Bana Jo Jepe, walapun ambo kabatulan ado di tapi pantai mancaliak tukang-tukang pukek maacah-acah lauak namun pangana ambo jauah malayok-layok kian kumari wakatu itu. Kito tinggakan crito bara lamaknyo lauak fresh tu sabanta, ambo kicaukan pangana impressi ambo ka keadaan nelayan nan garih gadangnyo lah ambo sabuikan dalam postiang tadi.
Wakatu ambo datang ka pantai tu waktu itu, indak ambo sangko ka ado urang pulang mamukek sinan doh. Hari-hati abalunnyo ambo pai ka sinan pantai tu langang. Ambo surang sajo maranuang-ranuang mancaliak aia gilo mambayangkan pantai nan panjang lauik nan leba jauh dari tampek ambo bapijak. Tapi sudah tu tacumbok jo babarapo (mungkin anam) urang duduak mancangkuang di pasia mangamehi lauak ketek-ketek. Memang saro-saroknyo sadang dipisah-pisah, tinggalah lauak bakasiak-kasiak bacampua sagalo macam nan ambo indak tahu namonyo tu. Mungkin sabalun ambo alah ado urang nandatang, mudah-mudahan nan tampak di ambo tu memang labiah-labiah lauak nan lah tajua, indak kasadoalahe hasia tangkapan hari itu. Mereka bagi-bagi saonggok surang. Wakatu ambo bakandak tu, mareka saliang caliak mancaliak, [mungkin karano ambo "urang sasek" ka sinan] onggok sia nan ka diagiahkan. Mungkin baitu caronyo baisyarat, nan surang dakek ambo maagiahkan bagiannyo kasadonyo. Ambo tanyo bara ko? Iyo ambo indak maago-ago doh. Harago nan dimintak tu, maingekkan ambo ka Asian Stores di California, jauah- sabana jauah dibawah sa once (ampelop plastik ketek) ikan teri palapeh taragak ambo! Sadiah balinang aia mato, ambo agiahkan kepeng sabnyak dimnintak tu jo tarimo kasih banyak dari ambo. Ambo indak panah bajalan-jalan sapanjang pantai saroman Jo Jepe nikmati menghayati pengalaman hiduik Rang Pamukek tu. Tapi agak jarak ka lauik ambo alah malalui pantai-pantai Lauik Indonesia wakatu balaia jo Ocean Peral Cruise dari Phuket, Thailand, manyusur pantai Barat Sumatera taruih ka Jawa, Bali, baliak ka Singapura. Mancaliak para nelayan cako duduak mancangkuang, ado nan bakain saruang, belilikkan kaateh ka manjadi bantuak sarawa kotok. Suasana tu maingekkan ambo ka anak mudo-mudo manayerongkan kain saruangnyo jadi sarawa kotok wakatu main-main sipak rago rotan di bulakang Hotel Sedona Mandalay, Birma. Di Phuket ambo caliak pulo urang-urang Nelayan Birma immigrant di pantai nan ambo bayangkan samo-samo jo kaadaan melayan awak ko. Di sinaqnlah taibo hati, mancaliak kaadaan tukang-tukang pukek ko mamiliah ikan ketek-ketek mamisahkannyo jo sarok-sarok nan tapukek. Samantaro tu organized fishing companies nan "indak diketahui" mangukuik ikan-ikan jo garondong gadang pukek harimau untuak dijuanyo maha-maha ka lua nagari ... Salam, --Nyiak Sunguik --- In [EMAIL PROTECTED], jupardi andi <[EMAIL PROTECTED]> wrote: > > Mak Ngah (Nyi Sunguik or Hambociek) > > Parupuak nan Mak Ngah caritokan tu wilayah jelajah ambo tu, lapeh muaro > panjalinan taruih ka Pasia Jambak. Sekitar tahun 2001 s/d 2005 awal ambo > batugeh di Padang, Rumah ambo dakek Muaro panjalinan tu (kini ba kontrakan) nan > disubarang sungai tu (Komplek Berlindo). Jadi ampia tiok minggu ambo ka Pasia > Parupuak pai mancari lauk pukek nan segar ko, persis apo nan Mak Ngah kecek, > ndak co ambo ketek isi kandua pukek ko lai (Tahun 70 an), kini ko isi kanduo tu > banyak sarok jo ubua2 sajo. > > Ambo yo ibo ati manjacaliak nelayan pukek ko, lah gantiang pinggangnyo dek > maelo pukek, tapi isi kandua sarok sajo jo ubua-ubua, tu ikan ketek-ketek > bantuak maco, bada, pinang-pinang. Nan sarok ko bacampua jo LAPU, ikan ko > babiso dipantaknyo awak bisa damam paneh lo 2 hari duo malam dibuek e. Kok > banyak lapu nan mamantak tu tujuah hari tujuah malam lo awak damam he..he..jadi > jaan asa marosok sarok dalam pukek tu. Jaan kan untuak ka dijua lauk pukek ko, > untuak makan anak pukek tu agak sasayak (istilah kami KARAMBIA TOKONG sanak > Suryadi lah pasti tahu apo nan > dimukasuik Karambia Tokong ko..he..he) barabuik inyo mambagi. Kok ado Suaso > manyalo agak 3 atau 4 ikua biaso ka disamba urang nan punyo pukek. > > Ambo kok mambali lauk pukek ko indak baago2 bagai ka nelayan tu, ibo ati > awak kabara banalah kok maago paliang mailakan pitih 2 ribu tigo ribu. Jadi > lauk nan Mak Ngah mukasuik tu (bacampua2 ado pinang2, anak batai-batai, maco, > bada, tandeman ukuran ketek) istilahnyo anak lauk ikan ko, lamak digoreng jo lado hijau tu rancah jo patai lubuak minturun nan > manih....halllaahhhhh yo sero makan jo nasi angek, uok lo taruang..Mak Ngah. > > Rindu bana ambo kini jo suasana Pantai jo Pukek ko, antah diperairan nan > masih alami bantuak kampuang Sanak Suryadi Sunua, kok lai "kanai" urang mamukek > alias dalam kandua tu lai ikan sajo, indak sarok jo ubua2 sajo. Batua bana Mak > Ngah di Perairan Mentawai banyak pukek Harimau merajalela, Nelayan dari > Thailand, abih lauk awak di Zona Ekonomi Ekslusif, samantaro Nelayan Pukek awak > cigin sajo mancaliaknyo. > > Lah panjang carito ambo Mak Ngah. Kok ka disemba baliak..semba lah. Lauk > Pukek yo segar Mak Ngah apolai kok kanai Tandeman, di Pangek asam padeh jo > balimbiang tunjuak...waduhhhh..ampun..ampun ..la mangaranyam paruik ambo kini > mambayangkannyo Mak Ngah, kalau gitu makan ambo dulu jo Pangek Dagiang sajo di > Pekanbaru ko, tu pagotok Patai mantah.....wallllaaahhhhh so delicious..Bro > > Jepe (43) > --- > dikuduang satangah sajo..bia nyambuang carito lauk pukek ko > ----------- > > Salain sanang mandanga ombak mancaliak aia gilo, satu hari ambo > mancaliak urang mambagi-bagi lauak di ateh kasiah pantai. Ruponyo > ado urang baru baliak mamukek. Apokoh ambo lah takudian, atau memang > hasia pukeknyo saketek, ambo sempat batanyo, kalau ambo bali > saketek. Ruponyo sasudah mareka bagi-bagi seketek surang dapek lah > di ambo lauak fresh tu. Memang ambo namokan lauak sajo tapi macam- > macam isi lauaknyo nan indak tantu namonyo. Pokoknyo dapek lauak > saunjuik. Dibawo ka tampek kamanakan nan tingga di Parupuak tu. > Ondeh. Iyo bana fresh, digulai, digoreng, sanang ambo malahapnyuo > basamo-samo. > > Samantaro mancaliak nelayan awak tu mancangkuang mangemehi lauak nan > indak banhyak tu, sabana taibo hati ambo, karano tabayang di Lauik > Lapeh tu, banyak pancilok lauak modern lua nagari mangukuik lauik jo > jo Pukau Harimaunyo ... > > > Salam, > --Nyiak Sunguik > --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
