AslmWrWb Insya Allah, urang kampuang kito indak baranti mewarisi jo mengembangkan budaya kito ko doh. Salama di ranah (18-25 Juni) patang ko, ambo labiah banyak baurusan jo Singo Barantai untuak mengumpuakan data2 foto jo video untuk promosi. Kama bajalan dianta dek ketuanyo nan memang adiak kanduang ambo..:)
*Takana dulu hanyo batigo kami mandatakan tanah sasaran (1990-an) tapi kini lah rami dek urang2 sampai kader2 nan masiah SD pun rajin latihan ampiang tiok hari.* Foto jo videonyo insya Allah ambo tampilkan di blog kami. Sayang sekali Singo Barantai batal tampil di depan perantau Minang USA kareno acara pindah tampek ka Mirama Restoran. Padahal 20 pemain kami sudah stand by dengan pakaian adat lengkap dan ketua Singo Barantai (Zulhendri Ismed) sudah duluan manamui Ajo Duta. Sekda prov (pak Yohanes Dahlan) lah takajuik2 sajo maliek Izul lah sato pulo duduak di Mirama..:) Mudah2an ke depan perantau makin dekat dengan acara pamenan anak nagari ko. Da Indra sendiri (Indra Yuda, dosen UNP, yang juga juri IPSI dan anggota Dewan Kesenian Sumbar/Taman Budaya, ikut menemani Singo Barantai ke Jkt untuk festival Silat Tradisi seNusantara bulan lalu) singgah ka rumah kami dan ambo mamintak ka beliau jiko adoh data dan artikel tentang budaya Minangkabau supayo dikirimkan agar bisa ambo masuakkan ka blog Singo Barantai. Ambo raso uda Indra ko nan dimukasuik dek pak Ramadhanil... Sempat pulo batamu jo pak Azwar Siry (Sekum IPSI Sumbar) di Lapangan Imam Bonjol wakatu maambaik foto tari masal pada saat pembukaan festival seni dan olahraga se SMP/MTSn. Lamahnyo promosi ambo raso karano kurang dana juo salah satunyo. Singo Barantai nan maadohkan festival randai dan silek tradisi pulo dalam rangka HUT 10nyo bulan Juni patang manangguang hutang 8juta setelah acara salasai. Lai adoh janji dari pemda, tapi agak lamo turunnyo. Apolai Padang ka pilkada, lah payah pulo batamu pak Wali dek dikapuang dek tim suksesnyo. Lah batanyo pulo "sia nan ka waang piliah yuang?", baru ka dapek apo indak..:) Ambo hanyo bisa membantu 3juta jo ongkos untuak 12 pemain nan ka sato ikuik di festival nan samo nan ka diadohkan di Bukittinggi (SUMARAK, 5-7 Juli). Kalau indak salah, adoh beritanyo di milis iko. Plus manitipkan handycam supayo kegiatan mereka punyo dokumentasi lengkap ke depannyo. Selain itu, kabanyo pak Oyong dari IPSI pusat lah maagiah sinyal pulo ka Singo Barantai untuak menyiapkan kader terbaiknyo ikuik di festival silek tradisi internasional di Korea September 2008 ko. Mudah2an lai ka tapiliah pulo basamo wakil dari daerah lain. Sakian saketek carito dari kampuang. Wassalam fitr tanjuang lk/33/Albany NY. On 7/2/08, Ramadhanil pitopang <[EMAIL PROTECTED]> wrote: > > > Dear all, > > Saminggu nan lalu ambo baru tibo di Jakarta dari Frankfurt (Jerman), > seterusnya pulang ka Ranah Minangkabau untuak beberapa hari. Sangaik > beruntuang ambo karano pada saat di Payokumbuah sedang berlangsung Festival > Kesenian Anak Nagari se Minangkabau ditambah dengan kesenian suku-suku dari > daerah lain seperti Batak, Jawa dll nan dilangsungkan sejak 20 Juni hingga > 30 Juni 2008 tapeknyo di MEDAN NAN BAPANEH Desa Tarantang, Kecamatan Harau > Aka Barayun di ibu kota Kabupaten 50 Kota nan baru (indak jauh dari > Sarilamak). > > Tangkai seni nan dipalombakan adolah RANDAI, TARI, PIDATO ADAIK, TALEMPONG > PACIK, SALUANG, RABAB dll. > Kesan ambo sangaik luar biasa, ternyata saudaro-saudaro kito di kampuang > masih memegang taguah dan mempertahan seni tradisi Minangkabau. Pada hari > Minggu Sabtu (28) tampilah Groub Randai dari KOTA PADANG, tapeknyo desa Koto > Tangah dari kecamatan Pauh nan mambaokan carito " Mehelo Rambuik dalam > tapuang", banyak anak mudo pasilek yang ikuik dalam grub tersebut ditambah > jo tukang kacak nan mambuek suasana sangat luar biasa. Susah dicaritokan , > ambo indak manyangko ternyata generasi mudo MInangkabau alah bangkik > baliak. Salamo 18 tahun indak pernah manonton Randai tapi ternyata seni > budaya masih dipertahankan. Tiok-tiok daerah/ perwakilan menyajikan carito > Randai dengan pengahayatan Peran dgn Pantun, Gurindam diselingi musik > karawitan Minangkabau yang sangat "Perfect". dari Pariaman dengan curito > SITI BAHERAM, dari Payokumbuah carito Malin DEman dll. > Pada kesempatan tersebut sempat pulo ambo basuo jo tokoh-tokoh seni (dosen > ASKI Padang Panjang) diantaro Dr. Indra (S3 di Malaysia), Drs. Syaiful > Erman, MSc nan alah malang melintang mambawo tim kesenian Minangkabau ke > manca negara, dan lain-lain. > > Di Pasa Payokumbuah sendiri tiok malam selalu ado pertunjukan Saluang jo > Dendang, dimano penonton dapek menikmati "gurauan" sambia maraguak kopi jo > makan katan pisang goreng. > > > Bagi dunsanak-dunsanak nan ingin menyaksikan kembali kesenian dan Budaya > Minang ado kaba baiak dimano akan diadokan "PEKAN BUDAYA MINANGKABAU yang > akan berlangsung di Taman Budaya Padang. Akan hadir kontingen dari seluruh > Indonesia dan luarg negeri seperti Negeri Sembilan (Malaysia), Brunei dll. > (informasi dari kawan-kawan ASKI Padang Panjang). > > SEMOGA MINANGKABAU JAYA, BABALIAK PINANG KATAMPUAKNYO, SIRIH KA GAGANGNYO > > Wassalam > > DR. RAMADHANIL PITOPANG, > Wk. Ketua Kerukunan Ikatan Keluarga Minangkabau Sulawesi Tengah > Palu. > Dosen FMIPA Biologi Universitas Tadulako Palu > --- On Wed, 6/25/08, Bot S Piliang <[EMAIL PROTECTED]> wrote: > > > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
