Alhamdulillah.... akhirnyo denai bisa mambuka pintu lapau baliak...
setelah bamingu-minggu takunci ndek berbagai kasibukan....
Lah banyak carito nan talewaik an.....
Mulai dari carito ulang tahun (selamaik ulang tahun kapado bapak/mamak/ibu/uni,
semoga panjang umua dan selalu mendapat ridho Illahi....amin.),
sampai ka carito politik, carito2 Prof.Suhaimi dan puisi2 uni Iffah nan sangaik
manyantuah hati....
Rasono kami punyo utang untuak dinda Nofend, disaat kami panasaran jo asa usua
Jusfiq Hadjar nan urang Cingkariang (karano alun pernah mengikuti / mambaco
carito ttg pak gaek gon sabalunno).
Wakatu pulang kampuang bulan Juli lalu, lai basempat an batanyo ka ibu jo ante
di kampuang, (ndak sempat batanyo ka nan lain doh), rupono lai kenal ibu jo pak
gaek Jusfiq tu,
kalau ndak salah pak gaek tu sa umua jo ibu. Ibu sendiri ndak bagitu kenal
dakek jo beliau doh, walaupun samo-samo mangaji di kampuang daulu. Mungkin
dari ketek alah aneh-aneh juo parangai no.
Pak gaek Jusfiq tu alah punah keluarga inti no di Cingkariang. Ano baradiak
kakak baduo laki-laki sen, dunsanakno nan surang dun alah maningga kecek ibu.
Pernah baliau ko pulang kampuang terakhir sekitar tahun 1990an, dibaok no urang
rumah no nan urang parancih dun...., katiko ano mandi (si bule dun) di
tabek batilanjang (bakutang jo basarawa sen), dibae no diurang kampuang....
sudah tu cigin sen no dari kampuang li..... ndak ado sen tadanga kaba no li doh.
Sagitu sen nan tau ibu jo ante carito ttg pak gaek Jusfiq, carito ttg pandangan
baliau terhadap Islam indak tau ibu jo ante doh, tapi mungkin baliau tu alah
murtad... (masyaAllah...) kecek ibu.
Untuak Uni Iffah, kami yo indak sempat singgah di tabek gadang sungai tanang
doh, tapi lai bamintak ibu untuak bacarito tentang tabek gadang dun,
bernostalgia lah kami sampai tangah malam...
Walaupun cuma tigo hari di kampuang, tapi sangaiklah banyak urusan nan
tasalasaian rasono.
Mulai dari mauruih untuk manyarayo urang mambarasiahgan tanah paninggalan alm
papa di Cingkariang, mauruih rumah di perumahan ampang gadang (antaro simpang
baringin jo simpang tanjuang alam), sampai maajak investor untuak maninjau
daerah panorama tabek patah untuak mambuek semacam pusdiklat di daerah tsb,
sasuai jo imbauan untuak mamajukan pariwisata di Minangkabau.....(Padohal misi
utamo pulkam waktu itu cuma manjapuik anak bujang nan sadang balibur ka
kampuang...)
Kami punyo mimpi jo kakak ipa, nan punyo pabrik kopi kiniko di tabek patah,
untuak mambuek home stay nan dianjurkan bapak-bapak/ibu di palanta ko. Tapi
rupono mandapek sambutan dari kapalo cabang PT Askes Bukittinggi, baa kalau
didirikan semacam pusdiklat/mess di dakek panorama tabek patah dun.......
Pusdiklat/mess nan bisa dipakai untuak umum maupun untuak intern PT Askes, nan
berskala nasional, sahinggo kalau ado acara-acara seminar dsb nan bersifat
nasional, alah bisa pulo dilaksanakan di tabek patah dun. Kabataluan tanah
paningalan rang gaek kakak ipa tu lai cukuik laweh untuak pandukuang mimpi dun.
Walaupun masih dalam tahap penjajagan, tapi sumangaik untuak labiah maiduik an
pariwisata di tabek patah sangaiklah manggabubu.... Mudah2an mimpi kami bisa
terwujud
Kalau ado sumbang saran dari bapak / ibu sakalian, kami sangaik harokkan.
Tarimokasih sabalun dan sasudahno...
Wassalam, Jakarta 19 Agustus 2008
=Deded= (38 th, 9 bulan)
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
