[EMAIL PROTECTED] <mailto:[EMAIL PROTECTED]> >; Milis Mantan Awak Kabin Garuda <[EMAIL PROTECTED] <mailto:[EMAIL PROTECTED]> >; Milis FPK <[EMAIL PROTECTED] <mailto:[EMAIL PROTECTED]> >; Milis KMC <[EMAIL PROTECTED] <mailto:[EMAIL PROTECTED]> >; Milis Saudagar Minang <[EMAIL PROTECTED] <mailto:[EMAIL PROTECTED]> >; Milis Tarbiyah <[EMAIL PROTECTED] <mailto:[EMAIL PROTECTED]> >; Surau <[EMAIL PROTECTED] <mailto:[EMAIL PROTECTED]> >; Milis RantauNet <[email protected] <mailto:[email protected]> >; Diskusi HRD <[EMAIL PROTECTED] <mailto:[EMAIL PROTECTED]> > > Sent: Wednesday, June 11, 2008 5:12:54 PM > Subject: [EMAIL PROTECTED] Padang atau Minang (OOT) > > Banyak dari kita yang berasal dari Minang menyebutkan asal kita dari Padang walaupun kita bukan dari kota Padang, tidak seperti orang dari suku-suku lainnya, seperti Orang Jawa, Sunda, dll. > Bagaimana kalau dari sekarang kita menyebutkan bahwa kita Orang Minang seperti halnya suku-suku lainnya! > > Wass.& Bgds., > Herman Jambak > Cooperative of Garuda Indonesia Group Employees/Koperasi Karyawan Garuda Indonesia Group (KOKARGA) --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
