Waalaikumsalam,wr,wb.
Nak bajawek pantun ajo Sidi :
Sidi Arsyad rang Piaman
Tingga e di daerah Gombak
Kok ado salah kato jo ucapan
Rila jo maaf nan ambo pintak
Ajo Sidi Arsyad sakaluarga di Gombak Kualo Lumpue, Alah lamo bana ajo
indak mancogok, sakali mancogok banyak barita jo informasi nan ajo
sampaikan.
Iyo molah, dek hari baiak bulan baiak, bulan malamang di bulan Sya'ban ko,
bulan urang pai balimau, mansucikan diri jo niek dihati, mako ado baiak
nyo pulo kito BALIMAU MAYA di RN ko antaro sasamo kito nan alah satahun
badiskusi, baciloteh, badebat dan bainteraksi sacaro maya, kadang ado nan
tasakik'i, kadang ado nan tasingguang, ado nan talendo dek ka naiak,
tasipak dek ka turun, mako pado saatnyo lah kini kito ba mooh-moohan. Dek
Ajo Sidi Arsyad alah mamuloi, mako ambo maikuik'i sajo. Untuak itu mooh
kan pulo ambo. Sabalunnyo ambo alah ma mooh kan ajo Sidi Arsyad dan
saluruah dunsanak di palanta RN ko.
Ka Mak Sati dan keluarga nan sadang konsul dan barubek di Malaka, kito
doakan lah samoga nan sakik dapek cegak baliak seperti samulo.
Mengenai rombangan SAS, pagi ko sadang manuju Malaka dan taruih ka Putra
Jaya dan KL. Sayang ambo indak sato di rombongan, kalau ikuik, tantu dapek
pulo singgah di RS Malaka mancaliak Mak Sati sakaluarga.
Di KL, rombongan SAS akan manginap di Hotel Radius Internasional Bukik
Bintang, mungkin salamo 2 malam, malam ko jo malam bisuak.
Sakali lai, salamaik mancogok baliak ka Ajo Sidi Arsyad, alah disewai pagi
cako baru mancogok. Maa nyo dunsanak ambo nan ciek lai, Gani Usop ?
Wassalam,
HM Dt.Marah Bangso (51+)
> Assala`mualaikum wr wb
> Sanak sudaro yang ado dipalanta nan ambo hormati.
>
> Mak Datuak urang dari Solok
> Pak Zulharbi pulo dari Sangka.
> Iyo lah lamo indak mancogok
> Baru kini ado ambo di Palanta.
>
> Nan paratamu sakali ambo mohon maaf pado dunsanak nan setia di Palanta.
> nyampang kok ado salah dan silap salamoko, maklumlah kito kamanyambuik
> Bulan Suci Ramadhan nan indak lamo lai.
>
> Nan kaduo.untuak pangatahuan kito basamo bahaso Mak Sati{Syamsir Alam}
> sarato rang rumah dan anaknyo nan baoperasi tempo hari lah 3 hari barado
> Malaka. untuak Konsul.. jo Dokter di MMC Malaka. Baa kini kok ado dari
> kito nan ingin batanyo kaba{SMS} ka Mak Sati buliah lah mahubungi ka H/P
> +6017-6566 722.
>
> Nan katigo Rombongan rang kampuang Mak Datuak Marah Bangso, dengan
> singkatan SAS nan kini lah barado pulo di Ma`sia dari Johor Baru taruih ka
> Malaka dan Kuala Lumpur dan manginap di Hotel Radius International
> Petaling Jaya, sayang sangenek nan Mak Datuak bana nan indak ikuik
> rombongan, nan ikuik hanyo rang rumahnyo.
>
> itulah nan sangenek dari Kualo Lumpue, salah dan jangga dalam manulih,
> ambo mohon maaf.
> Wassalam
> sidi arshad { 51 } KL
--~--~---------~--~----~------------~-------~--~----~
===============================================================
UNTUK DIPERHATIKAN:
- Wajib mematuhi Peraturan Palanta RantauNet, mohon dibaca & dipahami! Lihat di
http://groups.google.com/group/RantauNet/web/peraturan-rantaunet
- Tulis Nama, Umur & Lokasi anda pada setiap posting
- Dilarang mengirim email attachment! Tawarkan kepada yg berminat & kirim
melalui jalur pribadi
- Dilarang posting email besar dari >200KB. Jika melanggar akan dimoderasi atau
dibanned
- Hapus footer & bagian tdk perlu dalam melakukan reply
- Jangan menggunakan reply utk topik/subjek baru
===============================================================
Berhenti, kirim email kosong ke: [EMAIL PROTECTED]
Daftarkan email anda yg terdaftar pada Google Account di:
https://www.google.com/accounts/NewAccount?hl=id
Untuk dpt melakukan konfigurasi keanggotaan di:
http://groups.google.com/group/RantauNet/subscribe
===============================================================
-~----------~----~----~----~------~----~------~--~---
