Yo, kasihan "pendatang haram" nan tapaso cigin kalau tagijau tampak upeh di nagari maa sajo.
Pangalaman ambo di Makah. Dakek Hotel di sabalah Masjid Haram banyak urang padusi bajua makanan di pinggir jalan. Mareka pakai baju hitam, muko batuntun tampak mato sajo. Tampak di ambo makanan Indonesia, laku galehnyo. Tapi wakatu ambo sadang mandakekinyo, tibo-tibo ado isyarat kawan-kawannyo. Inyo iyo "tapaso baguluang galeh tu...dan basiansua cigin...." "Maaf Pak" keceknyo lunak-lunak dalam Bahaso Indonesia "saya harus menyingkir" sambia mampeloki purdahnyo. Ruponyo dalam baju hitam pakai purdah itam ko, tasambunyi badan padusi Indonesia nan suaronyo ambo kenal sabab ambo bakatahuan kapatang dibawo suaminyo ka rumah mereka. Inyo ruponyo lah mengenal ambo, itu sebabnyo inyo bari tahu isyarat kawan-kawan tu, ado upeh. Sore kapatang tu, wakatu pulang dari Mesjid Haram ambo disapo urang nan bakupiah Indonesia dakek hotel ambo manginap, Makah Tower. Ambo sangko inyo Urang Awak sabab tampaknyo saroman pakaian urang siak di kampuang ambo Ampek Angkek. Inyo manawarkan jasa-jasanyo dari mawakiakan kaluarga baibadat naiak haji sampai turis guide. Wakatu ambo satuju inyo ka mambawo ambo ka lua kota, inyo manunggu ambo tajarak dari hotel karano takuik jo upeh. Sasudah dicariannyo taksi, kami pai bajalan-jalan jauah ka lua kota sampai ka Mina jo Arafat. Dek sanang maota dalam pajalanan tu ambo katokan ambo ingin mancaliak kahidupan urang-urang Indonsia "pandatang haram" saroman jo inyo tu. Inyo lah picayo jo ambo sahinggo inyo bawo ambo ka rumahnyo agak tajarak saketek ka kampuang masih dalam jarak jalan kaki dari Hotel. Wakatu sampai ka rumahnyo, inyo punyo kode sandiri untuak masuak rumah nan bakunci dari dalam. Di dalam ado babarapo urang kawan-kawannyo. Di sinanlah ambo diperkenalkan jo istrinyo nan manjua makanan dakek hotel cako. Dalam maota jo keluarga tu ambo dapek carito dan pandangan mato baa pangalaman mereka sabagai "pendatang haram". Salam, --MakNgah --- In [EMAIL PROTECTED], "Rasyid, Taufiq (taufiqr)" <[EMAIL PROTECTED]> wrote: > > Tapi kok masih pendatang haram... mancaliak upeh tibo... tapaso > baguluang galeh tu...dan basiansua cigin.... --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet - Tulis Nama, Umur & Lokasi anda pada setiap posting - Dilarang mengirim email attachment! Tawarkan kepada yg berminat & kirim melalui jalur pribadi - Dilarang posting email besar dari >200KB. Jika melanggar akan dimoderasi atau dibanned - Hapus footer & bagian tdk perlu dalam melakukan reply - Jangan menggunakan reply utk topik/subjek baru =============================================================== Berhenti, kirim email kosong ke: [EMAIL PROTECTED] Daftarkan email anda yg terdaftar pada Google Account di: https://www.google.com/accounts/NewAccount?hl=id Untuk dpt melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
