Assalamualaikum warahmatullahi wabarakatuh, Maa Angku Junaidi sarato Rang Lapau nan Basamo,
Banyak bana nan tasimpan, baiak nan tasurek, apolai nan tasirek dari Postiang Angku Junaidi. Dengan pandangan hati-hati dan pikiran elok pengelolanyo dari Bawah Tampuruang, Kota Sawah Lunto nan talatak di Dalam Kuali ko lah masuak dalam perhatian Peta Negara-negara Tetangga; mungkin sabanta lai Dunia. Kalau lah manjadi Sister City dari Malacca dan lah manjadi buah perhatian para pengelola tamasya di Singapura, pandangan jauah ko secaro relatif lah marupokan langkah maju dari kota-kota lain ataupun propinsi. Pandangan, vision dan kebijaksanaan Wali KOta Sawah Lunto Amran Nur ko paralu dinilai tinggi dan ditiru dan dipelajari oleh para pengelola-pengelola lain di daerah kito. Kito tahu dan bangga daerah kito rancak, indah, dan dan budaya kito unique. Kito manganggap Urang Lain pun lah tahu tantang itu. Kito manganggap kito alah tamusahua di Lua Tampuruang. Tapi, jan takajuik, usahlah pulo bareaksi negatif bana jikok ambo katangahkan imopressi ambo; indak banyak Urang di Lua Tampuruang nan tahu jo Nagari Awak doh. Dalam pajalanan-pajalanan ambo baiak di Malaysia maupun di Singapura maota jo urang-urang nan alun ambo kenal, banyak urang nan indak tahu tantang daerah awak, baiak disabuik Padang, Minangkabau, ataupun Sumatera Barat. Labiah jauah lai, jan takajuik pulo mandanga jikok ambo katokan taruih tarang banyak Urang Amerika nan indak tahu dimaa lataknyo Indonesia! Sangat impressif manuruik ambo kok Sawah Lunto lah manjadi Sister City dari Malacca. Babarapo tahun nan lalu ambo panah dibawo ka Malacca dengan group Intenational Language Studies Conference dari Kuala Lumpur. Kompleks bangunan modern kantor Tourism Malacca talatak di ateh bukik dan mereka sangat aktif mempromosikan nagarinyo. Dari ateh bukik tu dengan presentasinyo nan menarik, tabayang diambo Sumatera di Seberang Selat. Ambo raso indak sacaro kabatulan doh jiko ado penerbangan langsung antaro Malacca jo Pekanbaru dan Ferry nan rami dan aktif antaro Malacca jo Dumai. Jadi, paralu bana bagi kito di Bawah Tampuruang ko mancaliak saroman pancaliakan mato buruang Rang Sawah Lunto; jo langkah teratur manyorakkan mampromosikan daerah kito dengan outreach nan gigih sistematis supayo Urang tahu jo Awak. Salam, -- Sjamsir Sjarif Di Tapi Riak nan Badabua --- In [EMAIL PROTECTED], jun aidi <[EMAIL PROTECTED]> wrote: > > > Assalamu'alaikum > > Disusun jari nan sapuluah > Ditakua-kan kapalo nan satu > Dihunjamkan lutuik nan duo > Ampun jo ma'af ambo pinto > ka bakeh niniak mamak, alim ulama cadiak pandai > > Naiak gunuang rimbo kalibuik > ka rimbo bakayu jati > kayu gadang banyak babuah > bacampua dengan kayu kamaik > gagok ganta ambo manyabuik > Pangulu banyak nan sati > tuanku nbnyak nan batuah > alim ulama banyak nan kiramaik > > Ambo bukan urang sawahlunto dan bukan pulo barumah ka sawahlunto dan persinggungan ambo dengan sawahlunto partamo adolah sekitar tahun 87/88, kutiko ambo baranang2 di batang Ombilan dalam rangka panelitian aia sungai tu untuk pambangkit listrik tanago uap sijantang. > Pasinggunagan kaduo adolah sekitar tahun 2005 kutiko walikota sawahlunto basuo jo urang minang disiko dan pado saat itulah ambo mengenal pak Amran Nur dan wakil walikota baliau nan sakarang nan ukatu tu masih manjabaik katua DPRD. > Kutiko ambo kasinan tahun 87/88, sawahlunto alah saroman kota mati karano TBO alah ilang rono-no dan tambang lua di parambahan alah mulai bakurang hasia no dan dipicu pulo dek arago batu baro nan randah sahinggo nan tatutuik-i biaya produksi. > Setelah sawahlunto di kumandani oleh pak Amran Nur terlihat kota ko mulai menggeliat, sebagai salahsatu kodya terkevil di Indonesia nan talatak di dalam kuali sawah lunto terliaht kurang menjanjikan. Tapi berkat tangan dingin baliau kota iko buliah dikatokan salngkah labih maju dari kot/kabupaten lain di Sumbar. > Setelah pertemuan partamo itu makin intensiflah pertemuan kito jo baliau dan kito alah melakukan program pertukaran pelajar antaro sawahlunto jo Singapura, alah duo rombongan pelajar swawalunto kasiko dan sakali rombongan singapura ka sinan dan rencana no rombongan singapura ka pai ka sawahlunto sakitar bulan November dan sekalian kami akan mambao rombongan Lion City pulang basamo ka Sumbar. > Pak Amran Nur bukan hanyo menjalin hubungan dengan Singapur tapi juo jo negara semenanjung dan bahkan sawahlunto alah manjadi sister city dari malaka. Baliau juo pernah menghadiahkan replika Ustano basa Pagaruyuang ka Tman warisan melayu atau Malay Heritage singapor nan kini terpajang di halaman gedung no nan berlokasi di Busrah Street dakek mesjid Sultan. > Semalam rombongan kesenian sawahlunto mengadakan pertunjukan di Jelutung CC nan terletak di sebelah utara singapur dan pertunjukan itu dihadiri oleh bapk walikota dan perangkatnya serta Dr. Lim seorang anggota parlemen singapur dan exco jelutong cc. Acara ko cukup mendapekan response nan meriah dari nan hadir, bahkan ado komen kok ndak dari dulu2 kalian mampromosikan nagari kalian den caliak nagari kalian cukuik indah dan kami di singapur alah bosan pai ka Japang, Hongkong, amerika dan eropah kami ingin mancari destinasi nan lain dari nan lain nan masih asri, alami dan tidak terkontaminasi jo budaya2 kontemporer. Jadi kalau ado pejaban di ranah bundo nan pesimis patuik dipertanyakan apokah mareka alah benar2 bakarjo kareh untuak nagari. > Ambo kiro bpk Amran Nur merupakan suatu fenomena baru di ranah bundo dengan latar belakang beliau nan pengusaha sahinggo pamikiran baliau sangai batolak balakang jo birokrat. Dari segi kepeang mungkin baliau alah maraso cukuik jadi indak paralu lai mangguntiang dalma lipatan dan malipek APBD ka saku baliau. Ambo sangaik yakin kalau APBD itu digunokan sebesar2no untuak kamajuan rakyaiak indak ado kusuik nan ndak salasai indak ado karuah nan ndak ka janiah. Indak akan kito tamui lai anak minang nan mati dek busuang lapa, kalau ado kemauan disnian ado jalan Nadak kayu janjang dikapiang ndak ameh bungka diasah. > Kalau ado dunsanak nan bakainginan ka manjadi caleg, cabub, cawakot, cagub, capres dari kini pasanglah niaik nan ikhlas untuak mamajukan bangso bukan mamajukan paruik surang dan ambo yakin dan picayo kalau langkah itu dimulai dengan niak nan ikhlas Allah pasti akan mambantu nan rahmat Allah tu ka turun dari langik dan mambasuik dari bumi. tapi kalau niakno alah lain tunjuak luruih kalingkiang bakaik picayolah nagari awak ko akan tetap basilemak peak tapi ingek anda yang pasti adolah camat (calon mati) dan azab Allah itu sangaik padiah dan pamimpin nan zalim nan dahulu ka dipuruak-an ka dalam narako dan sabaliakno pamimpin nan adil nan dahulu pulo tabang ka sarugo. Itu dengan catatan anda masih picayo dengan pembalasan Allah di hari akhir tapi kalau anda ndak picayo lai pabuekleh sasuko hati anda sampai manyonggeng kalangik. > Banyak ma'af > > wassalam > > MB, 41+ kandang singo > > > --- On Fri, 7/25/08, [EMAIL PROTECTED] <[EMAIL PROTECTED]> wrote: > > > From: [EMAIL PROTECTED] <[EMAIL PROTECTED]> > > Subject: [EMAIL PROTECTED] Re: Ratusan Warga Solok Dilibatkan Festival Danau Singkarak2008 > > To: [email protected] > > Date: Friday, July 25, 2008, 3:24 PM > > Iko ciek lai ilmu koncek, lah dakek ari baru bainformasikan > > alek ko. Sasaran dituju ndak tanguang2. Turih lokal jo > > mancanegara. Emangnya orang libuar bisa sekehendak hati. > > Ado jadwal nan lah disusun di turih ko, kalaou ka ma info > > kan harus jauh2 hari dan jan di lingkuang sakitar se yg > > dihagiah tahu. Katanya mau mengundang turis mancanegara, > > info nyo media lokal, yo jauh pangang dari api. --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
