Yth. Dunsanak kasadonyo;
Sambah sujuik dari ambo, bakeh kasado niniak jo mamak, cadiak pantau nan
gadang basa batuah nan duduak sakuliliang palanta Rantau Net nan ambo hormati
ko.
Mudah-mudahan kito basamo ado dikaruniai ni'mat kesehatan sarato indak
kekurangan suatu apopun juo, dima juo badan barado, baiak di rantau maupun di
darek. Baitu do'a dari ambo.
Adopun surek dari ambo, indak ado barito nan kadihimbaukan kaba nan ka
dihambaukan. Pena diambiak karateh dikambang - baitu caro lamo, sadangkan caro
kini adolah maiduikkan komputer sudah tu mangetik - sakadar andak manyambuang
silaturrahmi, nak jan lupo dek lamo, nak jan ragu dek lah banyak.
Salain dari itu, nak sakali dayuang dirangkuah duo tigo pulau talampau, nak
sakali malayangkan surek duo jo tigo pulo mungkasuik sampai. Mangko ambo
informasikan bakeh dunsanak nan berminat untuak mandanga alunan suaro alat
musik tradisional Minangkabau, banamo bansi, nan sabantuak jo rekorder anak
sikola nan tabuek dari palastik, namun bansi ko tabuek dari bambu, nan lah ado
ratusan tahun sabalun rekorder ditamukan.
Ambo cubo mancari manyigi, akhirnyo ado rekaman suaro bansi nan ambo ubah
jadi MP3, nak dapek dunsanak lain samo mandanga pulo.
File tu lah dilatakkan di halaman barikuik, nak dapek samo kito klik:
http://groups.yahoo.com/group/urangawak/files/bansi.mp3
Nan main bansi tu bukanlah ambo, dan namo pemain sayang alun diketahui.
Walaupun ambo lai acok pulo main bansi tu, tapi alun ado kesempatan untuak
marekam lai, dek mik indak ado. Namun jikok masih ado kesempatan, ambo akan
selalu berusaha menyimpan musik-musik asli ranah Minang ka dalam format
digital. Supayo tasimpan warisan budaya kito tu.
Baitu sajo dari ambo, mohon maaf bakeh nan kurang berkenan.
Wassalam,
Wady Afriadi Sutan Pamenan (umua 35 tahun)
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
