Mak Sati Tarimo kasih atas jawaban Mak Sati. Maaf ambo talambek manjawek. Maaf pulo sakali lai kalo email ambo sabalunnyo manyingguang Mak Sati yang terlibat bana manyusun kurikulum di Depdikbud Sumbar.
Tapi pertanyaan ambo tentang usaho2 untuak mendokumentasikan bahaso minang (struktur bahasonyo, grammarnyo dsb nyo) rasonyo alun tajawab lai. Kalau alun ado, iyolah paralu iko ditanyokan ka fakultas sastra di unand. Ambo raso pasti ado juo alumni nyo di palanta rantaunet ko yang mungkin bisa maagiah masukan. Supayo bisa lestari bahaso awak. Kalau itu alah ado, soal menerjemahkan ke dalam kurikulum pendidikan umum tantu bisa dilakukan. Ambo setuju jo Mak Sati bahwa persoalan dialek itu sederhana - tapi bukankah solusinyo sederhana juo, tingga disesuaikan jo kondisi setempat. Bialah lain2 dialek bahaso minang yang diajakan di solok, padang jo payakumbuah tuh. Jan pulo karena alasan yg sederhana itu, hal nan pokok - mengembangkan dan melestarikan bahasa awak - jadi ditinggakan. Kalau untuak maajakan bahaso awak di nagari awak sendiri indak salasai urusan nyo dek awak, apo lai urusan maajakan adaik basandi sarak, sarak basandi kitabullah tu, ka generasi penerus awak? sadangkan pelajaran yang diajakan di sekolah umum awak sajo ndak lakek di anak- anak itu do, apo lai nan indak diajakan? makonyo pemahaman awak tentang adaik awak (tamasuak penghulu awak, urang awak di kampuang dan di rantau) itu pun bemacam-macam. jadi kalau banyak nampak dek awak nan aneh-aneh kini di kampuang awak tu - soal pengangkatan penghulu, cekcok perbatasan dan sebagainyo nan memalukan awak tu, menuruik ambo jan pulo disabuik urang awak lah lupo jo adaik dsbnyo. mungkin awak nan lupo mendokumentasikan dan mengajarkan kemuliaan adaik tu ka generasi penerus awak? pertanyaan ambo baa kok sampai itu indak diajakan? mohon tanggapan dari palanta rantaunet. sakali lai mohon maaf kalau ado yg indak berkenan. salam St. Mangkuto Sati (35, Den Haag) On Jun 18, 12:36 am, "Sjamsir Alam" <[EMAIL PROTECTED]> wrote: > Budhi, > > Baa mangko bahaso Minang indak dijadikan salah satu mato palajaran dalam > kurikulum muatan lokal, co di Jawa, Sunda, Batak, dsb? > > Jawabannyo sederhana sangaik. Bahaso Minang punyo banyak dialek dan > subdialek, dan sampai kini para ahli bahaso Minang, alun pernah manyapakati, > dialek nama nan ka dijadikan bahaso Minang standar, dengan sagalo > perangkatnyo, bunyi, tatabahasa, kosakata, dsb. Mambuek mato pelajaran indak > samo jo mambuek imel di palanta ko doh, buliah sakandak awak surang. > > mak Sati (L. 71+3+16) > > Tabiang > > mantan Ketua Tim Perekayasa Kurikulum > > Kanwil Depdikbud, Prop. Sum. Barat > > (1984-1997) > > > > ----- Original Message ----- > From: budhi bahroelim > To: [email protected] > Sent: Wednesday, June 18, 2008 12:16 AM > Subject: [EMAIL PROTECTED] Re: Padang atau Minang (OOT) > > Sato pulo ambo sakaki. > > Sependek yang ambo tau, di Sekolah Dasar di Jawa, anak-anak SD itu lai > baraja Bahasa Jawa. Di Jawa Barat, mereka lai baraja Bahasa Sunda. Ambo > sakolah sampai tamaik SMA di Padang indak pernah ado mandapek pelajaran > Bahasa Minang. Ambo indak tau baa kok sampai bantuak itu. Mungkin dipikianyo > dek nan mambuek kurikulum di sekolah awak, Bahasa Minang itu hampia samo sajo > jo Bahasa Indonesia, jadi indak paralu diajakan di sekolah-sekolah di > Sumatera Barat. entahlah... > > mungkinkah karano Bahasa Minang itu pun indak ado bahaso tulisnyo? Kalau > mambaco tulisan-tulisan di milis ko kadang2 bakaruik juo kaniang ambo atau > tagalak juo saketek mambaco kato2 nan ambo indak pernah danga dan indak tau > artinyo. Itulah kekayaan Bahasa Minang yang bisa awak nikmati di palanta RN > ko. > > Tapi apokah batua indak ado versi tulis Bahasa Minang tu? Apokah indak ado > usaho untuak membuekkan atau membakukan grammar Bahasa Minang supayo bisa > didokumentasikan, dipelajari dan dilestarikan? Kan paralu iko dilakukan untuk > melestarikan Bahasa Minang sebagai bagian dari kebudayaan minang? Indak salah > awak tu kalo bisanyo cuma baibo ati mancaliak/mandanga bahaso iko indak > dipakai dek urang kampaung awak lai, tapi diam sajo mancaliak bahaso ko indak > diajakan di sakolah dan indak ado usaho untuk melestarikannyo - di tangah > kuaiknyo pengaruh bahaso pergaulan dari Jakarta, misalnyo. > > Cubo awak bandiangkan jo bahaso lain yang diajakan di sekolah awak. Bahasa > Indonesia diajakan di sekolah umum selamo 12 tahun (sajak SD sampai SMA). > Bahasa Inggris diajakan sekurangnyo 6 tahun di sekolah umum - kalau indak > salah kini anak SD pun alah mulai baraja Bahaso Inggris. Duo bahaso iko sajo > susah payah awak maajakannyo ka anak-anak awak. Ado yang pakai les privat > bagai. Antahlah, bara nilai rato2 nilai ujian nasional Bahasa Indonesia jo > Bahasa Inggris? Alah barajo salamo itu indak salasai juo urusan bahaso > Indonesia jo Bahasa Inggris lulusan SMA awak. Apo lai kalo bahaso itu ndak > diajakan di sekolah awak? Dima pulo Bahaso Minang itu ka dihargai dan bisa > menjadi tuan rumah di kampuang awak sendiri? Baitu pulo jo aspek lain > kebudayaan minang yang indak awak ajakan di sekolah-sekolah awak. > > Bahkan namo-namo kota di nagari awak indak dituliskan dalam dialek minang > yang awak pakai sehari2. Mestinyo kan Bukik Tinggi, Batusangka, Tanah Data, > Limopuluah Koto, Aia Manih, Limau Manih, dsbnya? di Jawa Barat namo2 tempat > dlm Bahasa Sunda tetap dipakai, walaupun tapatah-patah lidah urang dari > daerah lain manyabuik Ciumbuleuit atau Cibeuruem misalnyo. Di Eropa pun > baitu, namo kota2 itu balain-lain tagantuang bahasonyo. Misalnyo Den Haag > (Belando), The Hague (Inggris), La Haya (Spanyol), Haia (Portugis), La Haye > (Perancis). Atau Koln (Jerman), Cologne (Inggris), Keulen (Belando). > Mokasauik ambo, biaso sajo nama kota atau namo daerah itu babedo2 dari satu > bahaso ka bahaso lain. tapi tantunyo di tampek itu sendiri tetaplah dipakai > namo dalam bahaso setempat? Baa kok di nagari awak indak? Ataukah awak nan > indak percayo diri jo bahaso awak surang? > > Soal sebutan urang padang atau urang Minang - apo acuan sabananyo? Tampek > lahia kah? Ambo manarimo sajo disabuik urang Padang, soalnyo memang ambo laia > dan gadang di Padang. Atau mestinyo ambo manyabuik diri urang Padang Panjang > dek kaduo urang tuo ambo lahia di situ? Atau harus ambo manyabuik ambo urang > Banuampu, urang Pakan Sinayan atau urang Sariak, soalnyo keluarga urang tuo > ambo dari situ asalnyo? > > Kalau dalam pergaulan antarbangsa, kalau ado nan batanyo, ambo biasonyo > manyabuik berasal dari Sumatera Barat. Soalnyo kalo disabuik namo2 > kota/daerah itu tantu indak tabayang dek lawan mangecek ambo yang kurang > paham peta indonesia. Mungkin ado juo rancaknyo awak menggalakkan sebutan > urang Sumatera Barat - soalnyo istilah ko labiah inklusif, bisa mencakup > etnis lain yang ado juo di kampuang awak, misalnyo urang keturunan Cino dan > bisa juo mencakup urang dari Kepulauan Mentawai. > > itu sajo dulu dari ambo. > > salam > St. Mangkuto Sati (35/Den Haag) > > On 6/17/08, Darul M <[EMAIL PROTECTED]> wrote: > > ------------------------------------------------------------------------------ > > No virus found in this incoming message. > Checked by AVG. > Version: 8.0.100 / Virus Database: 270.3.0/1504 - Release Date: 6/15/2008 > 5:52 PM- Hide quoted text - > > - Show quoted text - --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
