Angku Taufiq, -- Takana di ambo ado lo Karupuak Baguak, iyo agak taba. Munghkin karupuak baguak ko saromanjo karupuak Baso nan angku caritokan?
-- Karupouak pinggan. Ado karupuak pinggan ko saduah dibuek dipotong sabalah-sabalah biasonyo untuak di gatu-gatu pamakan nasi juo. Hampia samo jo karupuak India tu barngkali, topi bawangnyo taraso nan di awak. Nan India tu agak balain aromanyo. Kok ka mambvaorong "Karupuak Katam", puseknyo di "Pasa Alang Laweh Halaban" (rami Silasa) rasonyo, dan "Pakan Robaa Gaduik" (rami Robaa). Kaduonyo di Jalan Lereng Gunuang Sago (Payokumbuah - Lintau). Di sinan puseknyo dijua urang bakaruang-karuangatau bagoni-goni diangkuik ka pasa Payokumbuah atau Bukittinggi. Kok Pai ka pasa Alang Laweh tu jan lupo cari Gulai Kambiang nan lamak. Di jua urang dakek pasa kambiang (bagian taranak kambiang iduiik). kadainyo pakai suduang-sudauang sajo. Langganannyo urang nan lah tahu-tahu lamak salero sajo. Tukang jua gulai kambiang ko balega dari pasa-ka-lpasa satampat: Alang Laweh (Selasa), Pakan Robaa (Rabu), Pakan Satu (dakek Padang Manggateh, Sabtu), tantu indak lupo inyo jo Pasa Pikumbuah (Akad). Carito Gulai Kambiang nan lah MakNgah cubo: Pakan Ladang (Amoek Angkek), Garegeh (disubarang jalan dakek Nikita), Dakek Ngalau Payokumbuah (dakek-kakek Simpang ka Limbuakan, Alang Laweh nan basabuik sabanta ko. Salam, --MakNgah --- In [EMAIL PROTECTED], "Rasyid, Taufiq (taufiqr)" <[EMAIL PROTECTED]> wrote: > > > > Kok soal makanan untuak jajan kini memang sangat beda jo ukatu kito > sikola dulu. > > Untuak berbagai jajanan itu masalahnyo antaro lain : masalah > kebersihan/sanitasi process mamasak, air nan indak layak untuak > dikonsumsi, penggunaan pengawet, pewarna,mono sodium glutamat, sarato > zat yang membuat berbagai makanan itu terasa lebih renyah ( untuak > masalah perenyah iko dulu diinfokan berasal dari lemak babi, baa ko lah > kini statusnyo). > > Baru baru iko supayo gorengan renyah kabanyo ado pulo nan mancampuakan > plastik ikuik digoreng. Jadi awak lah sato pulo makan plastik. > Bahkan ukatu minyak goreng maha ado pulo issue, minyak bekas pakai dari > Kentucky Fried Chicken dan yang sejenisnya digunakan oleh penjual > gorengan. > > Jadi kok lai sempat urang rumah mamasak, rancak anak awak makan buatan > sendiri. > > Kalau karupuak yang asli iko, ambo jadi takana ado kawan dari India nan > sabulan karajo- sabulan off ditampek ambo. > Inyo acok mintak petugas mess menggorengkan karupuak ubi nan dibaoknyo > dari kampuangnyo. > > Karupuak ubi itu, samo size bantuak jo rasonyo jo nan banyak dijua urang > di Pakan Baso ( beda jo karupuak ubi ex. USA atau Amerika Selatan). > > Dek karano ambo kecekkan samo jo karupuak didaerah ambo. Kalau inyo > manggoreng karupuak itu taruih dikirim pulo ka meja ambo sapiriang > karupuak India tu. > Antah nama nan dulu urang awak atau urang India dalam mambuek karupuak > iko ?? > > Hal lain tantang karupuak ubi iko nan ado didaerah ambo antaro lain > adolah : > > - Karupuak dari Salo/Kamang, ukurannyo ketek sekitar linggkaran karet > gelang dan pakai bawang. Banyak juo di jua di Kiktenggi. > > - Karupuak Baso nan dicuritokan diateh( dek kami disabuik juo karupuak > laweh). Sabananyo dikampuang ambo banyak juo diproduksi, dan labiah taba > dari nan barasa dari Padang Tarok. > > Kalau karupuak itu alah digoreng dalam kondisi nan alun kariang bana. > Dalam gelembung nan terbentuk pado karupuak itu akan tabao minyak > manih/minyak kelapa nan sabana harum dan nikmat ( indak minyak goreng > dari Kopra/ CPO macam nan ado kini). > > - Karupuak pinggan- salaweh pinggan ( karano mambueknyo ciek-ciek > dilengketkan ka pinggan dan dikukuih) baru dijamua dan digoreng. > Karupuak iko ado juo nan pakai lado dan bumbu lain sabalun dikukuih. > > Kalau nan agak lain prosesnyo adolah karupuak katam yang kekuningan jo > karupuak dari ubi jala nan pakai saka. > > Itulah karupuak usali kito nan mungkin labiah aman dari karupuak > kaluaran pabrik.- > > Salam > St. RA 53+ > > > -----Original Message----- > From: [email protected] [mailto:[EMAIL PROTECTED] On > Behalf Of Adyan > Sent: Monday, July 14, 2008 8:37 AM > To: [email protected] > Subject: [EMAIL PROTECTED] Re: Tuberkulosis Masih Masalah Besar Indonesia > > > Assalmaulaikum w.w. > > Pak Taufiq, gizi buruak anak2 awak juo karano sangaik banyak jajan, > balanjo ka lapau tiok sabanta mambali sagalo makanan buatan > pabrik..ciki, jelli, dl.. Kabanyao itu makanan indak sehat.. Di rumah > makan nasi jadi bakurang dek lah kanyang taro.. > > > -- > salam, > -adyan > > http://www.tenunpusako.com --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
